陳奕迅(Eason)早前忙於世界巡迴演唱會，Eason除咗有一把好聲音及卓越嘅唱歌技巧，音樂詣藝甚深，擁有8級聲樂證書之餘，曾於英國留學，住過寄宿學校嘅佢更操得一口流利英語，由被寵壞嘅港孩變成一個獨立男孩。

The post 明星成長 ｜陳奕迅升中獲派第7志願 提早到英國寄宿入讀金士頓大學 appeared first on 新城教育+.

名校絕對唔係讀書叻嘅人嘅專利，運動細胞好一樣可以都有機會被名校取錄！曾為香港游泳代表隊隊員嘅方力申，當年憑傑出嘅游泳成績被名校聖若瑟書院取錄，其後細佬方圓明亦相繼憑游泳成績入名校，更為選擇體育科而揀選拔萃男書院。雖然二人均為游泳健將，不過升讀聖若瑟書院後亦無因此而放棄學業，方力申更憑運動員身份入讀香港大學，方圓明現更成為一名律師，可見兄弟二人游泳之外，都有非常好嘅前途。

自小為游泳健將
以運動成績換取大學入場券

方力申遺傳爸爸與祖父二人嘅游泳天份，自小接受游泳訓練，9歲起便成為南華游泳會成員，15歲更到過斯里蘭卡出賽，全憑出色嘅游泳表現，被中西區名校聖若瑟書院取錄，代表聖若瑟書院取得多個游泳獎項，後來以運動員身份被香港大學取錄，修讀經濟及工商管理學。19歲嗰年，方力申前往美國費城中學Germantown Academy進修，於當地進行高密集嘅游泳訓練，跟隨前澳洲奧運金牌泳手Dick Shoulberg練習。經過密集嘅訓練，取得悉尼奧運參賽資格，代表香港游泳隊出戰，曾擁有全香港9項游泳紀錄。而細佬方圓明雖然亦憑游泳成績成功入讀聖若瑟書院，但因為想考體育科而轉入拔萃男書院。

圖片來源 : IG@alexfongliksun

方力申曾於訪問中透露，因受到爸爸影響，少年時期一直保持着「先游好水，再讀好書」嘅方向奮鬥，雖然重心為游泳，但卻要兼顧學業，為咗取得游泳佳績，前往美國習訓時，一星期六日只睡五小時，由最初一日游7公里慢慢增至每日游15公里，更曾說：「一開始練到哭，水浸滿泳鏡，看不到前路。」不過努力終有回報，方力申除咗擁有游泳傑出成就，同時更係香港大學嘅畢業生，成功以運動換取學歷資格。

聖若瑟書院曾出產多名著名校友

傳統男名校聖若瑟書院，除咗學術成績優異，其運動成績亦非常出色，曾培養多個運動名人，其中之一就係曾為TVB藝人兼擔當《赤沙印記@四葉草.2》男主角嘅司徒瑞祈（阿水）。聖若瑟書院着重運動發展，近年於多個學界運動比賽中創下多個較為突出嘅成績，除咗於D1學界游泳比賽奪得冠軍，更於學界田徑比賽D3A2組獲得團體冠軍，另外更於籃球比賽、水球錦標賽奪取不少獎項。

男藝人許廷鏗、林家謙等人同是聖若瑟書院校友

圖片來源 : IG@alexfongliksun

貴為傳統名校嘅聖若瑟書院，被列為Band 1A-1B級，曾出產多個名人校友，明星方面除咗有運動健將方力申及司徒瑞祈，亦有林家謙、梁釗峰、許廷鏗及陳奕迅外，另更有諾貝爾獎得主光纖之父高錕爵士，可見呢間學校培訓出嘅學生都非常有料到！

敢發夢，又敢唔敢追夢？有想法，要實現就要想辦法！

我哋邀請咗不同界別嘅嘉賓，9月3日同大家分享升學及就職出路嘅資訊，並以專業角度分析生涯規劃嘅重要及實踐方法，同場更有演藝及運動界別嘅年青KOL以過來人身份同大家分享追夢嘅心路歷程，費用全免！

立即登記及出席講座仲可以拎走《生涯規劃自學手冊》實體書，快啲約埋朋友仔一齊報名啦！活動詳情 : https://bit.ly/3BTxPfP

相關文章
明星成長 ｜ 岑寧兒為多位巨星唱和音出身 受盡賞識由幕後過度成正式歌手
明星成長 ｜ Tyson Yoshi 程浚彥自小被送英國學好英文 不求獎項堅持做獨立音樂
明星成長 ｜ 盤點六位香港男星就讀的傳統男校

The post 明星成長 ｜方力申憑游泳成績入聖若瑟書院 兼顧學業成功入港大 appeared first on 新城教育+.

近年榮升為爸爸嘅陳柏宇，因為女女嘅出現，令其於心態以至音樂事業上有所轉變，過往陳柏宇常被外界認為「冇野心」、「被動」，於音樂事業上並無太大突破，原來源自於自己無信心，但由於近年疫情影響工作，而且成家立室，令陳柏宇產生危機感而自我審視，於是決心學習唱歌，自我增值，為自己於音樂事業上爭取一點主導權。

自小熱愛運動及唱K
受朋友相助獲唱片公司簽約

 陳柏宇3歲時因家庭問題，曾進過兒童之家，後來被婆婆接走，到加拿大生活，與婆婆一同生活，二人感情非常好。陳柏宇就讀加拿大馬克維爾高級中學，後來入讀阿爾伯特坎貝爾中學，曾於訪問中坦言自小熱愛運動，曾喜歡打羽毛球，更有參加比賽，不過18歲後卻發現能力已到頂，於是變選擇轉攻桌球，更曾到桌球室打工，每天「篤波」至少7至8小時，同時亦鍾意唱K，而成為歌手嘅契機，主要係來自一位加拿大嘅一位朋友幫忙。

