幼稚園係小朋友初踏學習階段嘅起點,唔少家長都希望為小朋友揀選合適嘅幼稚園方便之後升小學或銜接升學,更為此不惜花費更多開支,希望安排孩子可以入讀師資較優良嘅名校幼稚園,而林芊妤Coffee更為仔仔伯伯轉過唔少幼稚園,試過唔同學習環境後,現為伯伯選擇嘅係蘇浙小學幼稚園,而藝人錢嘉樂及湯盈盈嘅大女錢凱晴都係讀呢間!
林芊妤Coffee仔仔伯伯讀過兩間名幼
林芊妤Coffee 仔仔伯伯今年四歲,之前就表示自己因為「大頭蝦」而為仔仔同時報讀咗綠茵國際英文幼稚園(日出康城)嘅K1及國際英文幼稚園暨幼兒園 St. Catherine’s Kindergarten嘅PN班,不過最後就選擇咗綠茵國際英文幼稚園(日出康城)嘅K1讀住先,但曾於訪問中表示當時亦想為仔仔搵一間更適合嘅Happy School,增加仔仔想返學嘅動力。
![](https://metroeducationplus.com.hk/wp-content/uploads/2022/10/coffee5.png)
綠茵英文(國際)幼稚園(將軍澳)係非常受家長歡迎嘅一間名幼,1994年已辦首間校舍,另於浪澄灣、東涌、將軍澳及上水亦有設校舍,採用活動教學,另更有為學生提供一連串升小培訓活動,畢業生學業、品德兼備,每年均考獲多間私立、直資及誇區有名小學,升小成績相當理想。另外學校每班都有外語老師,訓練學生週言及溝通能力,打好兩文三語嘅基礎。每年學費半日制約 $69,360 ,全日制則約 $99,000。
至於另外一間國際英文幼稚園暨幼兒園 St. Catherine’s Kindergarten 就更加係唔少星二代嘅集中地,其中如雨僑及羅力威女兒Harper及陳展鵬及單文柔女兒小豬比都係呢間幼稚園嘅學生。由於St. Catherine’s Kindergarten培訓出唔少學生入讀名校小學如拔萃女小學、拔萃男書院附屬小學,加上幼稚園以主題及設計活動模式教學,透過互動教學增加學生知識,且透過過多元化活動讓兒童更多親身體驗,享受學習的樂趣。每年學費半日制約 $69,360 ,全日制則約 $99,000。PN(幼兒預備班) 學費為港幣$82,797 ,K1 (幼兒班) 學費為港幣$70,433及K2 及 K3 (低班及高班) 學費為港幣$76,615。
明星成長 | 保良局蔡繼有學校 一條龍名校為星二代集中地
終轉讀蘇浙小學幼稚園 強化孩子語文能力
![](https://metroeducationplus.com.hk/wp-content/uploads/2022/10/coffee.png)
![](https://metroeducationplus.com.hk/wp-content/uploads/2022/10/coffee1.png)
不過最後為咗增強仔仔伯伯嘅語文能力,Coffee安排仔仔轉到蘇浙小學幼稚園,坦言由於丈夫與自己多與廣東語或英語與伯伯溝通,希望學校採用嘅教學可以填補仔仔嘅國語能力,強化仔仔嘅語文基礎,為往後安排仔仔到海外升學鋪路。而其實圈中錢嘉樂及湯盈盈女兒都就讀蘇浙小學幼稚園。
蘇浙小學幼稚園其實另外亦有設小學部、幼稚園、幼兒園,及國際部,有分為主流班及國際班,其中主流班以普通話作教學語言,國際班則為學生提供英國制課程,由英國學位教師任教。其餘如音樂及體育課堂則由普通話授課,重視學生的語文基礎。另外學校亦運用「主題教學」及「設計活動」嘅教學模式,提供多樣化及各種校外學習活動,同時更積極推動閱活動、資訊科技及環保教育等,讓學生享受學校生活的樂趣。全年學費 半日制約$41,320-$73,390,全日制則為 $53,770。
相關文章
明星成長 | 強尼由工程師走到幕前 中年轉行以興趣行先
明星成長 | 林日曦輟學兩大得益 由廢青變上市公司董事
明星成長 | 盤點五所星二代就讀的國際學校
![](https://metroeducationplus.com.hk/wp-content/uploads/2022/10/image-14-1024x538.png)