Web Interstitial Ad Example

【 聖誕好去處 】 2021全港各大商場聖誕主題合集 親子打卡/聖誕市集/嘉年華

14-12-2021
OG_週末親子遊211208_v2

聖誕好去處 — 仲有十幾日就到聖誕節,各位父母諗好帶小朋友去邊到歡度佳節未呢?今次就特別為大家整合了全港商場聖誕主題合集,不論是與小朋友去打卡、放電一樣咁適合,絕對會令大家有個難忘聖誕節,即睇邊度打卡最有Feel!

聖誕好去處2021 — 全港聖誕主題裝飾合集 親子打卡、放電必去

九龍區

海港城聖誕客運站「Christmas Terminal」

海港城每年聖誕嘅裝置都相當有特色,可以話係大家必到嘅打卡點之一。今年海港城聖誕裝置以「Christmas Terminal」為主題,由一班可愛曲奇造型嘅動物,帶領大家喺海運大廈露天廣場嘅「聖誕曲奇客運大樓」準備出發!2隻曲奇聖誕熊已在離境大堂為各位旅客服務,正聯同其他小動物喺「士的糖」閘口準備出發喇!今日起,誠邀各位旅客上嚟巨型行李箱盡情打卡,開展聖誕旅程!

海港城聖誕客運站「Christmas Terminal」
日期:即日至2022年1月2日
時間:10am – 10pm
地點:海運大廈露天廣場

海港城 x 史諾比聖誕裝置

化身成「Christmas Terminal」嘅海港城,今年更特別迎來一位由美國遠道而來史諾比,與大家展開藝術聖誕之旅。除咗「海港城.美術館」化身成和風旅館,展出全球獨家限量50件京友禪布偶珍藏系列、50隻限量和紙雕塑系列等,同場仲有展覽限定商品!大家仲可以同Snoopy一同入住「京都傳統旅館」,與史諾比及其朋友同玩「旋轉木馬」和到史諾比嘅屋企參加「奇幻聖誕派對」!

海港城 x 史諾比聖誕裝置
日期:即日至2022年1月2日
時間:10am – 10pm / 11am-10pm (史諾比藝遊京都)
地點:「海港城・美術館」(海洋中心二階207號舖)、港威商場大堂I、海運大廈地下中庭

LCX x SOAP STUDIO CHRISTMAS PARTY

貓鼠冤家 Tom & Jerry 嘅聖誕限定美式漢堡店喺LCX開張啦!現場特設可愛打卡位:Gelato Tweety雪糕店﹑Tom & Jerry禮物速遞,仲有LCX x SOAP STUDIO 期間限定店發售特式漢堡同雪糕主題嘅Tom & Jerry限定紀念品,可愛程度令人忍唔住想大咬一口!

LCX x SOAP STUDIO CHRISTMAS PARTY
日期:即日至2022年1月2日
時間: 上午10時至晚上10時
地點: 海港城海運大廈三階 LCX

奧海城 Disney Classics Library​

迪士尼一向大受大人、細路歡迎,今個聖誕奧海城就特別為大家帶嚟Disney Classics Library,現場唔單止有5大打卡位,大家可以同各個迪士尼經濟典角色合照之餘,更特設期間限定店可以瘋狂入手獨家迪士尼經典珍藏系列精品。

奧海城 Disney Classics Library​
日期:即日至2022年1月2日
地點:奧海城2期地下主題中庭​

荷里活廣場「Kakao Friends 聖誕夢幻樂園」

韓國人氣卡通人物Kakao Friend今個聖誕嚟到鑽石山荷里活廣場陪大家歡度佳節,「Kakao Friends 聖誕夢幻樂園」係全港首個加入Kakao Friends互動遊戲元素嘅玩樂園區,除咗「Ryan 飛越海盜船」同埋「Apeach 彈彈咖啡杯」兩大刺激又好玩嘅遊戲之外,仲有3大打卡位,等你同一眾Kakao Friends成員打卡添呀!

