現年31歲嘅香港新一代演員廖子妤(Fish),曾演出多部電影及電視劇,其中較為人深刻嘅作品包括 《骨妹》、《同班同學》、《梅艷芳》及《地產仔》,今年更憑《梅艷芳》及《智齒》入圍金像獎最佳女配角,演技一再被受肯定。廖子妤外形一直被觀眾感覺Cool Cool地,表面讓人感覺硬朗,但其實內心比大家想像中脆弱。22歲時為追尋電影演藝之夢,從馬來西亞離鄉別井到香港,初出道時更被外界稱為「黑面女神」,過程壓力重重,曾一度自我懷疑,並非大眾所見如外表般剛強。
明星成長 |林奕匡加拿大留學靠一招學中文
初出道被稱「黑面女神」對自我質疑
Fish生於馬來西亞,於當地修讀廣播電視電影系文憑課程,畢業後於馬來西亞開始從事剪接、助導、特約演員等與電影有關嘅工作。22歲時隻身到港擔任模特兒及演員,其中更參演過一部戲《同班同學》需全裸演出,後來亦憑《骨妹》首次入圍香港電影金像獎最佳女配角,自此開始被受關注。
![](https://metroeducationplus.com.hk/wp-content/uploads/2022/05/廖子妤-300x254.png)
圖片來源 : fish331@IG
對於年紀輕輕,離鄉別井到港發展嘅廖子妤,對於演藝圈嘅五光十色,難免感到極大壓力,雖然外表堅強冷酷,被人感覺非常硬淨,但其實Fish曾於訪問中表示,自己其實好易緊張,亦好介意別人嘅目光,初出道被外界稱「黑面女神」,對此亦有所介懷,經常懷疑自己嘅能力或表現,感覺像活於別人目光之中,非常辛苦。
明星成長 | 林日曦輟學兩大得益 由廢青變上市公司董事
實現導演夢之前 先學識處理情緒
唔少人都應該認為一向作為演員嘅廖子妤,夢想該為「最佳女主角」,但其實Fish曾透露最想成為嘅係一名導演,因可以籍着電影作品表達自己所想,更提及當初之所以喜歡電影及演戲,係因為演戲可讓自己暫時放低廖子妤嘅身份,全程投入於角色嘅人生當中,透過努力鑽研演戲以尋獲快樂。Fish認為要當一名出色嘅演員或導演,首先要做到嘅就係識得處理自己嘅情緒,學懂自愛,無需依賴別人嘅肯定以獲取自信,任何時候都可由心地表演自己嘅想法。
明星成長 | 林欣彤畢業前為夢想一搏 成名後憑一個座右銘走過低潮
離鄉別井十年 對家人感愧疚
![](https://metroeducationplus.com.hk/wp-content/uploads/2022/05/廖子妤4-300x258.png)
圖片來源 : fish331@IG
隻身到港追夢,最唔捨得嘅莫過於家人,Fish來港發展十年,今年3月生日時,就喺社交平台感性地表達對家人愧疚之情,因追夢十年間,廖子妤都冇返過屋企與家人慶生,更表示希望明年可以回鄉與家人相聚,更曾於訪問中提及,追夢期間難免忽略咗身邊重要嘅人,但同時亦非常感謝家人對自己嘅支持,即使初出道時要拍攝三級片及全裸上陣,家人亦無反對,可讓她放心追夢。
相關文章:
明星成長 | 林家謙大專比賽時被一位歌手賞識 從此開啟音樂之路
明星成長 | 欣宜克服負面評價及自我懷疑 奮鬥35年成功奪女歌手金
明星成長 | 曾江倒斃酒店房間享年87歲 高學歷曾為留美建築系學生
明星成長 | ToNick恆仔讀書時已萌生首部電影概念 理工進修再入演藝