圖片來源 : IG@ckw720

當時未對將來有具體諗法嘅陳柏宇，中學畢業後亦有繼續進修，入讀加拿大聖力嘉學院修讀社會工作文憑，不過中途曾回港工作，計劃回港一兩年後再返回加拿大繼續學業，正正於此期間，加拿大朋友將之前為陳柏宇收錄嘅聲帶寄到唱片公司，並因此而被賞識，加盟SONY BMG旗下成為歌手，正式出道。

明星成長 ｜ 方皓玟入行初幾經波折 曾被退為幕後音樂人

受小肥激發重新裝備自己奪主導權

陳柏宇出道後，憑多首熱播歌曲奪取不少歌曲獎，如深受港人歡迎嘅《斷絕來往》、《車匙》、《永久保存》等，一出道便活躍於樂壇，不過高峰後音樂成績大不如前，更被稱為「隱形歌手」，一直被外界認為陳柏宇不夠進取，而其實陳柏宇亦深知此事，曾直言自己於音樂上冇乜信心，因自己只懂演唱，冇作曲及冇填詞，自覺唱歌技巧亦不如別人，從來無受過音樂訓練，所以好多時都唔敢畀意見及表現得不太主動，更曾於獲獎時感到不配，因認為功勞大多歸於幕後團隊。

圖片來源 : IG@ckw720

直至疫情後因工作受影響，而且亦都成家立室，陳柏宇開始審視不足之處，並開始希望於事業上爭取主導權，提升作為歌手嘅能力，受小肥唱功進步激發學唱歌嘅動力，決定裝備自己重新上陣，表示：「唔想喺成功時覺得不配，失敗又唔知係咪自己責任，起要碼自己感到無悔。」可見陳柏宇並非一個如此「無所謂」嘅「佛系歌手」，為咗改變於演唱會中參與構思及參與宣傳短片製作，稱：「唔係等人畀嘢我做，太冇安全感，冇任何辦法覺得自己值得現時的名譽，名譽唔係自己建立，好似係公司幫我，唔想有呢個感覺。」

望女女受西方教育 入讀國際學校

圖片來源 : IG@ckw720

而呢個轉變亦都係陳柏宇作為人父後才有所行動，因唔想女女承繼其怕事嘅性格，於是勇敢求變，積極把握機會，改善自身不足並主動爭取工作上嘅主導權。陳柏宇更表示喜歡加拿大嘅教學模式，曾有意安排女女到加拿大升學，不過現時暫望女女往後能夠入讀國際學校，因為欣賞西方教育，認為小朋友能夠發挖更多可能性，促使學生自主學習。陳柏宇女女曾就讀嘅係浸信會奧基英文幼稚園暨幼兒園，現時就讀香港創價幼稚園K1。

香港創價幼稚園
香港創價幼稚園為九龍塘區名校，屬於「免費優質幼稚園教育計劃」之一。學校以「人本教育」為辦學宗旨，致力建立一個愉快、開放和多元化的學習環境，並提供一個全面、均衡及適切的課程，讓兒童能發揮他們無限的潛能，為社會培育具備創造價值能力的人才。學校行小班學校，總共約652人。根據2021-2022年度資料顯示，半日班全年學費約$1793。官方網站

敢發夢，又敢唔敢追夢？有想法，要實現就要想辦法！

我哋邀請咗不同界別嘅嘉賓，9月3日同大家分享升學及就職出路嘅資訊，並以專業角度分析生涯規劃嘅重要及實踐方法，同場更有演藝及運動界別嘅年青KOL以過來人身份同大家分享追夢嘅心路歷程，費用全免！

立即登記及出席講座仲可以拎走《生涯規劃自學手冊》實體書，快啲約埋朋友仔一齊報名啦！活動詳情 : https://bit.ly/3BTxPfP

相關文章
明星成長 ｜ 岑寧兒為多位巨星唱和音出身 受盡賞識由幕後過度成正式歌手
明星成長 ｜ Tyson Yoshi 程浚彥自小被送英國學好英文 不求獎項堅持做獨立音樂
明星成長 ｜ 林家謙大專比賽時被一位歌手賞識 從此開啟音樂之路

The post 明星成長 ｜陳柏宇入行靠一位朋友熱心相助 決心求變不做 「佛系歌手」 appeared first on 新城教育+.

《超級巨聲3》出身嘅馮允謙（Jay Fung），音樂才華有目共睹，其獨有嘅音樂風格於市場上雖屬非主流，卻得到樂壇認可及一班知音Fans！Jay Fung大學時便夜以繼日努力寫歌，卻去到30多歲音樂事業才上軌道，背後捱過不少辛酸，當年因與理念不合離開公司，卻一下子跌入低谷，失去所有工作。不過Jay Fung一直無懷疑過自己嘅目標及才能，堅持創作自己喜歡嘅音樂，終在2020年推出大碟《Awaken》，橫掃樂壇上多個獎項，音樂受到認可，成為樂壇上矚目嘅男歌手。

自小受父母影響與愛上音樂
被《超級巨聲》啟發 踏上音樂之旅

Jay Fung 自小於加拿大長大，由於爸爸經常外出工作賺錢養家，每當Jay Fung想念爸爸時便會聽爸爸留低落嚟嘅張學友卡式帶，而當時北美洲冰天雪地，音樂喺呢個時刻特別能打進Jay Fung嘅心，當其時更經常於車廂中欣賞媽媽播放嘅Backstreet Boys歌曲，亦從此開啟咗Jay Fung對流行曲嘅喜愛。Jay Fung曾於訪問中表示，由於當時大部分同學都聽流行曲，所以自己都試着接觸，誰知一聽愛上，更買下人生第一隻專輯，邊聽邊跟住唱，從此與音樂結緣。

