明星成長｜許廷鏗現實夢想兩邊走音樂熱情源自於中學唱K

讀書同時追夢，相信冇返咁上下意志力，都難以兩者兼顧，而身為牙醫又係歌手嘅許廷鏗（Alfred）正正就係非常值得借鑑及成功嘅人版！Alfred曾就讀聖約瑟書院及德瑞國際學校，更完成香港大學牙醫學士學位，取得牙醫執照。2009年毅然參加第一屆《超級巨聲》並正式出道。直至今日，Alfred除咗成為人氣男歌手，推出多首熱播歌如《螞蟻》、《青春頌》、《面具》等，更擔任社會上另一身份—牙醫，遊走夢想與現實。

明星成長｜林奕匡加拿大留學靠一招學中文

循規蹈矩下埋藏的一份自我

許廷鏗Alfred表示自己身於一個典型家庭，自小被家人安排行一條循規蹈矩嘅路，同大部分人一樣，都以將來搵食為目的，所以大學時選擇修讀牙醫。但Alfred卻自稱性格上，自己有部分潛在着不甘於聽話嘅特質，於是喺2019年首次為自己人生作出決定，參加歌唱比賽，並親手為自己開闢咗一條精彩嘅康莊大道。

圖片來源 : hui_alfred@IG

Alfred之所以對音樂有熱情，其實係源自於中三時與朋友一齊去唱K時啟發而成，當時Alfred與朋友會互相評價對方嘅唱歌技巧，充滿學術性嘅討論，令Alfred開始對音樂產生興趣。後來便開始正式接觸流行曲，參加歌唱比賽，更自掏腰包買下周杰倫及陳奕迅嘅唱片，漸漸地對音樂充滿憧憬，更發現音樂嘅微妙之處，更發現音樂係一種可以讓人得到療癒及釋放嘅媒介。