Web Interstitial Ad Example

週末好去處 | 精選5大免費STEM兒童探知好去處

24-11-2022
週末好去處-兒童探知-STEM

相信大部分父母都想小朋友寄學習於娛樂,想小朋友玩得開心之餘又可以學到知識,尤其現時流行STEM教學,唔少學校都重視小朋友對STEM嘅了解及知識。各位爸爸媽媽不妨趁住假日帶小朋友到兒童探知館,大人細路一齊學習科學、地理、環保嘅知識,帶小朋友放下電之餘,又可以學到有用嘅科學常識!以下為大家精選5個學STEM好去處,費用全免,並有blogger媽媽親身分享參觀體驗!

香港大學許士芬地質博物館

週末好去處-兒童探知-STEM

許士芬地質博物館透過館中展品,讓大眾認識地球及其演變,並致力提供有關地球科學嘅研究資料和生活應用知識。博物館共有四個主題展覽,包括「動感地球展廳」、「地球的演變展廳」、「地球物質展廳」及「香港地質歷史」。

週末好去處-兒童探知-STEM
週末好去處-兒童探知-STEM
週末好去處-兒童探知-STEM
週末好去處-兒童探知-STEM

展館收藏近萬件藏品,當中展出逾千件世界級嘅礦石,包括950件礦物及300件岩石,並透過展出350具於中國各地發現嘅化石標本。

週末好去處-兒童探知-STEM
週末好去處-兒童探知-STEM

博物館擺放多組大型仿石模型,模仿化石自然產狀,並散佈於樓梯及周圍角落,設計細緻

週末好去處-兒童探知-STEM
週末好去處-兒童探知-STEM

小朋友就好似化身成為古生物家咁,喺館中尋找到不同類型嘅化石

開放時間:星期一至五 下午1:00 – 6:00/星期六、日,公眾假期及大學假期休息期,保養工作將順延至下一個工作天進行)
地址:香港薄扶林道香港大學厲樹雄科學館地下及一樓
網址:https://www.earthsciences.hku.hk/shmuseum/chi/index.php


週末好去處 |環保概念之旅免費遊 4D電影+玩AR/VR遊戲+導覽

 

中電智FUN營

週末好去處-兒童探知-STEM
週末好去處-兒童探知-STEM

中電智FUN營係一個屬於香港青年獎勵計劃轄下,開放於公眾參與嘅營地活動,由AYP同CLP 中電合辦, 喺黃昏時份進行,主題為電力、工程、能源及環境保護。

豬仔包媽媽帶住豬仔包參加「 中電智FUN營 」,首先第一站去二樓嘅「 中電E-Playground 」參觀,入面所有嘅新奇互動遊戲設施都同電力相關,務求令公眾對發電原理能源及再生能源系統嘅運作有更多了解,並啟發大家對能源科技同埋工程學嘅興趣。

週末好去處-兒童探知-STEM
週末好去處-兒童探知-STEM
週末好去處-兒童探知-STEM

當日玩過嘅活動包括「 發電大挑戰」模擬水力發電、「 動力涼伴 」利用踩單車嘅動能驅動風扇、「 乒乓360 」於 天然氣管道打乒乓球及「 許願樹 」於  葉形環保紙寫上願望

另外職員亦會同大家講解由燃料、發電、輸電至家家户户嘅過程。

玩完之後,職員就帶我哋參觀營地部分設施,原來營地加入好多節能設施,非常環保。

週末好去處-兒童探知-STEM
週末好去處-兒童探知-STEM

夜晚就開始體驗訓練營嘅營地活動,全部都係一啲考體力嘅活動,包括 「HADO AR閃避球」及「地壺球」,考驗參加者專注、眼界同策略等,亦都非常需要團隊合作精神。 「 中電智FUN營 」整個活動都讓豬仔包媽媽非常欣賞,因為可以讓小朋友學習節能環保知識之餘,又可以體驗新興營地活動,不過活動比較適合年紀大啲嘅小朋友,不過活動無年齡限制,任何人都可以參加,而且仲要免費,都好值得大家去報名玩下!

