鐵路博物館新增館藏 舊式柴油電動機車/歷史圖片展

香港鐵路博物館最近完成更新工程，新增非常適合打卡嘅館藏——舊式柴油電動機車，為紀念博物館原址嘅舊大埔墟火車站建成110周年，仲舉辦珍貴歷史圖片展，一家大小可以趣學香港歷史。

矚目大型展品「喬沛德號」

10月初重新開放嘅鐵路博物館，最矚目當然係最新藏品60號柴油電動機車──「喬沛德號」。60號柴油電動機車自1974年開始投入服務，係九廣鐵路最後一批引入香港嘅柴油機車之一，見證香港與內地鐵路貨運嘅黃金時代。