唔少香港小姐都具備高學歷，美貌與知慧並重，公開試考到好成績，不過多數最後都選擇出國升國。呢間Band 1嘉諾撒聖瑪利書院就係出產多位香港小姐嘅其中一所女校，著名校友包括郭羨妮、曹敏莉及樊亦敏等，另外更有不少女藝人都係畢業於此校，即刻睇一睇多位女藝人嘅學歷背景！
郭羨妮
郭羨妮曾就讀於天神嘉諾撒學校及嘉諾撒聖瑪利書院，中學時有做風紀，學習用功，享受讀書氣氛，A-Level亦取得1A1B2C嘅佳績，曾因為JUPAS揀選理工物理治療系而放棄港大法律系感到後悔，不過最後郭羨妮選擇前往加拿大西門菲莎大學（Simon Fraser University）修讀心理學及經濟學。畢業後更曾做過國泰空姐，直到1999年參加香港小姐競選獲得冠軍。
郭羨妮曾於訪問中表示嘉諾撒聖瑪利書院校風純樸，更冇後悔入讀該校，並安排女女考入自己母校，現時就讀小四。
明星成長 ｜ 何依婷棄BIG4會計所高薪厚職 選香港小姐追夢
曹敏莉
曹敏莉曾就讀於天神嘉諾撒學校及嘉諾撒聖瑪利書院，後來前往美國薩克拉門托留學，於美國留學時操得一口流利英語，2003年回港參加香港小姐競選後奪得冠軍，並加入TVB拍攝一個英語教學節目。後來為咗進修，向TVB請假一年，前往紐約修讀為期半年嘅珠寶鑑證課程。
現時曹敏莉三名子女皆入讀非常受名人二代歡迎嘅漢基國際學校，如劉鑾雄子女劉鳴煒、劉秀融及劉秀盈、李澤鉅子女及李家誠子女皆為此校學生。
明星成長 ｜ 盤點五位2022超強學歷港姐 亞軍許子萱直迫麥明詩？
樊亦敏
樊亦敏曾就讀於天神嘉諾撒學校及嘉諾撒聖瑪利書院，小學六年班時有份拍攝吉百利朱古力廣告，中學時更被導演黃百鳴賞識邀請加入「開心少女組」卻因爸爸反對而未有入行。中學畢業後，受爸爸期望下前往日本升學，入讀東京國際大學附屬日本語學校，畢業後便回港參加1991年度香港小姐競選而獲得最上鏡小姐獎項。
張可頤
張可頤曾就讀嘉諾撒聖瑪利書院，不過完成中一年級後便前往英國Philips High School寄宿學校及Edgehill College，大學時成功入讀曼徹斯特大學（University of Manchester）。回港過暑假時因被大導演徐克及藝人經理人鍾珍發挖，便簽約成為演員，隨即放棄學位。後來張可頤參加1994年香港小姐競選，入選五甲，可惜無緣三甲寶座，雖然係咁，但後來加入TVB後有多個拍攝電視劇機會，並且憑《九五至尊》奪取「本年度我最喜愛的女主角」。
吳忻熹
吳忻熹原名吳文忻，曾就讀於天神嘉諾撒學校、嘉諾撒聖瑪利書院及迦密中學，1998年參加香港小姐競選奪得季軍，後來成為藝人，曾拍攝電視劇包括《功夫足球》、《熟女強人》及電影《新紮師姐》、《百分百感覺 2003》及《六壯士》等。
嘉諾撒聖瑪利書院
嘉諾撒聖瑪利書院為油尖旺區一間資助女校，據過往公開試成績推算，屬Band 1A，以英文為主要教授語言，同區排名第2至3位，2021年DSE接近9成學生考獲本地學士課程最低入學要求，本地及非本地學士課程取錄比率更高達8成。
校友除了以上提及的幾位，還有彭秀慧、雷琛瑜、陳俞希、陳潔靈、素黑，及同為港姐冠軍嘅但茱迪。
相關文章
明星成長 ｜ 盤點多個TVB女神級藝人學歷 全部到過海外升學
明星成長 ｜ 張嘉兒擁多個學位 為管教女女再進修中大公共衞生碩士
明星成長 ｜《下流上車族》郭柏妍文武雙全 港大碩士選港姐為練膽量
