第46屆香港國際電影節焦點影人物係吳君如，吳君如曾為香港電影史上累積票房收入最高嘅女演員，演出電影超過140部，以灰諧喜劇角色成名，後來更有擔演文藝電影如《歲月神偷》，近年更憑《媽媽的神奇小子》入圍金像獎最佳女主角。吳君如入行多年，影途崎嶇，曾經歷過低潮，全靠不斷拼搏，才獲得今天如此成就。
明星成長 ｜ 姜濤對中學回憶感遺憾 望30歲似發哥過生活
會考成績不如理想 家人推薦入訓練班
圖片來源 : sandrangky@IG
吳君如16歲便中學畢業，17歲入讀訓練班，曾透露會考過後幾乎每一個科目都唔合格，無法升讀預科，由於家人認為吳君如有成為演員嘅特質，加上得到作為演員嘅爸爸夏春秋幫助，便加入第12期無綫電視藝員訓練班。畢業後便成為無綫演員，但無奈卻由初期演嘅靚女角色瞬間變成演灰諧角色，吳君如曾於訪問中表示當時有為此唔開心，亦眼見其他同期畢業生都能夠成為主角，自己卻一直擔演閒角而質疑自己，但後來為咗有穩定收入便繼續做落去，亦唔敢想像自己會像當時阿姐級沈殿霞、鄭裕玲及汪明荃等咁紅。
轉形失敗決定自演開拍《4面夏娃》
香港曾有一段時期流行喜劇，吳君如於1986年有機會參演第一部電影《霸王花》後，自此之後便一直以喜劇形象演落去，並愈做愈好，喺80-90年代吳君如更拍超過100部電影，更表示平均一年試過拍13部，一日24小時拍3部戲，每部戲拍8小時，更曾因冇得放飯冇得沖涼瞓覺而發好大脾氣。
圖片來源 : sandrangky@IG
直至1992至1993年間，吳君如遇上樽頸位，想打破喜劇演員形象，於是便努力減肥，希望轉做歌手，但並無得到預期效果，最終決定自組並自資開拍電影，更不惜賣樓，首次成為監製拍攝第一部電影《4面夏娃》，同時兼顧幕前及幕後工作，可惜最後雖然電影獲得多項提名，卻始終賺唔到錢，吳君如於訪問中表示：「拍攝時不後悔，部戲不賣錢就後悔了，最慘賣樓後，租一個很細，只得三百呎無房無廳的單位，最陰功是家人移民，自己對住四幅牆，電影上映時要清數還錢，每日都滴住眼淚，一直在哭，但都無法，已發生了。我覺得柳暗花明又一村，當年《4面夏娃》也有不少提名，我覺得大家是想給我鼓勵，始終一個喜劇演員，夠膽死這樣做。」
明星成長 ｜ 柳應廷街頭Busking兩年零收入從音樂創作中反思家人關係
97年及03年分別奪最佳女主角獎
直至90年代末，香港開始出現好多小品戲，雖然當時每位電影明星都非常熱心不計片酬為滑落嘅港產片救亡，雖然成功轉型，但吳君如卻表示當時依然賺唔到錢。而1997年底，吳君如有機會成為DJ，一做便就做咗10年，亦賺到穩定收入。期間更憑電影《古惑仔情義篇之洪興十三妹》獲得第18屆香港電影金像獎最佳女主角獎，隨後更於2003年憑《金雞》獲得第40屆金馬獎最佳女主角獎。
圖片來源 : sandrangky@IG
明星成長 ｜ 王丹妮由國際模特兒走到演員
現已56歲嘅吳君如依然冇退休嘅諗法，雖然隨着年紀增長內心依然會有畏懼，但卻坦言會依舊尋找新角色及機遇，拍每一部電影前做足功課。對於人生低潮，吳君如曾寄予年青人：「我寄語年輕人，遇到逆境同感到很挫敗時，應該抱住將每件工作做到最好的心態，勇敢面對。」並於有意投身演藝事業嘅年輕人說：「最重要是『真心』喜歡電影行業，由心出發全情投入，才會做出優秀的成績。以往我覺得演戲是件很講求天份的工作，但經過這麼多年的經驗後，我也慢慢改變了想法。我認為演戲除了天份外，亦必須精準及不斷學習。所以即使我現時亦有找演戲老師與我補戲，聽聽對方對我演繹方式的一些意見，希望自己能夠不斷進步。」
相關文章:
明星成長 ｜ 岑寧兒為多位巨星唱和音出身 受盡賞識由幕後過度成正式歌手
明星成長 ｜ 周星馳由兒童節目主持做起 奮鬥多年成為香港喜劇之王
明星成長 ｜ 林雪15歲開始打工 由雜工至電影御用男配角
