明星成長｜劉思希8A完成全球排名第一科大EMBA課程

有睇開TVB劇集嘅觀眾一定對劉思希唔陌生，經常都發現劉思希會用百變形象喺不同劇集中出現。劉思希參選香港小姐出道，入行11年演藝機會愈來愈多，亦漸受觀眾認識。但原來演藝圈以外，劉思希係一名超級女學霸，修畢EMBA碩士課程，擁超強工商管理學歷，除咗係一名演員，仲係一間活動策劃公司嘅老闆！

美國留學修工商管理畢業後開設活動策劃公司

劉思希自小就讀嘉諾撒聖心英文中學，後來前往美國升學入讀美國西北大學及林肯大學，修讀行政管理和工商管理雙碩士課程，讀書期間除咗擔任補習老師，更與同學一同開設活動策劃公司「Fame PR & Marketing Co.」，擔任市場總監。

後來劉思希到香港參加《香港小姐競選》，雖然最後並無獲獎，但亦有機會簽約加入TVB成為旗下女藝人，除咗有擔任TVB娛樂新聞台主播及其他綜藝節目外，更參加不少電視劇拍攝如《巨輪》、《愛·回家之開心速遞》、《我家無難事》等。

嘉諾撒聖心英文中學

嘉諾撒聖心英文中學於1939年創辦，是澳門一所傳統名校。是由天主教嘉諾撒仁愛女修會開辦的澳門學校，為嘉諾撒聖心書院的姊妹學校，採用英國Alevel學制。其校舍與嘉諾撒聖心中學中學部校舍相連，但兩者無論行政以及教學均為獨立，並無交涉。

明星成長｜何依婷棄BIG4會計所高薪厚職選香港小姐追夢

邊拍劇邊讀科大EMBA課程學費超過一百萬

演藝發展方面，劉思希已入行十一年，曾於訪問中表示自己一直熱愛拍戲，不求獎項只求挑戰更多角色，另更直言成為演員後更親身體驗到成為藝人嘅辛酸，容易自己「幾捱得」。不過劉思希就另有一個市場總監嘅身份，雖然加入娛樂圈後需不定時進行拍攝工作，但卻不忙讀書進修，修讀香港科技大學及美國西北大學凱洛格商學院合辧嘅「行政人員工商管理碩士（EMBA）課程」，此課程學費高達118萬，每年只收50至60位學生，學生亦必需擁有10年商業管理經驗並擁有相關學士學位，另外需兼具優異本科成績。此課程於多年來都位居全球EMBA課程第一，2022年度同樣具榜首。

最後劉思希花咗兩年時間終完成課程，更憑8A佳績於科大行完畢業禮，半工讀時劉思希更需前往不同地方上堂，跨越亞歐美，來回香港、上海、美國、以色列及德國上課，曾於社交媒體中分享：「多次拍通宵直接到學校上課，覺得很累啊，但從未想過放棄呢，人生不是貴在堅持嗎？這個夏天，我畢業了。」發展自己嘅興趣，並建立自己另一方面嘅事業，劉思希唔止如自己所形容般「幾捱得」，而係「好捱得」！