有「真 · 女神」之稱嘅朱千雪，唔只演戲深入民心，非常入屋，學歷更非常高，成為演員後更半讀工，完成城市大學法律系博士學位，現成為律師行執業大律師，可謂才貌雙全，但朱千雪卻稱自己讀書其實唔太在行，全靠勤力及好學取得好成績。
明星成長 ｜ 欣宜克服負面評價及自我懷疑 奮鬥35年成功奪女歌手金
無讀書竅門 全靠勤力及心態
朱千雪8歲已移民到加拿大溫哥華，曾於訪問中提到父母管教不算嚴厲，但會為其安排一系列嘅興趣班，如繪畫、溜冰、劍擊、游泳等，更稱即使暑假亦要上暑期班，雖然作為小朋友嘅角度，當時都曾經諗過想盡快長大唔使再讀書，不過回望當初，發現若冇一連串嘅學習，長大後就唔會有機會接觸到國語及法文。
讀書方面，朱千雪則表示對讀書並不在行，自己不過係鍾意返學，由細到大讀書成績都唔算非常突出，求學階段只為求成績過關便夠，如中學成績剛好夠升讀大學，大學成績夠畢業而已，亦強調並冇讀書獨門秘訣，一切不過係靠勤力及目標明確嘅求學心態，並稱從來冇拎過獎學金，所以讀書成績並非如外人所認為般如此在行。
明星成長 ｜ 梁釗峰憑一首作品讓父母接納星途
演藝事業黃金期 為追夢重返校園
朱千雪於加拿大入讀西門菲莎大學，畢業後朱千雪回港參選港姐並奪得季軍，加入TVB發展演藝事業，後來更憑《EU超時任務》成功入屋，演藝事業正上軌道，但就係呢個時刻，朱千雪選擇重返校園，讀完中文大學嘅企業傳播社會科學系碩士課程後，再讀香港城市大學法律博士學位。一邊返工，一邊讀書，最後更完成大律師實習，正式獲聘為大律師。
