MIRROR人氣成員之一呂爵安(Edan)，除咗音樂才華洋溢，喺演藝方面都被受賞識，早前出演電視劇《大叔的愛》已一度獲得觀眾讚賞，期後更有份出演多套香港電影如《闔家辣》、《死屍死時四十四》等。現年只有25歲嘅Edan，作為DSE過來人，更曾考取25分佳績，音樂讀書範範得，唔知運動細胞又如何呢？
明星成長 ｜ 欣宜克服負面評價及自我懷疑 奮鬥35年成功奪女歌手金
曾被老師推薦入IT科讀得辛苦
大學已跟肥仔學跳舞
Edan唔只有8級鋼琴嘅音樂技藝、豐富嘅喜劇細胞，更係港大學士畢業生，被稱為MIRROR全能才子。Edan就讀可風中學，中學讀書時已經好叻，DSE考獲25分佳績，Edan本身想揀商科或社工，但因聽老師講IT行業為未來大勢所趨，最終Jupas揀科就選擇咗港大嘅工商管理學學士（資訊系統）。Edan訪問中透露，雖然最後成功入讀，但由於佢對電腦資訊本身冇乜概念，讀起上嚟非常辛苦，編程考試更試過唔合格，自稱能成功畢業實在非常難得。Edan話如再揀一次，會修讀社工，更提醒DSE考生要按興趣選科
圖片來源 : IG@edanlui
因Edan細細個就有藝術天分，音樂才華洋溢，大學時更跟現為ERROR成員嘅肥仔學跳舞，跳得、唱得又演得。大學畢業後透過參加《全民造星》，成為MIRROR成員，擔任《大叔的愛》主角，獲網民大讚，更推出多首Solo歌奪得叱咤生力軍男歌手銀獎，可謂全能藝人
明星成長 ｜ 張繼聰因失戀愛上音樂 全憑一種心態走過人生低潮
苦練發音糾正懶音
籃球及打機係年輕時最大興趣
不過Edan正式出道後，經常被指有懶音問題，而且都努力改善，更無懼自己嘅弱項，勇於挑戰自己及改善問題，曾接受配音工作，過程中唔只向導演請教及學習發音，更跟曾修讀言語治療嘅大學室友調教口音。今年4月Edan因錄製歌曲《Elevator》中要廣東話饒舌，更加努力苦練，練好咬字發音，早前就喺華語電視 Sino TV訪問中提及，自己一直有練習說話，更有進行經理人花姐為自己準備嘅練習，期望可讓觀眾見到懶音問題有所改善。
明星成長 ｜ 陳凱琳憑正面形象成功轉型為收入8位數KOL
圖片來源 : IG@edanlui
演藝方面，Edan為VIUTV拍攝新劇《季前賽》，更坦言籃球係自己最擅長嘅運動之一，更於訪問中透露Edan媽媽曾因怕Edan會因為打籃球而影響學業，反對Edan加入學校籃球隊，更因此事同鬧起交上嚟，更笑言其實除咗打籃球，另外興趣就係打機，雖然曾經出演《男排女將》但卻對排球一曉不通，之後更有份參加另一以游泳做主題嘅《I.SWIM》，但就表示自己最討厭游水，雖然游泳技術未去到會溺死，但都怕水過眼眉嘅感覺，雖然如此，但表示可一路拍戲一路練習肌肉都好難得。無論係咬字定運動，可見Edan勇於挑戰自己嘅弱項，擴闊能力，難怪能夠獲得更多製作人員嘅賞識同大眾嘅支持！
相關文章:
明星成長 ｜ 王菀之從父母身上愛上音樂與創作
明星成長 ｜ 張敬軒音樂造詣從小訓練 每日花4小時練開聲
明星成長 ｜ 陳法拉30歲跳出舒適圈 赴美國修讀戲劇碩士課程
