幼小升學攻略｜Henry Sir 把握小一面試關鍵時間點

幼兒學習階段對一個小朋友嘅成長非常重要，相信所有父母都希望可用最大努力，幫小朋友報讀一間最適合嘅學校，不過由於幼童年紀尚小，由學前預備班（PN）至升上小學一年級(P1)父母都需要大量嘅參與，甚至接受不同學校嘅面試考驗。今次作為資深教育工作者並育有一女嘅Henry Sir將與大家首先分享，小一面試前應掌握嘅概念同應做嘅準備！

小一面試黃金關鍵時間

首先幼兒家長應先掌握幼童由PN升至P1嘅關鍵時間點，以預留時間對小朋友作出相應嘅培養及準備。幼兒升學主要分為三大個關卡，包括學前預備班（PN）、幼稚園一年班 (K1)及小學一年級(P1)。由於PN主要針對1歲半至2歲嘅幼童，基本上入學考驗對象都係家長，且變數大，冇既定準則，但難度唔算高。其次係K1，K1針對2歲至2歲半幼童，有咗PN面試經驗，家長應較能掌握面試玩法，但另亦須留意有啲學校，如非常受歡迎嘅學之園，便有試過進行小組討論環節，家長可多加準備，而小朋友與家長於此階段表現比重各佔一半，家長嘅參與度亦較高，所以無需太過緊張。

直至小朋友開始長大，到達4歲至4歲半時，由於部分直資小學面試將於K2下學期進行，而K1至K2下學期嘅日數則僅為600日 (PN至K2下學期大約有800日)，家長更應把握僅僅600日嘅時間，培養小朋友成為一個有潛質被心儀小學取錄嘅學生。

本地升學｜激活小學英語教材由學校設計培養學生自學能力享受學習

小一面試著重的七大方面

由於準備時間只有600日，家長應針對小學學校看重嘅能力著手準備，提升小朋友相應嘅能力，為升讀小學做足準備，家長不妨參考以下七大方向：

一、語文和理解能力（中英文認字、形容詞、理解力）
二、表達能力（Show And Tell 、說故事、情境題、應變題）
三、心理質素（面試心理質素/ 表現的穩定性）
四、合群性、協作能力（能和其他小朋友一齊做TASK及禮貌相處）
五、常識和多元學習經歷（生活常識和製作PORTFOLIO）
六、習慣線上互動模式（ZOOM需要獨自面對鏡頭，能獨自完成指令）
七、溝通和交流能力 (與老師深度交談和延續討論嘅能力)

以上各種能力之中，以表達能力最為關鍵，不少學校會考核孩子說故事能力，因此家長可於平日為小朋友講故事時多示範引導式說故事方法，讓孩子從日常中吸收；而情境題及應變題都係無法透過死記硬背拆解嘅題型，所以孩子嘅答法往往來自於於家長平日嘅管教，因此家長應從小開始培養孩子隨機應變及解決問題嘅能力。

而心理質素方面，幼童嘅壓力主要來自父母，父母平日嘅反應將反映於孩子嘅行為及情緒上，因此父母於這方面亦應多注重一點。至於協作能力，因於疫情下，孩子相對減少許多參與群體活動嘅機會，建議家長可多讓孩子與其他孩子玩耍，加強孩子嘅相處能力。

本地升學｜培僑書院著重啟發學生學習興趣功課少騰出時間鼓勵自發閱讀

小一面試著重的八大能力

綜合以上，父母可從PN/K1起便培養孩子各方面嘅能力，尤其係以下提及嘅八種能力 :

一、思維能力（解釋答案）
二、表達能力（SHOW AND TELL、自我介紹）
三、溝通能力（回答問題的延續性）
四、即席回答問題的能力（反應、說話組織能力、形容詞、是否能用完整句子作答）
五、兩文三語（中英文認字、PHONICS、英文對答交流）
六、協作能力（與別人相處、協作精神、是否合群）
七、禮儀態度（是否有禮貌、真誠不做作）
八、生活常識（日常生活環境的認知及分析，靈活應變能力）

以上種種，尤以協作能力及禮儀態度最需要時間培養，因為此兩項能力無法透過短時間嘅訓練而成，需要長時間培養，並且呢兩項能力更係眾多能力之中最能體現孩子是否有潛力成為學校嘅學生之一，因此家長應多注意這兩點，從小培養孩子與人相處嘅能力及禮儀態度，以便日後於面試中取得較好嘅表現，更甚至於未來成長為一個更優質的人。