圖片來源 : IG@jayfungmusic

由於Jay Fung讀書時已愛上音樂，所以好早便開始創作音樂嘅生涯，曾為學校作曲填詞加演唱，獲得身邊同學嘅讚賞。不過由於媽媽擔心唱歌難以維持生計，於是便建議Jay Fung修讀金融會計學系，當時Jay Fung就讀嘅係加拿大嘅亞伯達大學，大學亦時常溫習，空餘時便寫歌，大概累積寫咗20首。不過真正激發Jay Fung於音樂路上再向前一步嘅，就係無綫電視舉辦嘅《超級巨聲》音樂比賽，當時人在加拿大嘅Jay Fung因留意到參賽者林欣彤、羅孝勇及胡鴻鈞等人嘅才華，便決定放棄當時尚算滿意嘅電訊公司工作，前往香港追尋音樂夢想，更參加咗《超級巨聲3》，最終奪得亞軍，簽約無綫電視並成為旗下合約藝員。

明星成長 ｜ 方皓玟入行初幾經波折 曾被退為幕後音樂人

低潮時更捉緊對音樂的熱誠

不過入行初期，因公司無再為 Jay Fung籌備推出新歌，而令其工作減少，雖然Jay Fung仍堅持繼續寫歌，但卻一直冇推出歌曲嘅機會，曾因此而懷疑自己，想過放棄，望見同為《超級巨聲》出道嘅歌手，感覺自己一直裹足不前，便決定離開無綫以尋找新機。不過離開無綫之後，並無為Jay Fung帶嚟即時嘅曙光，反而令事業跌落更低谷，因失去所有工作，長時間維持零收入狀態，生活變得非常節儉，更試過為咗慳錢，與細路去試食會免費試食。不過低潮時，Jay Fung仍有女朋友及細路陪伴，隨住跟女朋友出差周圍去，從而更加發現自己對音樂嘅執着及熱愛，於是便決心繼續寫歌，等待機會。2018年Jay Fung如願以償，加入寰亞音樂，除咗推出專輯《Awaken》，更為其他歌手創作音樂，令其於當年奪得多個音樂獎項，於樂壇上展現鋒芒。而後來個人作品《思念即地獄》、《一步一悔過》及為張天賦MC創作嘅《反對無效》更成為於樂壇上取得非常好嘅成績。

做音樂不為迎合大眾 只為個人追求

遇過低谷，方懂珍惜及珍惜生命中對自己重要嘅東西。Jay Fung曾坦言自己嘅音樂好自私，並認為做音樂係為自己，即使歌曲未必符合大眾口味，但仍會堅持追隨自己嘅心，做自己鍾意嘅音樂，相信只要做好呢一點，聽眾定必感受得到，而事實亦証明Jay Fung堅持係對的，Jay Fung現擁有一群懂得欣賞其音樂嘅知音，被得到樂壇認可。

忠於自我嘅特質相信絕對係促使Jay Fung成功嘅關鍵因素，Jay Fung曾於訪問中講過：「我真不知道怎樣可以創做能打動人的歌，但我感覺，一定要有一份真實，做自己，未必好紅，未必成功，但我做自己喜歡的音樂，總會有一班人喜歡我的音樂，喜歡我的真實。也許，也會有好多人不喜歡我，但作為artist，要賺錢，要對藝術真誠，要honest to 自己。所以，我喜歡自己的音樂，會繼續做，不知道現在能不能賺錢、將來能不能賺錢，但這就是我的藝術世界。」

敢發夢，又敢唔敢追夢？有想法，要實現就要想辦法！

我哋邀請咗不同界別嘅嘉賓，9月3日同大家分享升學及就職出路嘅資訊，並以專業角度分析生涯規劃嘅重要及實踐方法，同場更有演藝及運動界別嘅年青KOL以過來人身份同大家分享追夢嘅心路歷程，費用全免！

立即登記及出席講座仲可以拎走《生涯規劃自學手冊》實體書，快啲約埋朋友仔一齊報名啦！活動詳情 : https://bit.ly/3BTxPfP

相關文章
明星成長 ｜ 朱千雪於演藝事業黃金時期 為追夢重返校園成大律師
明星成長 ｜ 彭秀慧由舞台走到電影 40歲無懼質疑初嚐導演滋味
明星成長 ｜ P1X3L追夢過程公開 讀書最叻係Phoebus？

The post 明星成長 ｜馮允謙為追夢放棄加拿大工作回港參賽 起步慢零收入時期仍不放棄音樂 appeared first on 新城教育+.

香港聖若瑟書院為傳統男校，擁有多年歷史，出產多位著名演藝圈明星，如林家謙、許廷鏗及梁釗峰，大家都係同門師兄弟，另外學校仲出產多位從事幕後嘅創作人，包括電影及音樂界別。

許廷鏗

許廷鏗曾就讀於聖若瑟小學，中學就讀聖若瑟書院，會考取得21分，曾於訪問中坦言會考成績並無預期好，後來轉到德瑞國際學校讀預科，最終成功入讀香港大學牙醫學士課程，現已完成香港大學牙醫學士課程，並取得牙醫執照。

明星成長 ｜ 許廷鏗現實夢想兩邊走 音樂熱情源自於中學唱K

梁釗峰

梁釗峰曾就讀聖公會聖彼得小學，中學入讀香港聖若瑟書院 ，會考取得13分，後來於北角協同中學完成預科課程，最終成功考入香港城市大學並修讀市場營銷學系。大學時曾到北京清華大學做交換生，亦參加過不同類型嘅聯校歌唱比賽並獲得獎項，自此自信心大增，更加認定往後成為歌手嘅志向。

