明星成長｜蝦頭中二已二次創作話劇考入APA完全係純屬巧合？

戲劇學院派出身嘅楊詩敏（蝦頭），鬼馬突破嘅演出風格，獲得觀眾關注，更活躍於舞台劇及電影電視作品中，而其實一直以搞笑爽朗形象示人嘅蝦頭，讀書時期早已被發挖有演戲天份，初中時更已奪得話劇比賽冠軍。不過雖然興趣方向明確，但原來當初蝦頭係因為「陪朋友」才報讀香港演藝學院（APA），陰差陽錯下更啟發起對戲劇嘅認真及執着，成為戲劇界當紅女演員！

中學時奪滅罪話劇比賽冠軍東區名校培養藝術細胞

蝦頭中學就讀張祝珊英文中學，自小學時代起已對演戲有濃厚興趣，中二時已為話劇作二次創作，參與並演出話劇《仙樂飄飄處處聞》，後來更被學校賞識，安排參加少年警訊滅罪話劇比賽，更從比賽中獲得第一名。

蝦頭曾於訪問中提及，中學時期最鍾意上體育課及音樂課，亦係學校嘅活躍份子，除咗玩戲劇，另更有參加啦啦隊及唱歌比賽，多才多藝。

明星成長｜周嘉洛小學讀龍校蝦頭曾經係佢母校戲劇教師？

入讀APA一個月即獲大型音樂劇演出機會

雖然中學時方向明確，但原來蝦頭成功報讀香港演藝學院（APA）只係純屬巧合？蝦頭當年因為陪伴朋友才到演藝學院面試，點知同學未能通過面試，自己卻意外被錄取，雖然當時對舞台劇一無所知，亦對往後嘅職業發展冇太大想法，不過蝦頭卻感到非常新鮮，加上屋企人對蝦頭嘅選擇全力支持，入學一個月更破天荒獲得大型音樂劇《遇上1941的女孩》嘅演出機會，參演後便燃點起蝦頭對演戲嘅熱情，更借鑑師兄師姐嘅成功例子，努力讀書，克服弱項歷史科，從西方戲劇史一科中從戲劇大師King Sir（鍾景輝）手上奪得滿分，最後成功於APA榮譽學士（導演）及演藝深造文憑（表演）畢業，畢業後更與香港不同劇團合作。

專心發展演藝事業前曾做教師維持生計

雖然畢業後蝦頭一直都與香港不少劇團有合作機會，但礙於當時遇上經濟壓力，為維持生計，應徵保險及侍應等工作，最終前往嗇色園主辦可譽中學暨可譽小學，任職小學戲劇科文憑教師，一邊打工一邊排戲嘅生活維持咗三年，直至蝦頭發現聲沙變得沙啞便毅然決定放棄教師席位，專心發展演藝事業。

辭去老師職位後，蝦頭一直於舞台劇世界發展，更曾獲取香港舞台劇獎「最佳女主角（喜/鬧劇）獎」，另外又加入「PIP劇場」當全職演員及導師，於戲劇界大展拳腳之餘，另更於電影電視獲得多個演出機會，一度被行內人如詹瑞文及TVB監製賞識，後來亦不斷出演大大小小嘅影視作品，如電影代表作《我的最愛》、《人約離婚後》、《踏血尋梅》及近期大熱電影《正義迴廊》；電視劇方面則有代表作《My盛Lady》、《愛美麗狂想曲》及《是咁的，法官閣下》。

本地升學｜宣道國際學校入學面試+教學模式大解構

跟法國演技大師學戲重頭學做一個人

當蝦頭忙於不同範疇中擴展領域時，亦不忙自我進修，前往法國埃唐普跟演技大師Philippe Gaulier學戲劇，比起學戲劇，蝦頭曾於在訪問中表示到法國學戲更似係重新學做人，因為一位好演員需要學習「活」及做好一個人，所以從法國學師回港後，靈魂蛻變，煥然一新，更自組工作團隊，推出個人主導嘅表演，更直言目標係成為一位有影響力嘅演員，更表示：「現在覺得一個創作人好好活出自己的人生是基本。」而影響不只局限於劇場、電影或電視，更延伸至一種生活模樣。

對於學習，蝦頭表示 : 「自己一直從學習中改變，同埋好多嘢都無一定嘅答案，所以一有時間就去學。」