荷里活廣場「Kakao Friends 聖誕夢幻樂園」
日期:即日至2022年1月2日
時間:上午10時至晚上10時
地點:荷里活廣場一樓明星廣場​

西九文化區「香港繽紛冬日巡禮」聖誕小鎮

今年西九文化區以法國童話夢幻小鎮爾馬 (Colmar) 為設計藍本,將藝術公園打造成浪漫歐陸聖誕小鎮,令大家尤如置身於歐洲,感受濃厚聖誕氣氛。現場唔單止有8間聖誕小屋任人打卡,更有高20米嘅巨型聖誕樹,足足有成6層樓高!配合埋現場音樂更有特別閃燈效果,加埋背後嘅維港美景,超唯美嘅畫面絕對係今個冬日必去嘅打卡熱點,爸爸媽媽一定要帶小朋友去影靚相!

「香港繽紛冬日巡禮」聖誕小鎮
開放日期及時間:
即日至12月21日
星期一至五:5:00pm – 11:00pm
星期六、日:11:00am – 11:00pm

12月22日至1月2日
星期一至日: 11:00am – 11:00pm

12月24日至25日
時間:11:00am – 1:00am

12月31日
時間:11:00am – 6:00pm
*最後入場時間為場地關閉前30分鐘

地點:西九文化區藝術公園海濱草坪 – 西面

MOKO新世紀廣場冬日別注「miffy 北歐冬雪藝術村」

人見人愛嘅miffy今個冬天將會遠道從荷蘭飛到香港,陪大家歡度聖誕!miffy今次特別嚟香港展開 聖誕 探險之旅,以北歐簡約清新嘅水彩格調,將 旺角 MOKO新世紀廣場打造成「miffy北歐冬雪藝術村」,5大 打卡 位令現場彌漫着浪漫氣息,到時仲有期間限定嘅北歐冬日精品市集,各位粉絲可以盡情搜購各式各樣可愛嘅miffy造型聖誕禮物!

MOKO 新世紀廣場「miffy 北歐冬雪藝術村」
日期:2021年11月4日至2022年1月2日
時間:10:00am-10:00pm
地點:MOKO 新世紀廣場中庭、L1及L4樓層

「MOKO聖誕別注miffy x HOMELESS 北歐冬日精品市集」
日期:即日至2022年1月2日
時間:11:00am-10:00pm
地點:MOKO MTR樓層 中庭

大型遊樂場「MOKO動樂園!」

家長們與小朋友福音,萬眾期待嘅「MOKO動樂園!」正式以全面貌示人喇!佔地18,000呎嘅大型遊樂場「MOKO動樂園!」除咗有一系列好玩刺激嘅遊樂設施可以比小朋友盡情放電,樂園設計仲融合咗旺角地區特色,添加動植物生態及多元環保概念,實行寓教於樂!

「MOKO 動樂園!」
地點:MOKO 新世紀廣場 L3樓層MOKO 動樂園! (近「食代館」)
開放時間:10:00am – 7:00pm

The ONE《鬼滅之刃 劇場版 無限列車編 期間限定店》

《鬼滅之刃 劇場版 無限列車編 期間限定店》登陸尖沙咀潮流集中地The ONE,坐擁全港最齊全嘅《鬼滅之刃》過百款精品之外,更特意為大家搜羅40+獨家發售及會場限定商品,當中包括內含人氣模型、咕𠱸嘅滿滿聖誕福袋及被日港台粉絲搶購一空嘅《鬼滅之刃—無限列車篇》豪華版藍光禮盒(上下卷限量各5套)、以及優先訂購首發嘅「炎柱」及「猗窩座」Figuarts ZERO模型,重磅消息絕對令一眾鬼滅迷唔可以錯過!

The ONE《鬼滅之刃 劇場版 無限列車編 期間限定店》
日期:即日起至2022年1月9日

朗豪坊 x Shuffle & Repeat Christmas Love Sharing 音樂企劃

今個聖誕,朗豪坊聯同音樂人陳詠謙 與 Sunny Idea 創立的 Shuffle & Repeat,召集本地網絡平台及香港音樂人舉辦【朗豪坊 x Shuffle & Repeat – Christmas Love Sharing 音樂企劃】,為香港人送上聖誕禮物。朗豪坊是次特意為企劃精心搭建模擬聖誕演唱會舞台,讓大家享受演唱會的熾熱氣氛之外,更可化身幕後人員,穿梭於試當真、小薯茄及FHProductionHK的後台,陪伴他們一起由線上走到線下,再踏上在朗豪坊的舞台影盡靚相,紅遍網絡。

