Web Interstitial Ad Example

明星成長 | 李佳芯怕悶唔做Office工 成為視后前曾9個月冇工開

06-01-2024
明星成長-女演員-李佳芯


李佳芯(Ali)一直被封女神,加入無綫 (TVB)前曾為有線電視主持及旅遊記者熱門選用模特兒,周遊列國拍攝不少相片及節目。直至2012年加入TVB成為演員,曾一度冇工開,一直等待演出機會。入行初期多做綜藝節目主持,曾主持《學是學非》、《搵食飯團》等節目,後因演出《名門暗戰》其中一角而獲得不少拍劇機會,如《倩女喜相逢》、《潮流教主》、《巨輪II》,終憑《BB來了》獲得無綫視后寶座。

明星成長 | 欣宜克服負面評價及自我懷疑 奮鬥35年成功奪女歌手金

 

生性怕悶唔做Office工
為自己而活 不做『別人心目中的我』
 

Ali曾修讀香港城市大學專上學院視覺藝術副學士學位,畢業後擔任模特兒,為旅遊雜誌《新假期》拍攝封面,亦曾經參演出多個電視廣告。2008年正式加入有線電視,擔任體育主持及有線電視娛樂台節目主持,直至2012年約滿,加入TVB由綜藝節目轉型成為實力派女演員。Ali曾於訪問中提過,加入TVB時年紀已經唔細,身邊又多年輕美女,獲得機會前都要不斷等待及捱低人工,但因為有一顆熱切嘅演員心,所以能夠衝破關口,捱過低潮。

圖片來源 : IG@aliaime

不過Ali亦曾坦言,一開始都唔知自己想做咩,只係知自己怕悶,唔會揀做office工,更說 : 「很多時候我們上班、接觸外面的人或者這個世界,都是跟着別人的步伐,例如老世要我做什麼,同事想我做什麼,父母想要我成為怎樣的人,一直在做『別人心目中的我』,很少去思考,究竟自己做的是不是可以令自己開心呢,我正在做的工作又是否是我想做的呢,甚至這份工作是不是可以長遠下去呢…」

明星成長 | 張繼聰因失戀愛上音樂 全憑一種心態走過人生低潮

以五味比喻人生起伏
疑被雪藏期間完成出書夢想

圖片來源 : IG@aliaime

雖然Ali擁有出眾嘅外表,入行前亦有過不少出鏡嘅機會,但轉型成為演員嘅期間,都係要由低做起,最難捱嘅時候,更試過連續9個月冇獲得演出機會,而開初演出嘅角色唔係狐狸精就係情婦。面對過去嘅低潮,Ali曾以甜酸苦辣比喻人生,並說當嘗過所有味道,就會知道咩味道啱自己,就如做人一樣,必定會有高低起伏,但當經歷過挫敗及困難後,就會更懂得珍惜甜味嘅美好。

圖片來源 : IG@aliaime

2019年Ali疑因網上言論捲入政治風波而被無綫雪藏,有一段時間消失於幕前,呢段經歷除咗令Ali反思自己並獲得領悟,更趁呢段時間完成出書嘅夢想,並稱 : 「我一直有寫書的想法,但之前忙於拍劇,又沒信心和動力去實行,直至去年10月拍完《愛美麗狂想曲》後有個短假期,又勾起我寫書的念頭。我以前很喜歡看劇和看書,經常胡思亂想,遇上想不通的事時,可能會透過一句對白或一段文字而得到共鳴和力量,所以內心早已埋下種子。既然有時間,我就問自己是否要去做一些想做很久,而未做的事呢」。終於花咗3個月,Ali完成咗佢嘅首本散文集《心之所往》,後來更隨住劇集《殺手》推出,再次出現返幕前,繼續進行演藝活動。

明星成長 | 陳凱琳憑正面形象成功轉型為收入8位數KOL
 
 
 
 
 

相關文章:

明星成長 | 王菀之從父母身上愛上音樂與創作
明星成長 | 張敬軒音樂造詣從小訓練 每日花4小時練開聲
明星成長 | 陳法拉30歲跳出舒適圈 赴美國修讀戲劇碩士課程

明星成長-女演員-陳法拉