相信有許多在職家長都會聘請工人姐姐照顧自己小朋友，但如果發現子女和工人姐姐比起自己更加親密應該點算呢？父母應該點樣面對呢啲情況？ 電台節目《人仔細細》是次邀請到幼兒教學機構 – ABC Pathways Group 創辦人Bally， 分享家長同小朋友應該點同 工人 姐姐一齊成長。
情緒會互相影響
家長應該點樣接受自己小朋友同工人姐姐更加親密嘅事實呢？Bally就認為答案係認同呢種深厚嘅感情。因為工人姐姐都係基於照顧小朋友出發，而且同小朋友相處時間一定比各位在職父母長。如果家長因為工人姐姐對小朋友照顧得「好」而產生妒忌，其他會間接影響到工人姐姐嘅情緒，令佢開始唔願意工作，反而會形式惡性循環。其實可以令小朋友痴身，都係一種 工人 姐姐做得好嘅證明。
家長應如何自我調節？
父母一定要記住聘請工人姐姐嘅目的係咩，如果係為左子女可以喺自己上班期間得到好嘅照顧，就應該放手比 工人 姐姐，實行自我調節，經常反問自己最初嘅且的。只要大家能夠繼續相處得來，就不應該計較子女對工人姐姐表現得更親近的情況。
應該如何和 工人 姐姐相處？
萬一家中發生不和，一定要冷靜和工人姐姐認真溝通，不要累積負面情緒，對雙方、甚至子女都會有影響。最重要的是互相尊重，將心比己， 工人 姐姐和小朋友才能夠和諧共處。
想了解更多教育及親子育兒資訊，記得留意逢星期日早上7時至10時，新城知訊台播出的節目《人仔細細》！
(以上文章內容，純屬專家個人意見，與本台/ 網站立場無關。)
