8.方太糕品舖

呢間街頭小食店 「方太糕品舖」都係榮獲米芝蓮推介!人手蒸製嘅中式糕點,聽見都流口水!當中包括缽仔糕、白糖糕、芝麻卷 及椰汁千層糕等。店舖之前於訪問中,提到糕點用糖量較少,大家唔怕罪惡,亦唔怕影響小朋友健康!
店舖最賣得嘅就係缽仔糕同王牌芝麻卷,客人食過都讚芝麻卷爽口彈牙,仲有啖啖嘅香濃芝麻味, 而缽仔糕蒸得通透,食落滑嘟嘟,亦好有咬感!
除咗以上王牌糕點,店舖仲有十多糕點種類,包括新推出嘅椰汁綠茶糕、仲有杞子桂花糕及椰汁馬豆糕。舖頭下午就開始有人龍出現架啦,如果想食真係要早少少去排隊!
地址:佐敦廟街198號