明星成長 ｜ 梁釗峰憑一首作品讓父母接納星途

林家謙

林家謙曾就讀聖若瑟小學，中學就讀聖若瑟書院，完成會考後到香港四邑商工總會黃棣珊紀念中學修讀預科課程，中六時參加校內歌唱比賽，自彈自唱周杰倫嘅《安靜》，因表現出色而奪冠，後來完成AL考試入讀嶺南大學並修讀當代英語語言（榮譽）文學士學位課程。

明星成長 ｜ 林家謙大專比賽時被一位歌手賞識 從此開啟音樂之路

方力申

方力申小學就讀英皇書院同學會小學，更曾就讀香港聖若瑟書院，9歲時已是南華游泳會成員，曾於訪問中表示自己是憑出色嘅游泳成績而入讀名校，期間更曾代表聖若瑟書院奪過不少學界獎項，15歲時更曾到斯里蘭卡出賽。後來到過美國Germantown Academy進修，接受當地密集嘅游泳訓練。最後透過「非大學聯合招生辦法」途徑報讀香港大學，以運動員身份被取錄，並修讀經濟及工商管理學系。

明星成長 ｜ 加拿大為港姐留學熱門地

司徒瑞祈

司徒瑞祈與方力申一樣自小學習游泳，八歲時已加入香港游泳隊，代表香港參與國際賽事，中學入讀聖若瑟書院，畢業後到香港專業教育學院修讀電腦課程，其後再到製衣業訓練局就讀文憑課程，兩年後成功報讀香港理工大學紡織及製衣學系高級文憑課程，曾獲香港大專體育協會頒發「香港大專最佳男子運動員」獎項。

聖若瑟書院

聖若瑟書院為一所傳統名男校，以英文為主要教學語言，估計屬 Band 1B， 是香港現存首間羅馬天主教男子學校，設有小學及中學。 除了學術成績外，體育、文化及課外活動均有卓越表現，除了以上提及的校友，更培訓出多位出色校友如香港著名演員劉松仁、作曲人及唱片監製趙增熹、金馬獎最佳導演麥當雄等。

地址： 中半山堅尼地道7號及堅尼地道26號

《生涯規劃自學手冊》實體書，快啲約埋朋友仔一齊報名啦！活動詳情 : https://bit.ly/3BTxPfP

相關文章
明星成長 ｜ 馮盈盈零經濟及商科底成功考獲CFA Level 1 當年DSE 28分入港大
明星成長 ｜ 盤點六位香港女星就讀的香港名校
明星成長 ｜ 盤點六位香港男星就讀的傳統男校

The post 明星成長 ｜ 香港一所傳統男校出產多個男藝人 許廷鏗、林家謙同是校友 appeared first on 新城教育+.

香港傳統男校於香港數一數二嘅包括有聖保羅書院、華仁書院、喇沙書院，今次一於盤點香港著名男星嘅學歷背景及就讀嘅本港中學，其中更有三所為全香港學術成績經常排名Top 5嘅傳統名校！

聖保羅書院

布志綸

圖片來源 : IG@mralan229

布志綸在聖保羅書院小學和聖保羅書院讀書，於該校度過11年的時光，16歲時到加拿大升學，入讀麥馬士達大學經濟系，但就讀大學期間因家庭問題而回港工作，報讀倫敦大學的校外學士課程，當時以半工讀方式繼續學業，最後無法兼顧工作、樂隊活動及學業三方面，最終未能完成學士學位。如今擔任香港樂隊MR的主音。

明星成長 ｜ 學霸莫文蔚因外公一件事 自小渴望做明星登上舞台

聖保羅書院

聖保羅書院（St. Paul’s College）是位於中西區的一間直資中學，以英文為主要教學語言，乃中西區一所直資，是一所男校，公認 Band 1學校，於全港男校排名一至二，全港排名七至十二。學校秉承聖公會傳揚福音之精神，以基督教真理為基礎，向少年人提供現代化的通才教育。

地址：半山般咸道69號

香港華仁書院

余德丞 

余德丞曾就讀番禺會所華仁小學及香港華仁書院，並到過法國參加交換生計劃，求學時期是運動健將，中學時已成為香港游泳代表隊，並曾獲運動員獎學金。中學畢業後考入香港城市大學，修讀工商管理學系學士課程。大學畢業於多個傳媒行業遊走，先後擔任過不同電台嘅DJ、電視台嘅主持、演員，現更有發展YouTube頻道。

鄭嘉穎

鄭嘉穎於美國三藩市出生，香港長大，曾就讀番禺會所華仁小學、香港華仁書院及香港國際學校，並分別到過美國及加拿大升讀，曾入讀美國南加洲州立大學洛杉磯分校並修讀土木工程系。

李克勤

李克勤曾就讀番禺會所華仁小學及香港華仁書院，小學及初中成績優異，經常考獲頭幾名，但中四時開始忽略學業，成績一落千丈，最後會考考獲16分，經濟及英文取得B級佳績，順利升上中六讀預科。

香港華仁書院

香港華仁書院是灣仔資助學校，以英文為主要教學語言，屬男校，估計屬 Band 1B至1A，於全港男校排名五至六，全港排名三十至五十。辦學宗旨根據天主教信仰對主的愛和中華文化。

