陳奕迅(Eason)早前忙於世界巡迴演唱會，Eason除咗有一把好聲音及卓越嘅唱歌技巧，音樂詣藝甚深，擁有8級聲樂證書之餘，曾於英國留學，住過寄宿學校嘅佢更操得一口流利英語，由被寵壞嘅港孩變成一個獨立男孩。
中學獲派聖璐琦書院 提升到英國寄宿
陳奕迅就讀聖若瑟小學，曾於訪問中透露本來中三時才計劃到英國升學，但由於陳奕迅爸爸當年幫陳奕迅填中學志願時，所選嘅學校與預期派位結果有很大出入，結果終被派至第七志願嘅灣仔聖璐琦書院，失利於第一至六志願嘅皇仁書院、華仁書院、英皇書院及聖保祿學校…最後喺灣仔聖璐琦書院返咗一個月學後，因為唔啱讀便無再上學，於家中自修。
擔心被炸死 抗拒英國升學
因為本地中學派位結果唔理想，陳奕迅便提早跟隨哥哥到英國讀寄宿學校，但曾直言當時好膽小，認為當時英國經常受愛爾蘭共和軍施襲，四處放滿炸彈，擔心自己會被炸死，所以對英國升學非常抗拒。陳奕迅一家為咗給予兒子信心，媽媽與哥哥一同陪伴陳奕迅前往英國並安排陳奕迅入讀英國唐德塞中學。陳奕迅媽媽為咗照顧陳奕迅更於當地租住bnb，同時因為哥哥早已於學校建立一副強悍嘅形象，陳奕迅受到哥哥保護之下，雖然亦有受過欺凌，但亦給予好大力量讓陳奕迅適應英國校園生活。
擔心被炸死 抗拒英國升學
因為本地中學派位結果唔理想，陳奕迅便提早跟隨哥哥到英國讀寄宿學校，但曾直言當時好膽小，認為當時英國經常受愛爾蘭共和軍施襲，四處放滿炸彈，擔心自己會被炸死，所以對英國升學非常抗拒。陳奕迅一家為咗給予兒子信心，媽媽與哥哥一同陪伴陳奕迅前往英國並安排陳奕迅入讀英國唐德塞中學。陳奕迅媽媽為咗照顧陳奕迅更於當地租住bnb，同時因為哥哥早已於學校建立一副強悍嘅形象，陳奕迅受到哥哥保護之下，雖然亦有受過欺凌，但亦給予好大力量讓陳奕迅適應英國校園生活。
不過陳奕迅稱，英國寄宿期間，其人生有好大轉變，亦因學校600多人之中只有7至8個華人，許多時候都要靠自己解決問題及自理，所有問題及事情都要由自己負責，曾於訪問中稱：「你遲交功課、遲到點樣去面對老師，你做錯嘅所有事都要自己負責。」
2014年獲大學頒榮譽博士學位
正因如此，陳奕迅由英國寄宿期間漸脫離從前被寵壞嘅孩子形象，漸變成一個獨立嘅男孩子。不過初到英國時，陳奕迅亦有因為語言問題而感到困擾，曾於訪問中提及，當時因為唔識用英文溝通，夜晚無法開口請示室友開燈去廁所，結果忍咗成晚。不過受環境迫使，如今嘅陳奕迅已操得一口流利英語，英國中學畢業後更入讀金士頓大學建築系，同時間亦於英國皇家音樂學院考取八級聲樂證書。雖然後來陳奕迅喺大學第二年回港參加新秀歌唱大賽，未有完成學士學位，但於2014年英國金士頓大學為表揚陳奕迅於音樂上作出嘅貢獻，向其頒發榮譽博士學位。