朗豪坊 x Shuffle & Repeat Christmas Love Sharing 音樂企劃
日期:即日起至2022年1月2日

T.O.P x Wade and Leta 呈獻「From New York to Hong Kong」

今個聖誕,MK有個NYC!旺角潮人集中地T.O.P This is Our Place與紐約設計界新寵兒Wade and Leta攜手呈獻【T.O.P x Wade and Leta.From New York to Hong Kong】,破天荒為商場空間及香港項目擔任設計總監,將紐約市標誌性的城市風貌及五光十色的都市魅力,幻化成獨一無二的大型藝術裝置帶到旺角T.O.P This is Our Place。兩名藝術家運用AR擴增實景技術遊走多個場景:置身天台的視覺衝擊遊樂園以及近4米高幻象聖誕空中吊飾。另亦有3米闊的紐約地標浮雕牆,為大家帶來破格刺激的視覺撞擊!

T.O.P x Wade and Leta 呈獻「From New York to Hong Kong」
日期:即日起至2022年1月23日

新地商場 ULTRAMAN超人體驗館

ULTRAMAN超人一直深受大家歡迎,適逢今年ULTRAMAN超人登場55週年,以及 TDG (超人迪加、超人帝拿、超人蓋亞) 登場25週年,新鴻基地產旗下商場MIKIKI、屯門卓爾廣場、屯門錦薈坊、屯門寶怡商場,聯手舉辦將慶典場地化身成「超人體驗館」,設置先進設備為大家提供各種訓練。現場不但有4米高超人吉田首次由日本來港坐鎮,更特設全港首個超人360°全景攝影裝置,大人細路都唔可以錯過!

新地商場 ULTRAMAN超人體驗館
MIKIKI ULTRAMAN 超人體驗館 【體能訓練主場】

日期: 即日至2022年2月15日
時間: 上午10 時至晚上10時
地點: Mikiki地下中庭 (九龍新蒲崗太子道東638號)

港島區

皇室堡 · 銅鑼灣地帶 · 東角LAFORET x 櫻桃小丸子 Happy Together 冬日舞會

慶祝聖誕又點少得派對?一向愛玩愛熱鬧嘅小丸子在今個聖誕節,與一眾好朋友驚喜現身銅鑼灣皇室堡、銅鑼灣地帶及東角LAFORET 3大商場,隆重舉行【皇室堡 · 銅鑼灣地帶 · 東角LAFORET x 櫻桃小丸子 Happy Together 冬日舞會】,連同小玉、野口、花輪、小渚、杉山及大野6位同學仔,在充滿佳節氣氛嘅舞會宴會廳,為大家打造冬日派對,齊齊歡度聖誕!為隆重其事,每位角色都特別換上由日本名模兼造型師今野晴也Hallelujah專程為各位同學度身打造嘅禮服形象,選用富質感且鮮艷的布料,華麗之餘亦超級可愛!場內設有4大打卡位,大家記得悉心打扮來跟他們影靚相兼一起翩翩共舞!

皇室堡 · 銅鑼灣地帶 · 東角LAFORET x 櫻桃小丸子 Happy Together 冬日舞會
日期:即日起至2022年1月9日

希慎廣場 x Hot Toys「《蜘蛛俠:不戰無歸》主題展」

MARVEL迷引頸以待,Sony Pictures 2021最強鉅獻《蜘蛛俠:不戰無歸》將於12 月15日於大銀幕上獻映,《蜘蛛俠》電影系列史上首次揭示這鄰家英雄面具下的真正身份!為率先慶祝《蜘蛛俠:不戰無歸》上映,迎接全城狂熱,希慎廣場與世界頂級珍藏人偶品牌Hot Toys攜手年度壓軸呈獻聖誕期間限定「《蜘蛛俠:不戰無歸》主題展」,與超級英雄蜘蛛俠及奇異博士躍進利園區的多元宇宙,唯希慎廣場獨家展出,投入熱血沸騰的《蜘蛛俠:不戰無歸》電影場景!