地址：香港灣仔皇后大道東281號

明星成長 ｜ 加拿大為港姐留學熱門地

喇沙書院

藍奕邦

藍奕邦曾就讀聖士提反書院附屬小學，後來前往加拿大就讀小五、小六及初中，中四時返港就讀喇沙書院，是一位商科學生，但中學畢業後前往美國喬治城大學入讀政治系。大學畢業後，藍奕邦曾到日本進修，曾在公關公司工作及擔任廣告公司的客戶服務主任，同時兼職創作音樂，因當時經常到海港城表演音樂，曾被封為「海港城鋼琴王子」，如今是一位音樂人。

孫耀威

孫耀威曾就讀聖念慈幼稚園和聖嘉祿學校，中學時曾就讀沙田官立中學，會考成績取得5A1C共28分佳績，後來因為牽涉於官立中學讀書打架事件，轉到喇沙書院完成預科課程。中學畢業後入讀香港中文大學電腦科學及工程系，主修計算機工程學，副修法文，二級榮譽學位畢業。除了讀書成績品學兼優，孫耀威更文武雙全，是為運動健將，活躍於大學田徑隊之餘，更曾於校內嬴得創作歌曲大賽。

喇沙書院

喇沙書院是九龍城資助學校，以英文為主要教學語言，屬男校，估計屬 1A，於全港男校排名一至二，全港排名七至十二。辦學宗旨為推行人文和基督教育幫助年青人充分發展自己。

地址：九龍塘喇沙利道18號喇沙書院

敢發夢，又敢唔敢追夢？有想法，要實現就要想辦法！

我哋邀請咗不同界別嘅嘉賓，9月3日同大家分享升學及就職出路嘅資訊，並以專業角度分析生涯規劃嘅重要及實踐方法，同場更有演藝及運動界別嘅年青KOL以過來人身份同大家分享追夢嘅心路歷程，費用全免！

立即登記及出席講座仲可以拎走《生涯規劃自學手冊》實體書，快啲約埋朋友仔一齊報名啦！活動詳情 : https://bit.ly/3BTxPfP

相關文章
明星成長 ｜ 馮盈盈零經濟及商科底成功考獲CFA Level 1 當年DSE 28分入港大
明星成長 ｜ 朱千雪於演藝事業黃金時期 為追夢重返校園成大律師
明星成長 ｜ 盤點六位香港女星就讀的香港名校

The post 明星成長 ｜ 盤點六位香港男星就讀的傳統男校 appeared first on 新城教育+.

近年非常受品牌歡迎，而且人氣爆登嘅獨立音樂人程浚彥 （ Tyson Yoshi ），近日於九展舉辦一連4場嘅《MY NEW WORLD ORDER》演唱會，不少樂壇前輩包括張敬軒都前來撐場。 Tyson Yoshi自細便到英國留學，雖然外表放浪不羄，有種Bad Boy嘅感覺，不過實際上卻如自創歌曲《I Don’t Smoke & I Don’t Drink》所說唔煙唔酒，係一位純鍾情音樂，不追逐獎項名利嘅獨立音樂人，同時更係一名建築設計系出身嘅英國大學畢業生，外內兼備，才華洋溢！

中學為配合學校掩飾真正興趣
後發現「做自己」的重要

相信唔少人應該覺得望落外表洋氣甚重嘅Tyson Yoshi，  英文一定非常得，但其實背後Tyson Yoshi都下過不少苦功。Tyson Yoshi曾於訪問中坦言自小抗拒學英文，英文考試時常唔合格，亦都一於懶理，Tyson Yoshi媽媽因見呀仔冇心向學，就決定送Tyson Yoshi到英國留學。去到英國，Tyson Yoshi就讀Sedbergh School寄宿學校，迫住要學習當地人嘅英語發音同講法，不斷要求對方重複句子，或直接問人句子意思，硬住頭皮學好英文，以便適應英國生活。

圖片來源 : IG@tysonyoshi

除咗加強語言學習，Tyson Yoshi更說學校非常着重培訓學生嘅獨立處事能力及溝通能力，因當時住宿舍，白天可以靠老師及舍監解決問題，但夜晚喺宿舍時便無法完全依靠別人幫手，好多時都要靠自己解決問題。

雖然中學時期嘅Tyson Yoshi已非常着迷R&B音樂，但因為當時學校主攻運動，為咗配合學校文化，自己亦向運動發展，隱藏原本對音樂嘅興趣，但正因為此經歷，令後來Tyson Yoshi更懂得「做自己」嘅重要，奠下成為獨立音樂人嘅道路。

明星成長 ｜ 岑珈其入行前打過十多份散工 為爭取機會不介意搲撈

到英國布萊頓讀書 眼界大開敢於追求音樂

不過中學畢業後，Tyson Yoshi便入讀布萊頓大學 (University of Brighton)，修讀室內建築設計。Tyson Yoshi表示中學時視野比較狹窄，因為整天都留喺課室及宿舍，而且當地人比較少出遠門，見識不夠多。自從Tyson Yoshi前往布萊頓Brighton後，便發現世界很大，因周圍都係來自不同地方嘅人，種族較多元化，Tyson Yoshi亦較放任追求自己真正喜歡嘅事物，就係由中學已非常熱愛嘅R&B音樂。Tyson Yoshi更表示 : 「無論你的興趣多怪，也可找到一群朋友跟自己一起怪下去」。

臨近大學畢業，Tyson Yoshi透過一位中學朋友介紹，使用一些較平或免費嘅Type Beat（純伴奏音樂），並受邀與朋友一齊玩Rap，呢段時間啟發咗Tyson Yoshi創作音樂嘅興趣，亦開始接觸許多唔同種類嘅音樂。後來Tyson Yoshi亦開始以獨立人嘅身份創作自己嘅音樂，因為睇中台灣市場，早已於台灣開過騷，門票一開賣便於短時間內便全數售出，讓Tyson Yoshi更有信心繼續做音樂。後來Tyson Yoshi受本港一名DJ邀請舉行香港音樂會，Tyson Yoshi嘅音樂便開始逐漸讓港人熟悉，隨之然更成為近年大受歡迎嘅獨立音樂人之餘，亦成為唔少品牌嘅寵兒。

