週末好去處｜5大七彩運動場多個新穎運動措施及打卡位

想運動同時又想打卡 ? 一於去香港五大七彩運動場，全部位於屋邨商場天台，除咗有齊籃球場、足球場及滑板運動場，仲有多項新穎體育設施，場地充滿創意嘅設計，更同時成為港人熱愛嘅打卡位，其中九龍灣啟業運動場及屯門兆禧運動場等，更勇奪國際建築設計大獎！今個假期，一於帶埋小朋友去放電 !

健康資訊｜酷熱天氣行山易受傷 6大遠足野外急救法

運動場地一：青衣長亨主場

民坊夥拍本地社區營造工作室一口舍群 (One Bite Social)，為旗下長亨商場嘅籃球場進行活化工程，打造全新「長亨主場」。球場設計匠心獨運，本地設計師將青衣島嘅歷史及獨特面貌注入屋邨球場中，為街坊提供新穎嘅運動設施外，希望連結青衣島街坊，營造屬於青衣人嘅主場。

地點：青衣長亨邨二號停車場上蓋
開放時間：上午6時至晚上10時
聯絡及詳細資訊

運動場地二：九龍灣啟業主場

啓業運動場勇奪2019城市土地學會（Urban Land Institute）ULI亞太區卓越獎，為首個香港屋邨球場揚威國際，運動場以一個嶄新獨特嘅模式，與本地設計師及本土街場籃球代表合作，設計出富有香港特色嘅公共屋邨街頭籃球場，獲得國際評審賞識。

地點：九龍灣啟業道18號啟業商場停車場天台
開放時間：上午7時至晚上10時
聯絡及詳細資訊

運動場地三：屯門愛定主場

屯門愛定商場「空中運動營」係民坊本年推出的首個旗艦項目，其平台將打造為佔地11萬平方呎的全港首個「空中運動營」，包括「空中籃球場」、「空中足球場」、「空中滑輪運動場」、「空中跑步基地」及「空中庭園」。

當中，全港首個的「空中滑輪運動場」已於5月初開幕，熱愛滑板、滾軸溜冰及平衡車嘅發燒友，一於約埋一齊去放電啦！

地點：屯門愛定商場D區停車場上蓋
開放時間：上午9時至晚上8時
聯絡及詳細資訊

運動場地四：屯門兆禧運動場

活化後嘅「兆禧主場」係屯門區獨一無二的多用途運動場，主要設有一個全場籃球場、一個多用途球場、兩個特色單邊籃球場、一個「遊戲地景」（Gridded Playscape）、兩條150米嘅緩步徑及一個「車胎地帶」。場地更設有特色賽道，可供平衡車訓練及比賽。不論男女老幼，皆可發揮創意，進行各式各樣的活動。

為注入歡樂愉快的氣氛，團隊在運動場的內外精心設計多個「笑，嘻」的特色打卡位。

地點：屯門湖翠路 201 號兆禧苑停車場天台
開放時間：上午7時至晚上12時
聯絡及詳細資訊

運動場地五：將軍澳「明德主場」

為協助女性在運動場上發揮潛能，打破男性主導「街場」的觀念，民坊團隊繼續與設計室「一口設計工作室」 (One Bite Design Studio) 合作活化「明德主場」，注入多個女性友善元素，打造全港首個女性友善的特色運動場。

在球場設計上，「明德主場」的球場中間以鮮艷漸變顏色像素的設計，從不同的角度可以見到W或M字，代表Women（女性）和 Men（男性）。同時，W亦象徵Willpower（意志力）, Wisdom（智慧）和Worthiness （價值）；M代表Motivation（動力），Maturity（成熟）和Mastery （精通）等。