希慎廣場 x Hot Toys「《蜘蛛俠:不戰無歸》主題展」
日期:即日起至2022年1月2日
開放時間:上午11時至晚上9時
地點:希慎廣場地下啟超道入口、1樓中庭及4樓

數碼港商場「動感聖誕之旅」

數碼港商場集合太空勇士奇幻歷險、維港獨木舟競賽、雪域火車挑戰三個遊戲裝置,挑戰大家嘅體力及靈敏度,為冬日添上一份熱血活力!作為寵物友善商場,數碼港商場更歡迎主人帶同寵物一同蒞臨,與毛小孩登上太空船拍照,記錄珍貴歡樂時光。無論是運動達人或是毛小孩主人,記得去數碼港商場挑戰喇!

數碼港商場「動感聖誕之旅」
日期:即日至2022年1月2日
時間:上午10時至晚上10時
地點:數碼港商場

利舞臺廣場《Lee Theatre Presents Christmas Rouge x Anita》

為紀念一代巨星及適逢電影《梅艷芳》即將公映,利舞臺廣場特別呈獻《Lee Theatre Presents Christmas Rouge x Anita》,於利舞臺廣場打造華麗閃爍Music-Go-Round旋轉光影旅程裝置,及禮頓中心開設期間限定Diva梅艷芳Gallery,呈現一代巨星梅艷芳演藝光芒以及《梅艷芳》電影的花絮。利舞臺廣場Music-Go-Round的旋轉木馬以象徵永恆的酒紅色為主調,配合瑰麗閃爍的華燈效果及場景,呈現梅姐於不同年代、不同藝術領域的天后風範,Music-Go-Round分成六個主題區,由1982年新秀歌唱比賽開始,穿梭80、90年代,至今年同名話題電影《梅艷芳》電影,讓鍾愛梅姐的歌迷細味偶像的點點滴滴,同時令千禧世代認識梅姐,多角度了解一代歌后的演藝成就。

利舞臺廣場《Lee Theatre Presents Christmas Rouge x Anita》
日期:即日起至2022年1月2日

《人生照相館II – Colour Therapy》

人氣自助韓式影樓《人生照相館II》載譽歸來,陪伴大家度過甜蜜浪漫嘅聖誕,再慶祝跨年及中西情人節!今次《人生照相館II》以「Colour Therapy色彩療癒」為主題,20個色彩豐富、具夢幻感嘅打卡場景空降中環,更驚喜嘅係,《人生照相館II》將特設「寵物日」,並為大家準備由韓國直送嘅精緻寵物韓服,歡迎你帶同家中萌寵一起前來selca,誘發IG爆like潮!

《人生照相館II – Colour Therapy》
日期:即日起至2022年2月27日

新界區

新城市廣場【Sweetmas Carnival & Market】歐陸聖誕甜蜜嘉年華

今年沙田新城市廣場以比利時布魯塞爾聖誕市集為創作靈感,舉行【Sweetmas Carnival & Market】歐陸聖誕甜蜜嘉年華,將聖誕嘉年華會嘅精髓如旋轉木馬、摩天輪、熱氣球等遊樂設施,以及美食甜點攤位打造成IG瘋狂洗板嘅主角,還有童趣有獎攤位遊戲,啱晒同小朋友去玩!

新城市廣場【Sweetmas Carnival & Market】歐陸聖誕甜蜜嘉年華
日期:即日起至2022年1月2日

葵芳新都會廣場《Berry Christmas in LotsoLand》

帶有甜甜士多啤梨香味、深受大家歡迎嘅勞蘇,今個聖誕特別嚟到葵芳新都會,特設全港首個以勞蘇為主題嘅士多啤梨工場《Berry Christmas in LotsoLand》,除咗必影3米高巨型勞蘇之餘,記得走勻現場6大主題專區同勞蘇大影特影,最後仲要去期間限定度帶埋萌爆嘅勞蘇返屋企呀!

葵芳新都會廣場《Berry Christmas in LotsoLand》
日期:即日至2022年1月2日
時間:上午11點至晚上9點
地點:葵芳新都會廣場L3中庭

荃新天地冰雪夢幻王國

今個聖誕愛莎女王登陸荃新天地,將商場變成冰雪夢幻王國,帶領大家走進夢幻白雪天地。現場設有多個打卡位,包括4米高小白許願樹、冰雪夢幻奇景、飄雪樂園、冰雪水昌庭園、冰雪城堡,打完卡仲可以去埋期間限定店買《魔雪奇緣》產品返屋企添!

