Web Interstitial Ad Example

明星成長 | 鍾嘉欣感加拿大選校比香港煩惱少 子女能無壓力輕鬆學習

06-12-2022
明星成長-女演員-鍾嘉欣

自小便已於加拿大生活嘅鍾嘉欣,當年因為選美入行,加入TVB成為女藝人,出演多部電視劇,更多次入圍最佳女主角寶座。早幾年已成為媽媽嘅鍾嘉欣,近年再誕下第三個小朋友,組織一個美滿家庭,並逐漸淡出幕前。淡出娛樂圈後,鍾嘉欣曾於訪問中坦言有意辦教育生意,原來因為鍾嘉欣大學時喺加拿大讀幼兒教育,本身更想成為一位小學教師!

加拿大大學讀幼兒教育 暑假期間參加選美入行

明星成長-女演員-鍾嘉欣

鍾嘉欣喺加拿大成長,小時候生活清貧,爸爸媽媽都唔只打一份工,15歲時亦因為要讀書而做收銀員儲學費,中學時就讀溫哥華譚普敦中學,後來升讀英屬哥倫比亞大學,就讀幼兒教育系並完成第二年嘅課程,立志成為一位小學教師。大學期間,趁暑假參加商場選美比賽並取得第一名,更亦於《溫哥華華裔小姐競選》奪冠,後來再抱住參加暑假活動嘅心態參加喺香港舉辦嘅《國際華裔小姐》比賽競選,被當時評判之一陳慧琳欣賞,使鍾嘉欣成為大熱人選,最終亦眾歸所望奪取冠軍。

明星成長-女演員-鍾嘉欣

選美完畢後,本身返回加拿大完成最後一年課程嘅鍾嘉欣,因為獲得TVB邀請簽約,而決定留於香港成為旗下女藝人,更逐漸獲得不少電視劇作品,演技亦不斷進步,並逐漸獲得觀眾認同,其中代表作為《溏心風暴》、《珠光寶氣》、《點解阿Sir係阿Sir》及《星空下的仁醫》,更多次有份角逐「最佳女主角」及「最受歡迎電視女角色」。對於鍾嘉欣嘅演藝人生,更曾獲香港科技大學邀請為演講嘉賓,與學生分享人生上嘅抉擇、轉變、及實踐理想嘅心得,是為唯一獲邀請到大學演講嘅香港電視女演員。

育兒經驗與書本提及不同 比想像中更具挑戰性

明星成長-女演員-鍾嘉欣

誕B後嘅鍾嘉欣漸淡出幕前,對於曾經讀過幼兒教育,對育兒總有一啲心得,最希望嘅係培育出一個快樂嘅小朋友,盡量讓孩子能夠發揮獨特嘅天賦,鼓勵佢哋探索世界,有獨特嘅見解,表示:「我希望用愛培育小朋友成長,讓他們天份盡情綻放!」。不過雖然有讀過相關課程,但實際上卻與書本上學到嘅係另一回事,鍾嘉欣表示育兒極具挑戰性,比想像中更難,但每一次嘅嘗試同體驗都令自己成長不少。

明星成長 |鄧佩儀入行十年終做女一 突請假返加拿大重回校園生活?

子女於加拿大愉快學習 升學以家校遠近為考慮因素

明星成長-女演員-鍾嘉欣

鍾嘉欣嘅大女同仔仔已經分別入讀小學同幼稚園,並稱仔仔女女喺加拿大讀書嘅學校都係較近屋企,並稱由於加拿大嘅公立幼稚園及小學都係以家校距離近為原則,比香港選校少些煩惱。另外仔仔Jared讀嘅幼兒園接近Day Care模式,返學除咗玩遊戲,唱兒歌亦會學認字。而女女Kelly就開始要寫字,但功課量少,相對輕鬆,與自己曾於加拿大讀書一樣,唔會感到有壓力。

堅持讓小朋友學習中文 為將來裝備自己

明星成長-女演員-鍾嘉欣

讚成愉快學習嘅鍾嘉欣,因為認為中文對小朋友重要,所以都有安排女女學校以外嘅課程,更因為喺屋企大多時候都係與英語交談,所以特意搵一名普通話老師教女女中文,希望女女可以學會多一種語言,未來可以有多一啲選擇,本來想搵教廣東話嘅老師,但因為當地較缺乏教廣東話嘅老師,所以最後選擇咗教普通話嘅老師。

明星成長 |《美麗戰場》陳瀅加拿大回流香港做模特兒 被星探發挖加入演藝圈

英屬哥倫比亞大學 (UBC)

明星成長-女演員-鍾嘉欣

UBC位於加拿大溫哥華,是加拿大不列顛哥倫比亞省歷史最悠久的大學之一,於加拿大國內大學排名第3,具有「北美最美校園」之稱。大學憑藉許多重大的研究成果、傑出的校友以及提供國際學生優渥獎學金而舉世聞名,每年吸引許多世界各地學生前來就讀。

UBC亦培養了8名諾貝爾獎得主、71名羅德學者、65名奧林匹克運動員、10名美國文理科學院和英國皇家學會院士以及208名加拿大皇家學會院士。其地理學、礦業工程、體育等相關科目亦有較優秀的表現。

除咗鄧佩儀,還有多位女藝人畢業於此校,如陳瀅、姜麗文、楊洛婷、麥美恩、張嘉兒等

2023 QS世界大學排名 :第47位
熱門科目 :生物科技、經濟、法律、藥劑
學費 :每年約CAD 39,197.4 (約HKD 236,238)


相關文章
明星成長 | 盤點多個TVB女神級藝人學歷 全部到過海外升學
明星成長 | 張嘉兒擁多個學位 為管教女女再進修中大公共衞生碩士
明星成長 |麥美恩加拿大名校畢業 入行以做主持為目標