明星成長 ｜ 湯令山Gareth受媽媽影響自小迷上音樂 海外留學拓展音樂領域

自稱「怪胎」卻為獨立音樂人身份自豪

雖然看似Tyson Yoshi嘅音樂路非常平坦順蜴，但其實Tyson Yoshi都試過開騷被噓，經歷過不少挫折，不過對於忠於做自己嘅Tyson Yoshi嚟講，有情緒時偏向唔收埋自己，會立即與朋友傾訴，以排解負面情緒。而「忠於自己」及「不隨波俗流」嘅特質相信亦係Tyson Yoshi 深受歡迎嘅原因，能夠相信自己並不理別人眼光堅持下去，絕對值得大眾欣賞。

Tyson Yoshi指自己不看重獎項，認為音樂並無輸嬴之分，如果要轉行主流路線許多時候都唔能夠太自由，因主流歌手難免局限於一個框內發展，而個人層面亦都會於某方面被受限制，因此自言甘於做個格格不入嘅「怪胎」。對於近年不少人提出要捍衛廣東歌文化而努力尋求改變，Tyson Yoshi則曾於訪問表示 : 「不要執著要去改變什麼，做好自己就是最大的改變。」

明星成長 ｜ 余香凝自小想做空姐 後為演戲讀心理學

Sedbergh School寄宿學校

此校成立於1525年，Sedbergh School擁有接受500年的辦學理驗，是英國西北部其中一所歷史最悠久的寄宿學校。Sedbergh在Yorkshire享負盛名，無論在音樂，藝術，體育及學術等方面均有出色表現。學校教學設施完善，宿舍制度成熟，當學生入讀Sedbergh School時，會被隨機編派到九個宿舍其中之一，其中六座為男生宿舍三3座為女生宿舍，高年級(Year 12以上)為單人宿舍。

除了學術之外，Sedbergh School還非常著重課外活動，學生有數不盡的學會給學生參加，其中最大型的學會為Outdoor Pursuits Club，學會定期在區內舉辦攀石、溪澗探險、洞穴探索及越野單車等活動，非常受好動的同學歡迎。

布萊頓大學

University of Brighton 位於英國南部海灘城市，既是熱門旅遊點，亦是鄰近倫敦的創意及科技產業重鎮。傳統上以藝術及設計科目最為人所知，時裝設計、建築和平面設計是較突出的範疇，時裝學院更多次被人氣時裝網站《Fashionista》列為全球最佳 50 所時裝學院之一。體育、旅遊相關學科近年亦漸具名氣，另設足病治療（Podiatry）銜接課程，適合有志修讀醫療相關學科的學生考慮。

The post 明星成長 ｜ Tyson Yoshi 程浚彥自小被送英國學好英文 不求獎項堅持做獨立音樂 appeared first on 新城教育+.

由情歌王子到暴龍哥，再到「暖男爸爸」的鄭中基，人生可謂經歷過幾許風雨，曾於事業上軌道時因在飛機醉酒鬧事，被一度由高處打落低谷，但同時亦因為此事令鄭中基有所成長，由歌手轉型成為喜劇演員，由浪子變成現實中嘅「暖男爸爸」。鄭中基入行第27年，現時除咗係一位藝人，更係一位YouTuber，形象隨着不同嘅人生階段而不斷轉變，背後最大動力全為太太及一對寶貝仔女。

初出道鋒芒一時無兩
與多位樂壇天王天后合唱

鄭中基就讀聖類斯中學，父親為金牌大風唱片公司總裁鄭東漢，由於父親從事音樂事業，加上鄭中基天生有一把非常悅耳嘅聲線，目標很明確要出道成為歌手，雖則先天條件看似已贏在起跑線上，但鄭東漢曾寄語鄭中基：「呢個世界得一個張學友，唔會有第二個，亦都唔會有第二個許冠傑、鄧麗君。你要自己諗，可能之後唔會咁成功，或者可能會成功啲，但係千祈唔好話做第二個張學友，冇可能。依家就話咗畀你聽，咁你自己諗下做唔做。我唔會主動話你知要做乜，但你有問題可以隨時嚟問我。」而確實往後鄭中基遇到嘅經歷，亦足而證明並無因爸爸係唱片公司總裁而令自己嘅命途變得更得天獨厚。

圖片來源 : IG@tinyeyes39

鄭中基出道時推出國語專輯，但當時發現外界對自己嘅音樂並無太大反應，曾感到與歌手身份無緣，想過退居幕後，不過後來走訪不同校園時，與學生jam歌，過程十分開心，令鄭中基重拾唱歌嘅熱情，於是便繼續向音樂事業發展。後來打入廣東樂壇，出道初為力捧新人，因聲線與張學友相似，更曾被封「張學友接班人」，而後期更與張學友與鄭中基合唱《左右為難》、與陳慧琳合唱《製造浪漫》及與許志安、張學友三人合唱《甲乙丙丁》，令鄭中基聲名大噪。

