Web Interstitial Ad Example

明星成長 | 盤點六位80/90後童星學歷+現況

01-09-2022
明星成長-90後-童星

80後及90後出生嘅童星,而家已經踏入社會工作一段時間,大部分為咗專注學業都喺小時候淡出幕前,不過都有部分讀完書後重返娛樂圈,為演藝事業追夢,經歷過咁多年嘅變化,唔知大家仲記唔記得佢哋,而佢哋而家又做緊咩呢?

李蘊

圖片來源 : IG@renee0727

CREAM成員,中間為李蘊

李蘊當就讀慕光英文書院,當年參加她商場舉辦嘅歌唱比賽「新星新人類」獲得殿軍,被輝皇娛樂邀請成為「Cream」女子組合成員之一,當年年僅12歲,不過出道僅3年便解散,以個人身份繼續發展,會考期間更參與《四葉草3:盛裝舞步愛作戰》電視劇拍攝及推出歌曲,雖然會考只考獲4分,未能升讀預科。不過後來李蘊繼續於樂壇推出作品,及參與舞台劇演出,近年更活躍於直播平台,現為金融才俊羅章冠妻子及兩名子女嘅媽媽。

 

唐寧

圖片來源 : IG@leilakong1205

唐寧曾就讀港九街坊婦女會孫方中小學、仁濟醫院林百欣中學(中三)、佛教慧遠中學(中五)及香港正形設計學院。8歲時已入行拍廣告及電視劇,更被導演吳宇森睇中,飾演電影《縱橫四海》中幼年時嘅紅豆,後來亦有加入TVB拍攝多部電視劇集,其中代表作為《戀愛自由式》及《大唐雙龍傳》。

 

男藝人許廷鏗、林家謙等人同是聖若瑟書院校友

 

黃美棋

圖片來源 : IG@meikiw
行運一條龍劇照

黃美棋就讀香港道教聯合會湯鄧淑芳紀念學校及寶覺中學,會考取得雙位數字嘅分數,預科就讀中華基督教會基協中學,中六時曾任學生會主席,更曾參與過青年學藝演講比賽及中學生辯論大賽,最終分別獲得高中粵語組冠軍及最佳辯論員獎。4歲時被星探發掘入行,5歲加入TVB,其中最廣為人知嘅作品為電影《行運一條龍》中出演嘅「小芬女」,當時黃美棋年僅9歲,後來因專注學業淡出幕出,會考後更前往美國留學,修讀商科,現為TVB女藝人。

林穎彤

圖片來源 : IG@bella_lam
萬家燈火劇照

林穎彤曾就讀佛教林金殿紀念小學、葵涌蘇浙公學及棉紡會中學,10歲時寫信到電視台參與兒童節目被發掘為童星,當時代表作有亞洲電視嘅《萬家燈火》。17歲時參加《十人巷》比賽人入TVB,曾因收入不穩做過眼鏡店當售貨員,現為TVB合約藝員和星夢娛樂旗下歌手。

吳諾弘

圖片來源 : IG@lawrenceng_1999
TVB劇照

吳諾弘小學就讀啟基學校因學校劍擊運動尤其出眾,曾培養出不少港隊精英,吳諾弘由小二開始便開始學習劍擊,更曾於全港小學學界奪取個人花劍冠軍及傑出運動員獎。後來憑着優秀嘅表現,更成功入讀拔萃男書院,為男拔取得多項劍擊比賽獎項,後來讀到中五為咗專注劍擊,便休學成為全職運動員,更與奧運金牌得主張家朗一同出戰東京奧運。除咗劍擊,其實吳諾弘自小便成為童星,拍攝多部TVB電視劇如《On Call 36小時》、《心花放》、《法證先鋒II》及《巾幗梟雄》等,亦表示無意重返娛樂圈,目標係成為一位花劍教練。

啟基學校

啟基學校是一間位於東區的私立學校,自1995年創校,全年學費約 $61,746。成立劍擊隊超過17年,曾多次成為九龍區學界團體冠軍,曾培訓出多位港青及港隊劍擊代表,當中包括崔浩然及鄭曉為。

莫凱謙

TVB節目照片

莫凱謙中學為香港華人基督教聯會真道書院,6歲時參加TVB《殘酷一叮》而被受關注,並且以童星身份參與多部電視劇拍攝如《阿旺新傳》、《蒲松齡》及《大太監》等。莫凱謙曾透露自己非考DSE並成功考入香港中文大學傳理系,後來以唱作歌手身份簽約iMusic Idol正式加入樂壇。

香港華人基督教聯會真道書院

香港華人基督教聯會真道書院為一所直資學校,實行11年一條龍升學課程,小學及中學分為三階科,比傳統學制讀少一年,學生可因應能力揀選考國際文憑試(IBDP)或香港中學文憑考試(HKDSE)。根據2021/22年度,每個不同年級分為10期,頭九年基本每期學費為$2860及$3230 (頭五年$2860 / 後四年$3230),隨後學費因應往後兩年所選擇的考試而定,若選擇國際文憑課程,兩年總共需付$167,360。


敢發夢,又敢唔敢追夢?有想法,要實現就要想辦法!

我哋邀請咗不同界別嘅嘉賓,9月3日同大家分享升學及就職出路嘅資訊,並以專業角度分析生涯規劃嘅重要及實踐方法,同場更有演藝及運動界別嘅年青KOL以過來人身份同大家分享追夢嘅心路歷程,費用全免!

立即登記及出席講座仲可以拎走《生涯規劃自學手冊》實體書,快啲約埋朋友仔一齊報名啦!活動詳情 : https://bit.ly/3BTxPfP