選港姐出身兼有「傻大姐」形象嘅麥美恩 Mayanne，由主持做起，憑着活潑搞鬼嘅形象，獲得觀眾喜愛及公司賞識，後來更有份參與電視劇拍攝。雖然麥美恩常以豪邁性格示人，但其實具有藝術修養，且更於加拿大名校畢業，學歷亦相當唔錯。

王灝兒JW以歌手出道，最近更開始參與TVB電視劇《痞子殿下》拍攝，衝出音樂領域，踏入影視界。JW平時講嘢有種「鬼鬼地」嘅感覺，全因其為中菲混血兒，大學曾到過英國留學，更稱英國讀書嘅日子非常開心，如果未來有小朋友都會想送佢哋去英國讀書或報讀國際學校。

保良局蔡繼有學校係非常受歡迎嘅一條龍私校，每年都有非常多人報讀，競爭亦非常大，更係星二代集中地，其中有林曉峰及康子妮嘅兒子林寶及林熙、胡諾言及陳琪兩個女女胡芷苓及胡芷悠、徐菁遙嘅兩名女兒黃心瑤及黃心柔，更有林文龍及郭可盈女兒林天若，可見此校吸引力十分高！

曾為香港游泳代表隊隊員嘅方力申，當年憑傑出嘅游泳成績被名校聖若瑟書院取錄，其後細佬方圓明亦相繼憑游泳成績入名校，更為選擇體育科而揀選拔萃男書院。雖然二人均為游泳健將，不過升讀聖若瑟書院後亦無因此而放棄學業，二人分別入讀香港大學及中文大學，擁有非常好嘅前途

近年榮升為爸爸嘅陳柏宇，因為女女嘅出現，令其於心態以至音樂事業上有所轉變，由於近年疫情影響工作，而且成家立室，產生危機感，經4過自我審視後，決心學習唱歌，自我增值，為自己於音樂事業上爭取一點主導權。