明星成長｜《野人老師》談善言讀書好宅？湯怡係佢師姐

近日ViuTV熱播中嘅劇集《野人老師》，其中兩位男女主角邱士縉 Stanley及談善言原來係中學同學，緣份早已於學生時產生。談善言由模特兒至影視演員，一直以不同嘅形象示人，當年憑《點五步》獲提名金像獎「最佳新演員」，從此立志以演員為終身職業。

談善言與Stanley相聚於《野人老師》

談善言中學時讀保良局胡忠中學，與Mirror成員邱士縉 Stanley為校友，二人加入演藝圈後，今次將一同拍攝劇集《野人老師》，更與對方有大量嘅對手戲，談善言於訪問中更指Stanley於中學時已係萬人迷，表演慾很強，活躍於唱歌比賽及社祭活動，相反Stanley對談善言入行感到驚訝，因為感覺讀書時期嘅談善言性格「好宅」。22歲成為模特兒嘅談善言，本身係修讀市場及公關學士，不過當年因為幫助同學做Fashion Show 模特兒而認識咗模特兒公司嘅工作者，隨後便誤打誤撞入咗行

雖然唔係由科班出身，亦冇修讀許多演戲課，不過喜愛閱讀及經常反思自我嘅談善言於演藝路上卻有不錯嘅發展，一開始演過Y2K系列嘅影視作品，其後更有機會參與不少電影拍攝如《點五步》、《江湖悲劇》、《小男人週記3之吾家有喜》，亦憑《點五步》獲提名第36屆香港電影金像獎「最佳新演員」獎，自此立志成為演員，之後亦有拍攝《喜歡妳是妳》、《某日某月》等青春電影作品，電視劇方面除咗有現正播放嘅《野人老師》、以往另有演過ViuTV嘅《打天下》、《歎息橋》及《婚內情》等，可見即使非戲劇出身，但喺圈中卻獲得不少機會，演技受到認可。

明星成長｜《聲夢傳奇2》任暟晴Jasmine奪冠三甲全為音樂神童

湯怡係談善言師姐
自卑性格受小朋友對白撫慰

雖然談善言一直以嚟都獲得不少演出機會，不過常覺得自己做得唔夠好，更直言自己係一個較悲觀且自卑嘅人，而令自己擁有繼續向前嘅勇氣都係來自創作作品，其中受到啟發嘅係來自一套電影《一一》中一個名叫洋洋嘅一位小朋友對白 : 「我是為了做只有我才能做的事情，才出生在這個世界上，我是個小孩，可能會被別人批評吧，但是我要做只有我才能做到的事。」呢句對白令談善言開始反思，並獲得不少力量，且更於訪問中提及自己係一個見步行步嘅人，較少訂立長遠目標，入行初更着眼於如何令身邊嘅人不失所望，而真正開始對演戲產生慾望時便隨之然希望自己進步。

人生嘅路往往都係出其不意，正如Stanley所言冇諗過談善言會入行，而談善言亦曾說 :「其實我沒想過自己有一天會做演員的。小時候幾乎沒有甚麼表演慾，而且很怕站在中間或是鎂光燈下，很怕被人注視。」但隨住每一個當下嘅心意進行選擇，便不自覺被每一個選擇引領到屬於自己意想不到嘅領域，談善言就係一個成功嘅例子，只要按住自己嘅步伐，隨心而行，便自然會走到適合自己嘅地方。