歡迎大家嚟到「HEWEGO」，今次有喂爸、Miles同JAY，挑戰人體極限，親身教你一個常見而且好重要嘅空氣動力學原理： 伯努力定律 (Bernoulli’s principle)！
今次我們需要準備以下工具，用嚟做實驗：
1. 一個肺氣量充足嘅肺（平時要做多啲運動先得架！）
2. 傘袋三個
實驗原理 ( 伯努力定律 )：
流動嘅空氣，會產生唔同嘅氣壓，即係「慢嘅空氣」會逼向「快嘅空氣」。
實驗過程 ( 伯努力定律 )
當我哋向傘袋吹出一口快嘅空氣，嘴巴同傘袋口之間就產生快嘅氣流，而係四邊行得比較慢嘅空氣就會逼向行得快嘅空氣，成為一個超級呼氣(Super Breath)。
所以片中嘅喂爸就可以用最少嘅氣力，最快吹漲個傘袋！
HEWEGO專頁：按我。
HeWeGo係由三個識於微時嘅老豆級人馬於一次吹水聚會傾湊仔女經後，無心插柳嘅情況下開設嘅專頁。
眼見太太們已經為仔女其他事務大費周章，學習STEAM嘅重任就交俾爸爸吧！寓玩樂於學習幾時都係最輕鬆最容易去吸收知識嘅途徑，仲可以透過同仔女嘅互動，加深彼此嘅了解，互信同埋積累無數難忘嘅回憶。所以我哋決定將呢啲片段透過Hewego 既平台一一記錄，分享俾對各位父母同埋對STEAM有興趣嘅朋友。
更多STREAM教育資訊︰按我。