明星成長 ｜ 加拿大為港姐留學熱門地

音樂事業上軌道時發生醉酒鬧事
受劉偉強邀請轉型成為演員

正當鄭中基事業逐漸上軌道時，卻因飛機醉酒鬧事而被一下子推到低谷。2016年鄭中基由美國飛往台北，期間因醉酒失控，一度對空姐及副機長做出冒犯行為，導致機長要以電筒扑頭制服鄭中基，飛機亦要緊急降落，最後鄭中基被美國FBI拘捕，被控告襲擊及騷擾兩項罪名，最終判罰款2,500美元及留案底。此事一出，即讓鄭中基本來建立好嘅一切推倒，事業下滑，被當時唱片公司放棄，經歷人生低潮。

鄭中基指當時低潮期第一個邀請自己轉型成為演員嘅係劉偉強導演，不過鄭中基更曾稱開拍《愛君如夢》第一日拜神便遲到，因醉駕撞車要上庭，當時劉德華對鄭中基講咗句：「浪子回頭金不換，你要想自己以後的日子要怎樣走。」鄭中基自此便決心將最擅長嘅唱歌事業放低，專心向演員事業發展。轉型成為演員後，鄭中基嘅喜劇細胞一度被發挖，並以喜劇演員出演多部電影角色，受到大眾歡迎，包括《行運超人》嘅電蟹、《龍咁威》嘅龍威及《低俗喜劇》嘅暴龍哥，最終更憑暴龍哥一角成功奪得香港電影金像獎「最佳男配角」，為演藝事業奠下基礎。

明星成長 ｜ 余香凝自小想做空姐 後為演戲讀心理學

為家庭一改騎尼形象 再轉型做暖男爸爸

現年50歲嘅鄭中基，已為兩個小朋友嘅爸爸，擁有一個非常幸福嘅家庭，並一改以往搞鬼扮女人騎尼嘅形象，出演VIUTV電視劇《暖男爸爸》，更加入YouTube 界開設YouTube Channel「機動電視台RTV」分享生活趣事。鄭中基曾於訪問中表示，現時較以往更有興趣接多啲卡通片配音工作，另更有宣傳健康飲食，戒掉酗酒行為，全因希望子女睇到自己健康嘅一面。雖然鄭中基表示自己依然喜歡唱歌，但演藝事業嘅發展亦為自己帶來唱歌機會，近年鄭中基就有舉行紀念演唱會及為電視劇集唱主題曲及插曲，可見人生重回正軌，事業家庭兩得意。

回望過去，鄭中基重提飛機鬧事一事時，形容為人生最深刻嘅一次經歷，並稱此事令自己成長好多：「以前唔會好深入諗問題，覺得唔好理喇，今日開心咗就算。喺嗰個年紀唔會諗到咁遠，就弊喇，嗰次教訓好大，突然間失去咗好多嘢。」「諗返轉頭，嗰時個天待我不薄，冇要我死，只係好大力扑我一吓：『喂你好醒喇！再唔醒就唔得』」

相關文章:

明星成長 ｜ 薛凱琪患抑鬱企圖自殺幸獲圈中好友解救 養貓令自己變得堅強
明星成長 ｜ 周星馳由兒童節目主持做起 奮鬥多年成為香港喜劇之王
明星成長 ｜ 吳君如喜劇角色彈起 高峰時一年拍13部戲

The post 明星成長 ｜ 鄭中基「暴龍哥」走到「暖男爸爸」進化史 appeared first on 新城教育+.

湯令山Gareth 憑着廣東歌《勁浪漫 超溫馨》一曲正式入屋，不過創作此作品前，其實Gareth創作嘅大量作品都係以英文為主，其中代表作有《Boyfriend Material》及《Honest》等。正式加盟華納唱片後，更有幫MIRROR成員姜濤創作其中兩首熱播歌如《Master Class》及《鏡中鏡》。Gareth現時只有22歲，音樂才華已得到不少樂壇前輩認可，全因自小已認清音樂目標，擁有熱誠同時努力讚研，創作大量反映自我嘅音樂作品。

明星成長 ｜ 姜濤對中學回憶感遺憾 望30歲似發哥過生活

受媽媽音樂薰陶迷上音樂

Gareth 雖然係香港人，但作品大部分以英文為主，更操一口流利英語，全因自小愛看迪士尼頻道、英文YouTube視頻及一些英文處境劇，其中最愛劇集《The Suite Life of Zack & Cody》，而且又愛聽英文歌，聽得多講得多，自然便擁有如外國人般地道嘅英文腔。

圖片來源 : IG@gareth_tong

音樂方面，因Gareth媽媽喜歡古典音樂，又經常帶Gareth去聽演奏會，因而令Gareth自小便迷上音樂。小學時，更因學校規定必學一樣樂器而學識拉小提琴，6年級時，更因一次外籍老師介紹Michael Jackson嘅歌而令Gareth開始認識到外國音樂，並且甚感興趣。直到一次音樂老師喺學期末要求同學交一份作曲功課，從此開啟Gareth嘅作曲之路。

明星成長 ｜ 陳法拉30歲跳出舒適圈 赴美國修讀戲劇碩士課程

到海外深詣音樂 回港加入華納唱片

Gareth中學就讀名校保良局蔡繼有學校，當時開始沉醉於流行音樂，雖然閒時會作歌聽歌，但當時仍然未有為前路規劃，直至中學畢業，因想擴闊音樂領域有意到外國升學，當時亦因老師推薦而報讀美國柏克萊音樂學院，最終亦成功被取錄，主修音樂寫作及製作！升上大學後，Gareth反覆創作，更訂立寫一百首歌嘅目標，同時更不斷練習唱歌，並上載音樂作品到音樂平台讓人欣賞及評價。大學期間Gareth認識不少知音，並且積極以華人身份融入當地文化，尋找自我，更於訪問中直言大學四年令他見識更廣。