荃新天地冰雪夢幻王國
日期:即日至2022年1月2日
時間:10am – 10pm
地點:荃新天地 及 荃新天地2期

置富Malls · HAPIDANBUI 聖誕全民追星之旅

追星的熱潮真的一浪接一浪,就連Sanrio首個人氣男團「HAPIDANBUI」也首度現身香港!這隊男團成員都是大家熟悉的面孔,包括Bad Badtz-Maru (XO)、Ahiru No Pekkle(AP鴨)、Pochacco  (PC狗)、Kerokerokeroppi、Tuxedo Sam及Hangyodon六大男神。今個聖誕,他們會於置富Malls獻上首個海外出道舞台,大搞4場巡迴show!商場更特別準備了限定應援禮品供大家換領,連Dear Jane都會加入全民追星大軍!

置富Malls · HAPIDANBUI 聖誕全民追星之旅
時間:即日起至2022年1月2日
地點:
馬鞍山廣場 – 新界馬鞍山西沙路 608 號
+WOO 嘉湖 – 新界天水圍天恩路 12-18 號
置富都會 – 九龍紅磡都會道 6 號
置富第一城 – 新界沙田銀城街 1 號、2 號

Nan Fung Place 「Story is a gift.說一份聖誕禮物」

今個聖誕,以冰島為靈感,將故事變成禮物,Nan Fung Place首度聯乘著名唱作人林一峰及故事平台「StoryTeller」,創作並以聲音演繹一系列改編童話故事,更特意為故事創作專屬歌曲,在中環鬧市為大家提供一個「me-time」空間,「說」一份聖誕禮物。

Nan Fung Place 「Story is a gift.說一份聖誕禮物」
日期:即日至2022年1月10日
時間:星期一至五 上午10時至晚上8點
地點:中環Nan Fung Place 1樓(港鐵上環站E3出口)

將軍澳廣場:玻映熣燦 — 燃亮綠色聖誕

今個聖誕,將軍澳廣場將繼續與本地建築師團隊合作,以再生玻璃為素材,築成充滿夢幻感覺的「玻映熣燦 — 燃亮綠色聖誕」,於普天同慶的聖誕佳節折射出光芒,營造冬日溫馨氣氛。將軍澳廣場將與大家走進聖誕小鎮,到訪由近萬個回收瓶蓋組成、超過30米長的天空極光,以及超過1,000件再生玻璃磚砌成的幻彩再生玻璃冰屋,欣賞折射的七彩光芒,共度熣燦冬日。

將軍澳廣場:玻映熣燦 — 燃亮綠色聖誕
日期:2021年11月25日至2022年1月2日
時間:中午12時至下午8時
地點:將軍澳廣場一樓中庭 (地址:將軍澳唐德街1號)

恒基兆業商場 x 童星點心麵聖誕玩味樂園OYATSU LAND香港駅

日本官方認可、香港首個「童星點心麵樂園」已經登陸沙田中心.沙田廣場同屯門時代廣場喇!以日本經典零食「童星點心麵」為主題嘅日本三重縣「童星點心麵樂園」其實早於2019年開幕,不過疫情關係令大家無法飛到當地參觀,但而家喺香港都有得一睹歡樂氣氛,吉祥物星太郎更首次衝出日本,喺香港駅打造期間限定「童星Baby Star製麵廠」,絕對係今個聖誕 好去處,啱晒同小朋友去 打卡 、親手整獨一無二嘅點心麵杯!

恒基兆業商場 x 童星點心麵聖誕玩味樂園OYATSU LAND香港駅
日期:2021年11月13日 至 2022年1月2日
時間:上午10時至晚上10時
地點:沙田中心L3大堂(譚仔雲南米線對出)、屯門時代廣場南翼L1大堂

荃灣廣場「怪誕森林奇遇記」

今年聖誕,荃灣廣場為普天同慶嘅佳節加添與別不同嘅奇幻趣怪氣氛。荃灣廣場特意聯同國際著名阿根廷當代藝術家Javier Gonzalez Burgos,塑造「怪誕森林奇遇記」主題聖誕裝置,帶大家走進怪誕森林擔當故事主角,與一眾聖誕系列「怪誕」角色相遇,創造驚喜難忘的魔幻回憶!「怪誕森林奇遇記」主題遊園有6大必影打卡位,當中最搶眼嘅必然是長達20米嘅怪誕劇場,由聖誕鹿帶領大家體驗大合唱演奏廳、木偶劇場、坐上聖誕鹿車感受與別不同嘅怪誕氣氛、5米高巨型怪誕老人、數之不盡的可愛歡樂小動物……等著大家來感受怪誕森林嘅獨特魅力!

