Web Interstitial Ad Example

明星成長 | 謝安琪棄做老師追夢做歌手 感激媽媽信任不阻撓

13-05-2022
明星成長-女歌手-謝安琪

謝安琪Kay 與丈夫張繼聰育有一仔一女,當年曾因懷孕而暫別樂壇,復出後憑《鍾無艷》、《囍帖街》一度於樂壇勇奪佳績,近年更自資成立唱片公司「淺白本部」,成為獨立歌手 。家庭方面,亦經常於社交平台上上載一家細嘅溫馨照,可謂家庭事業兩得意。謝安琪音樂路雖然看似一帆風順,但其實過程中亦經過不少辛酸,由原本可賺取穩定收入嘅老師,轉行成為歌手,出道初期更要「捱窮」過日子,由入行到現在,一切得來不易。

明星成長 | 欣宜克服負面評價及自我懷疑 奮鬥35年成功奪女歌手金


由老師轉做歌手 獲得媽媽溫柔嘅信任

Kay曾於訪問中提過自小立志成為一位藝術家,6歲便開始學琴,更考獲8級鋼琴資格,但因中學時喺鄉下放煙花炸傷咗手指頭,傷及神經線,自此左手就無法彈出旋律較複雜嘅歌。學業方面,Kay中學會考考獲21分,中七後入讀香港公開大學,主修翻譯及語言學,後來再入讀香港大學文學院,主修美國研究,期間曾擔任英文及音樂老師。大學時期,因想為學習生涯留下美好回憶,於是參加ICMA大專聯校歌唱比賽,憑着翻唱孫燕姿歌曲<<相信>>獲得音樂監製周博賢及陳哲廬賞識,並邀請加盟Ban Ban Music正式出道做歌手。

明星成長-女歌手-謝安琪

圖片來源 : IG@kaytse

當時Kay 28歲,擁有豐富嘅學歷,已有穩定嘅出路,可繼續擔任英文老師,但因為內心始終鍾情音樂,並希望能夠透過音樂記錄身處嘅香港及歷史,於是決心轉行做音樂。家人對於Kay嘅決定,唯一擔心嘅就係Kay被騙,但並冇阻止,對Kay嘅追求百分百信任,亦對此作出了一個令Kay感到相當舒適嘅反應,無過份熱心或過於關心,令Kay得以全心追夢。Kay更於訪問中大讚媽媽嘅簡單善良能成為其成長中嘅最大支持,並令Kay能夠以正面想法創作音樂,大大影響自己嘅人生。

不過Kay坦言,當時都有朋友怕佢成為歌手後會變成笑話,因大部分人都認為做歌手一定要靚要後生。後來事實証明,Kay憑實力於樂壇大放異彩,亦取得一定成就,同時更被外界讚為一位又靚又有知性嘅媽媽。

明星成長 | 梁釗峰憑一首作品讓父母接納星途

出道前後歷經辛酸 捱窮零收入跑Show

明星成長-女歌手-謝安琪

圖片來源 : IG@kaytse

真正出道前,Kay為咗爭取出碟機會,即使本來對公開場合唱歌不具好感,亦曾到尖沙咀海港城廣場Busking,一星期唱一日,歌迷反應不俗。但曾有一次,有一位媽媽帶住小朋友睇Kay唱歌,小朋友對Kay嘅歌聲表示讚賞,但媽媽就同小朋友講 : 「以後要好好讀書,如果唔係就跟姐姐一樣喺度唱歌」Kay認為呢位媽媽並無惡意,同時亦冇因為呢件事被打沉,反而激發咗成為歌手嘅決心及加快步伐。

最後Kay終獲得賞識及出唱片嘅機會,雖然曾經與好多新人一樣,出道初因公司規模唔大,每次出Show都要自己搭巴士,化妝造型服裝一腳踢,為爭加知名度,不計較報酬,不停出席大大小小嘅商場活動,每日跑學校Show,試過一年冇收入,甚至完全花掉自己嘅儲蓄。幸得Kay對音樂夢嘅堅持,一步一步成為現今受許多香港人欣賞嘅女歌手,更推出多首唱到街知巷聞嘅歌,努力及付出過後,終達成自己嘅夢想。

明星成長 | 林家謙大專比賽時被一位歌手賞識 從此開啟音樂之路

相關文章:

明星成長 | 李幸倪Gin Lee出身音樂世家 曾為學業婉拒歌手簽約

明星成長 | 廖子妤隻身到港追夢 十年離鄉別井對家人感愧疚

明星成長 | 張敬軒音樂造詣從小訓練 每日花4小時練開聲

https://metroeducationplus.com.hk/21281/%e6%98%8e%e6%98%9f%e6%88%90%e9%95%b7-%e7%94%b7%e6%ad%8c%e6%89%8b-%e5%bc%b5%e6%95%ac%e8%bb%92