畢業後Gareth回港亦經歷過迷失階段，質疑靠音樂能否維生，後來於機緣巧合下認識到華納香港Hip Hop ＋ R&B 部門主理人兼任饒舌歌手嘅「大匙羹」Nicholas，因志同道合而受邀加盟華納唱片。初期公司有建議Gareth走Hip-hop型格路線，但Gareth清楚只想做回自己，亦不適合浮誇形象，於是便選擇以自己最原本嘅形象出道。Gareth年紀輕輕便才華揚溢，擁有好多大型演唱機會，但卻依然保持謙卑，全因明白誠實嘅重要，Gareth曾於訪問中表示其中一首作品《honest》正反映誠實面對自己嘅想法，Gareth曾說　：　「成功其實不那麼重要，接受自己可能不會成功更重要。」

明星成長 ｜ 朱千雪於演藝事業黃金時期 為追夢重返校園成大律師

保持慢步調追求人生目標

Gareth擁有如此修養亦是從媽媽嘅教誨中培養而成，Gareth表示媽媽組常提醒自己要保持耐性，要學習靜心等候，才能成功追求目標，因此Gareth亦不嚮往節奏太快嘅生活，並且坦誠接受自己嘅不完美，Gareth認為：「我沒有再想告訴別人我想成功，也明白成功非一切；若然急於擁有名利，意味更快失去自己。因此憑歌提醒自己，現在或將來走得快慢也好，也得留意自己步速，不要超過某個時速去做每一件事情；同時承認自己沒有耐性、急性子。」

相關文章:

明星成長 ｜ 岑寧兒為多位巨星唱和音出身 受盡賞識由幕後過度成正式歌手
明星成長 ｜ 衛蘭自小被安排唱歌工作 放棄英國升學成遺憾
明星成長 ｜ 李佳芯怕悶唔做Office工 成為視后前曾9個月冇工開

The post 明星成長 ｜ 湯令山Gareth受媽媽影響自小迷上音樂 海外留學拓展音樂領域 appeared first on 新城教育+.

要數MIRROR成員嘅熱血追夢故事，當然唔少得音樂才華爆棚嘅柳應廷 (阿Jer)  。阿Jer一出道，就獲得歌壇男歌手新人金獎，可見阿Jer嘅音樂表現好快就被人賞識及肯定，但其實成功背後，過程都並非一帆風順。

明星成長 ｜ 陳卓賢以音樂抒發感受 求學時文武雙全為排球健將

中學已立志成歌手 為追夢試過兩年冇收入

阿Jer中學畢業於黃大仙區新蒲崗的天主教伍華中學，之後喺香港浸會大學國際學院修讀文學傳理學副學士。自小已決心立志成為歌手，讀書時更參加過唔少歌唱比賽，更獲取冠軍。2012年，阿Jer更與一班朋友夾Band，組成樂隊「Bromance」；2013年再組金屬搖滾樂隊「子非愚」，主力創作廣東話歌。 同年更參加過「天比高創作伙伴」嘅訓練班，為音樂表演打好根基。

圖片來源 : IG@jeremylaous

阿Jer大學畢業後，將全副心機擺入音樂，喺香港街頭表演Busking，幾乎兩年接近零收入，為維持生計，轉做娛樂記者，阿Jer曾於訪問中表示 : 「生活拮据，連三餐都難，但喜歡音樂就不會計較。不過，兩年沒工作沒收入，去到盡頭，唔好意思問家人攞錢，於是找了一份正職，是做娛樂主播。」但始終娛樂主播與做歌手係截然不同嘅工作，阿Jer並不甘願當一個社會齒輪，心裡最想嘅始終係透過音樂傳遞訊息，為生活帶嚟一絲轉變。

明星成長 ｜ 林家棟早已認定演員之路 拒絕承繼父親衣鉢

從《全民造星》到男新人金獎
感激家人一直無條件支持

直至《全民造星》出現，便改寫咗阿Jer喺事業路途上嘅命運，阿Jer嘅音樂透過選秀節目漸受到賞識與認同，後來更加入MIRROR，推出多首SOLO歌，橫掃樂壇上不少音樂獎項。當時阿Jer喺《全民造星》中無法闖進十強，更曾於中途被狠批，曾透過復活賽翻身，阿Jer : 「問我如何堅持？就是不斷問自己，心底最喜歡甚麼，無論我遇到幾多挫折、白眼或批評，都問自己是否最喜歡唱歌，喜歡就要堅持增值自己，所以無論造星比賽被out再復活，或者上年的《造星II》的表演，心態是遇強愈強，做更好的演出。」

圖片來源 : IG@jeremylaous

明星成長 ｜ 王丹妮由國際模特兒走到演員

有如今成就嘅阿Jer，曾多次於訪問中感激家人嘅無條件支持，表示家人非常支持及鼓勵自己追夢，亦請阿Jer放心無需擔心生計。早前阿Jer推出一首講述母子關係嘅歌，借歌表達珍惜眼前一切嘅重要，更強調自己非常重視親情，回想有時因工作壓力大而無心向屋企發脾氣時，便更加有感，更坦言有時會因工作太忙而忽略父母 : 「而家諗返覺得唔應該，因為搵到一個人着緊你同愛你，係一件好難嘅事！」並稱對於家人呢個課題，仍在學習當中，自己可以喺呢方面做得更加好。

相關文章:

明星成長 ｜ 鍾雪瑩曾身兼多個創作身份 裸辭為提升自我修養成專業演員
明星成長 ｜ 方東昇中學為辯論隊隊長 TVB打滾24年由實習記者做到節目主持
明星成長 ｜ Edan音樂讀書範範得 大學曾揀錯科感後悔

The post 明星成長 ｜ 柳應廷街頭Busking兩年零收入從音樂創作中反思家人關係 appeared first on 新城教育+.