Web Interstitial Ad Example

【Mingson Sir分享】 生涯發展 |如果我18歲…我不會.. (上集)

18-03-2021
210318_2mingson

人生有冇得規劃?最近Mingson Sir 讀緊一個 生涯發展 證書的課程,當中有幾點反思想同同學一起分享:

1. 有大量損友


有句名言 “you are the average of five people you spent the most time with.”
你細想想,你最friend 嗰五個朋友在不同方面的成就加埋除以五,就會係你大概的價值。For instance, 你最friend 五個朋友個個大大隻隻,你都唔會太肥太瘦!你最friend 五個朋友考試成績名列前茅,你都好少會考第尾。


可能你會問:「我冇乜咁嘅朋友喎?」咁你首先要成為一個「值得作為交的朋友」! 「友直、友諒,友多聞」,直率、體諒別人、逆地而處,見多識廣,呢啲全部都係一個好朋友的特質。同學們一路進步,有學界所講嘅「正向教育」、「正向學習」,「長進心態」(growth mindset),我相信你將會成為別人想同你交往的朋友,你的價值就因而提升!

2. 停止學習

你留意下身邊唔多睇書,唔多自學的人大都停滯不前!一個會考八優而停止學習的人同一個會考一般但繼續學習的人,後者贏幾條街。當然,面對公開考試的學生應該主要關注“教科書”的內容和知識。學生有空餘時間則可以學其他的東西。依家學習,已經再唔係單單睇書學習;你上YouTube、喺IG睇圖睇文,甚至Google搜尋知識,真係做到「足不出戶能知天下事」。其實學習亦都係回應上文第一點,令到自己見多識廣,增強自己的實力!

3. 理財不善

理財唔單止係投資或者錢搵錢(money begets money), 慳錢同適當地買保險亦都重要。Self-made 富豪大多非常慳,你唔慳,機會來的時候無資本(做生意又好、買地買樓都好),全部無你份!有錢佬就輕身已過萬重山,你同佢地身家就咁拉闊。


記得十年前同個好鐘意去旅行的同學講儲錢收息的重要性,佢話:「我賺錢為左去旅行,用哂再賺,賺左再去!」到宜家,因為要結婚買樓,你話重有無得去?我唔敢話自己好叻,但一年收息六位被動收入數字夠去好多地方啦。
記得香港迷你倉之父時景行先生有日:「做事業好成功但唔識理財,人生會好坎坷!」;但係「做事業一般但懂得理財,人生都可以好精彩。」

版面有限,仲有三點下期講!

(以上文章內容,純屬專家個人意見,與本台/ 網站立場無關。)

【Mingson Sir分享】2021 香港經濟 與課程相關重要概念

Mingson-Sir-分享-2021-香港經濟 -課程相關-重要概念