荃灣廣場「怪誕森林奇遇記」
日期:即日起至2022年1月2日

大埔新達廣場聖誕藝作市集

新達廣場特別舉行「聖誕藝作市集」,並分別先後以「佳餚美酒」及「窩心禮品」作為主題,可選購聖誕特色嘅手工啤酒、甜點、飾物、手工肥皂等等,自用或送禮都咁適合!

大埔新達廣場聖誕藝作市集
日期:即日起至2022年1月2日

SSC上水中心購物商場及MCPOne將軍澳新都城中心一期【Ho-Ho-Ho Sweet!! 雪國の旅】

聖誕白雪皚皚、甜甜蜜蜜才有氣氛!陽光房地產基金旗下兩大商場SSC上水中心購物商場及MCPOne新都城中心一期將於12月4日至翌年1月2日呈獻【Ho-Ho-Ho Sweet!! 雪國の旅】,一班「可愛甜品派」帶大家偽遊北海道冬夜聖誕——登上由SSC出發的「北海道夢幻聖誕號」破冰船啟航,悠悠駛向MCPOne「小樽碼頭」;在這浪漫甜蜜的雪國場景盡情打卡,感受濃濃的節日氣氛。

SSC上水中心購物商場及MCPOne將軍澳新都城中心一期【Ho-Ho-Ho Sweet!! 雪國の旅】
日期:即日起至2022年2月27日

迎海薈.逸峯廣場.翔龍灣廣場.港灣豪庭廣場『文』遊藝術聖誕

迎海薈、逸峯廣場、翔龍灣廣場及港灣豪庭廣場聯手打造『文』遊藝術聖誕,特意精選三款文具控必備的文具用品︰「筆」、「萬字夾」及「紙膠帶」為主題,並邀請禪繞認證教師Cat Kwan 合作設計出嶄新的禪繞畫圖案,把各款至愛文具融合聖誕色彩、圖案及使人舒緩精神的禪繞畫打造出三大玩味打卡場景。

迎海薈.逸峯廣場.翔龍灣廣場.港灣豪庭廣場『文』遊藝術聖誕
日期:即日至2022年1月2日
時間:上午10時至晚上10時
地點:
迎海薈(烏溪沙烏溪沙路8號);逸峯廣場(新界東粉嶺馬適路1號);翔龍灣廣場(土瓜灣新碼頭街38號);港灣豪庭廣場(大角咀福利街8號)

挪亞方舟「螢幻聖誕大激玩」

今個冬日挪亞方舟就以「螢幻聖誕大激玩」為主題,為大家帶嚟多個刺激又驚喜嘅「螢」格體驗,唔單止可以比小朋友挑戰自我潛能,仲特設展館可以邊玩邊學,絕對會為一家大細帶嚟歡樂又充實嘅聖誕節!

挪亞方舟「螢幻聖誕大激玩」
日期:2021年12月1日至2022年1月2日(逢星期六及日及公眾假期)
時間:上午10時至晚上6時
地點:香港新界馬灣珀欣路33號

離島區

東薈城名店倉 x 德國知名手工藝品牌Wendt & Kühn「樂悠聖誕市集」

今個冬日,東薈城名店倉聯同德國知名手工藝品牌Wendt & Kühn打造聖誕市集主題節日裝置,並越洋帶嚟多款於德國聖誕市集享負盛名嘅熱賣商品。場內特設7大溫馨夢幻打卡亮點,大家可以於互動雪地中尋覓聖誕寶藏,並發掘全港首家Wendt & Kühn期間限定店,為摯愛親友搜羅窩心禮物,共度歡樂佳節。仲有首度登場嘅戶外聖誕市集,為大家帶嚟逾40個特色攤位及現場音樂表演,令聖誕氣氛加倍濃厚。

東薈城名店倉 x 德國知名手工藝品牌Wendt & Kühn「樂悠聖誕市集」
日期:即日至2022年1月2日

東薈城名店倉戶外聖誕市集
日期:12月17至19日及24至27日

【週末親子遊】自駕遊靚景好去處 3條BB級行山路線推介