Web Interstitial Ad Example

育兒百科 | 使用小夜燈可讓BB安睡?

18-03-2022
育兒百科-幼兒-小夜燈-怕黑

相信每一對父母都想BB瞓得好,擔心BB怕黑,一旦熄晒房間所有燈,便會影響BB嘅睡眠質素。有鑑於此,坊間有不少家長推薦使用安睡小夜燈幫助BB入睡,但其實對於2歲以下嘅BB嚟講,夠黑嘅房間先係BB最佳嘅睡眠環境,究竟點解?一於聽下嬰幼兒睡眠顧問 Cheryl Chan講解!

黑暗環境有助BB睡眠

Cheryl 表示其實BB根本唔怕黑,房間夠黑,BB先會感到舒服及安穩,因為黑漆漆嘅睡房與媽媽肚內相似,相當有安全感。而且黑暗嘅環境有助分泌褪黑激素(melatonin),褪黑激素係一種睡眠荷爾蒙,可以令BB較易入睡。

2-3歲嬰幼兒易「怕黑」

嬰幼兒至少需要到達2至3歲,才有可能出現「怕黑」嘅情況,因呢個年齡嘅BB會開始有更多嘅想像力,所以當小朋友到達幼兒階段時,如對黑暗嘅房間感到不安及恐懼,光線微弱嘅小夜燈的確可以幫到手,但切記絕非五光十色嘅小夜燈。

小夜燈對BB睡眠的影響

15 Great Night Lights For Your Baby Nursery – Oh My GooGooGaGa

由於五光十色嘅小夜燈所散發嘅光線,多以白光及藍光為主,會干擾BB睡眠,並抑壓睡眠荷爾蒙分泌,反而令他們更難入睡。尤其當媽媽半夜為BB餵奶時使用此類型產品,BB可能會因而受到光線刺激,飲完奶後更難再次入睡。

圖片來源:omgggg.com

未提供說明。

嬰幼兒睡眠顧問 Cheryl Chan
Cheryl從事教育工作多年,其後成為認可的嬰幼兒睡眠顧問,亦是國際嬰幼兒睡眠顧問協會 (IACSC)的會員。Cheryl開設「Jovial Sleepers – 嬰幼兒睡眠諮詢」, 提供睡眠諮詢服務及為父母而設的網上嬰幼兒睡眠課程,協助父母解決嬰幼兒睡眠問題,提升小朋友和父母的睡眠質素。Cheryl相信「寶寶瞓得好,爸媽就少煩惱」,希望幫到更多家庭,讓大家都可以有覺好瞓。
Facebook 專頁 : Jovial Sleepers – 嬰幼兒睡眠諮詢 (IG: jovialsleepers)

相關文章
育兒百科 | 幼兒應該幾時戒奶嘴?
育兒百科 | 讓幼兒用奶嘴的利弊