12月已經暫停報名啦,嚟緊想報1月份嘅「 中電智FUN營 」,記得於12月30日下午2時準時網上報名

週末好去處 |中環展城館適合一家大小歡度週末 一站式滿足打卡/展覽/遊戲

水之園

水之園係一所位公眾教育中心,透過展品、現場示範及互動遊戲,讓參觀人士了解水資源相關的資訊。

週末好去處-兒童探知-STEM

場內有十二大展區,其中最令Kiana媽媽讚賞嘅係「水影院」,因為個螢幕超級巨大,270度都有畫面,播放嘅卡通教育片好睇又學到嘢,用咗卡通音效同效果吸引小朋友,同時又學到關於水嘅知識!

週末好去處-兒童探知-STEM
週末好去處-兒童探知-STEM

其次就係「水 + 循環」,提及玩水設施,讓小朋友透過遊戲,親身體驗水的循環過程,讓他們從中學習,對水資源得到更深入的了解。即睇blogger媽媽更多分享

地點:天水圍天柏路20號
開放時間:星期一至星期日 10:00 – 18:00 (逢星期三休息)
預約網址:https://www.h2opecentre.gov.hk/tc/book-your-visit/index.html

火山探知館

週末好去處-兒童探知-STEM
週末好去處-兒童探知-STEM
週末好去處-兒童探知-STEM

西貢區社區中心營運嘅火山探知館位於西貢市海濱公園,展品內容包括全球和香港嘅六角形岩柱及其形成過程、火山學基本知識、火山構造、火山噴發方式、板塊邊界類型,及來自世界各地不同火山嘅岩石標本及香港地質公園景點介紹等。

週末好去處-兒童探知-STEM

如果大家有「十周年香港地質公園護照」,攞住本護照去齊17個指定地點收集紀念印章,只要集齊其中10個,就可以換領「地質公園達人」奬章一枚!

週末好去處-兒童探知-STEM
週末好去處-兒童探知-STEM
週末好去處-兒童探知-STEM

不過展館較細,未必足以逗留較長時間,所以豬仔包媽媽就帶埋豬仔包去西貢碼頭坐船前往橋咀島,去石灘掘蜆,親眼欣賞不同類型嘅岩石,最後仲捉到蟹同海參,收穫非常多!

火山探知館

地址:西貢海濱公園
開放時間:每天上午9時30分 至 下午4時30分(展覽區)/每天上午9時 至 下午5時(服務台)
網址:https://www.volcanodiscoverycentre.hk/index.php?lang=zh

週末好去處 |五大免費戶外兒童遊樂場 爬蟲館/交通城/恐龍樂園

獅子會自然教育中心

週末好去處-兒童探知-STEM

 獅子會自然教育中心設有五個展覽館和多個戶外特色展區,為公眾提供各類自然教育、野外研習及自然導賞嘅活動,展館展出好多關於岩石、岩漿、地質模型及西貢原居民傳統資料。

週末好去處-兒童探知-STEM
週末好去處-兒童探知-STEM

首先最吸引豬仔包嘅係地球內部結構,仲有世界最古老嘅岩石,然後就係「岩漿歷險之旅」,於展板上搵火山

週末好去處-兒童探知-STEM

同場更有化石展品,當中更有暴龍頭骨。

週末好去處-兒童探知-STEM
週末好去處-兒童探知-STEM

跟著就去「農館」參觀,裡面有好多互動展品及遊戲,其中最吸引豬仔包就係可以影相角色扮演做農夫。呢個展區讓小朋友寓學習於遊戲,激發小朋友對農業科學嘅興趣,豬仔包媽媽推薦一家大細前往參觀。

地點:新界西貢蕉坑
開放時間:逢星期一、三至日及公眾假期上午9:30至下午4:30/逢星期二(公眾假期除外)及農曆年初一及初二休館
網址:https://www.afcd.gov.hk/tc_chi/country/cou_lea/cou_lea_ven/lions.html

資料內容及相片獲 豬仔包の開心日常  Kiana 的成長日記 淳粹做個快樂媽 專頁授權轉載

更多相關文章
週末好去處 |Yum Me Play兒童主題體驗館 沉浸式學習 結合STEAM元素學機械
週末好去處 |屯門室內遊樂場「百田樂園」新店玩後報告
週末好去處 |推介5大CP值極高親子餐廳 2百蚊165分鐘任玩食貓cafe超吸引