Web Interstitial Ad Example

鐵路博物館新增館藏 舊式柴油電動機車/歷史圖片展

05-10-2023
好去處-鐵路博物館-火車-大埔-打卡

香港鐵路博物館最近完成更新工程,新增非常適合打卡嘅館藏——舊式柴油電動機車,為紀念博物館原址嘅舊大埔墟火車站建成110周年,仲舉辦珍貴歷史圖片展,一家大小可以趣學香港歷史。

矚目大型展品「喬沛德號」

好去處-鐵路博物館-火車-大埔-打卡3

10月初重新開放嘅鐵路博物館,最矚目當然係最新藏品60號柴油電動機車──「喬沛德號」。60號柴油電動機車自1974年開始投入服務,係九廣鐵路最後一批引入香港嘅柴油機車之一,見證香港與內地鐵路貨運嘅黃金時代。

自從1983年九廣鐵路全面電氣化後,60號機車退出載客行列,保留牽引貨卡和工程車用途,直到2021年正式退役。佢係香港最後一架以人名命名嘅機車,以第二任九廣鐵路公司總經理嘅名命名為「喬沛德號」(Peter Quick)。

踏上復古火車路軌

好去處-鐵路博物館-火車-大埔-打卡2

除咗新增藏品60號柴油電動機車外,博物館內仲有其他特色館藏,包括香港第一部柴油電動機車51號、曾經行走沙頭角支綫嘅窄軌蒸汽火車頭、多部不同年代嘅歷史車卡等,大家可親身接觸鐵路文物,亦可踏上復古火車路軌,打卡一流,可以引起小朋友對本地鐵路歷史發展嘅興趣。

好去處-鐵路博物館-火車-大埔-打卡7

舊大埔墟火車站110周年

好去處-鐵路博物館-火車-大埔-打卡4

今年適逢舊大埔墟火車站、即鐵路博物館所在嘅原址建成110周年,博物館特別舉辦「築載人物情──舊大埔墟火車站110周年」展覽,透過珍貴歷史圖片,展示舊大埔墟火車站嘅歷史及發展,以及車站與大埔社區嘅關係,俾大家懷緬昔日乘搭鐵路嘅回憶。

近距離睇舊售票處

好去處-鐵路博物館-火車-大埔-打卡6

舊火車站大樓內設有展覽廳、舊售票處及訊號控制室,大家可透過文物、火車模型和歷史圖片,認識香港鐵路嘅發展歷程。小朋友可通過多項影視及多媒體項目,以生動有趣方式穿梭鐵路今昔。

週末好去處 |環保概念之旅免費遊 4D電影+玩AR/VR遊戲+導覽
好去處-鐵路博物館-火車-大埔-打卡5

香港鐵路博物館

開放時間:星期一、三至日及公眾假期 : 上午 10 時至 下午 6 時
聖誕前夕及農曆新年除夕 : 上午 10 時至下午 5 時
星期二(公眾假期除外)、農曆年初一及初二休館
地址:新界大埔墟崇德街13號
網頁:hk.heritage.museum/tc/web/hm/museums/railway.html
查詢:2653 3455
入場費:免費

更多相關文章
週末好去處 |屯門室內遊樂場「百田樂園」新店玩後報告
週末好去處 | 精選5大免費STEM兒童探知好去處
週末好去處|親子上動物工作坊學STREAM 製作手工教具+科學小實驗+玩AR遊戲