Web Interstitial Ad Example

新年好去處|12個新春主題商場合集  親子打卡/市集/限定店

26-01-2022
週末好去處-新年-虎年-商場

新年假期,梗係要帶小朋友出去放下電!今年虎年,不少香港商場都設有新春主題嘅打卡熱點、市集及期間限定店,其中更有不少人氣卡通以春日造型現身,如Kanahei’s small animals‧ Little Twin StarsKakao Friends等,辦年貨又好,打卡影相又好,快啲Mark低以下精選嘅12個新春主題熱點!

新年主題商場【1】Kanahei’s small animals新春國際美食及精品市集

Kanahei
Kanahei small animals 大型室内年宵市集
Kanahei’s small animals期間限定店
P助與粉紅兔兔全新獨家限量精品

今個新年,元朗 YOHO MALL邀來由日本插畫家 Kanahei 創作嘅小動物角色 – 萌爆P助與粉紅兔兔與各位共渡新春。YOHO MALL I 及II中庭由即日起至1月31日變身為室內大型年宵市集,備有多款應節用品。同場設有期間限定店,發售多款「P助與粉紅兔兔」限量精品及食品,場內同時更設置可愛粉紅鳥居、萌爆P助及粉紅兔兔造型公仔裝置,購物打卡一應俱全!

除咗辦年貨,商場更精心設計咗「願滿迎春」和式御守造型利是封,大家可憑指定消費換領。詳情 : https://bit.ly/3GGhtqr

新年主題商場【2】如心廣場 ‧ Little Twin Stars 2022春日祭

如心廣場 – Little Twins Stars 櫻花古城
如心廣場 ‧ Little Twins Stars2022春日祭 新春市集

為迎接虎年,荃灣如心廣場於2022年1月14日至2月20日呈獻【如心廣場 ‧ Little Twin Stars 2022春日祭】,與大家迎春接福! Little Twin Stars將以新春造型分別於如心廣場及將軍澳翩匯坊與大家一同暢遊3大春日打卡熱點。

NINA CLUB 會員更可憑積分及消費滿指定金額換領限量禮品,為大家輕鬆打造虎年新氣象,即睇以下詳情 : https://bit.ly/3A9VC8t

新年主題商場【3】將軍澳中心 × Kakao Friends「新春黃金豐收莊園」

韓國人氣爆登Kakao Friends將登陸將軍澳中心,為香港帶嚟首個農曆新年裝置!將軍澳中心 × Kakao Friends「新春黃金豐收莊園」將於1月至3月期間登場,到時會見到Ryan同佢嘅一眾好友,大家可以帶埋小朋友去5大韓風農莊打卡區影相。

影完相,仲可以畀小朋友喺「果神收割區」及「黃金遊樂園」放電;想玩DIY或農荏體驗?到週末限定嘅水耕工作坊及新春市就啱晒。快啲睇以下詳情,計劃新春假期嘅行程啦!詳情 : https://bit.ly/3npdffk

新年主題商場【4】The ONE x 肥蛙工廠 - 新春園遊會

購物定打卡?Why not both!本地人氣 插畫 師蛙姐(Mandies Kwok)所創作嘅青蛙公仔「肥蛙」今個 虎年 將夥拍 The ONE 以「肥蛙主題」設全港首個【The ONE x 肥蛙 工廠 · 新春園遊會】,由1月18日至2月20日與你過 新年!
詳情 : https://bit.ly/3zXejfl

新年主題商場【5】置富Malls「大大與小妹」聯乘「柴犬工房」新春行運Double Up

今個農曆 新年,本地網絡插畫界超人氣情侶「大大與小妹」一盡地主之誼,邀請遠道由日本到港的「柴犬工房」傻氣情侶雪比及DD嚟個港式 新年 Double Date!由2022年1月11日至3月20日,馬鞍山廣場、+WOO嘉湖、置富第一城及置富都會擺設4大開運打卡場景,玩轉愛情運、健康運、食運和財運的地道 新年 習俗開運遊戲,一齊Pair Up將運氣Double Up!

詳情 : https://bit.ly/3FY21pk

新年主題商場【6】荃灣廣場  呈獻【跳跳好運 虎虎生威】

今個 虎年,有 迪士尼 一班朋友陪你過!2022年1月10日至2月20日,荃灣廣場 同迪士尼 經典角色 跳跳虎 攜手呈獻「跳跳好運 虎虎生威」賀年裝置,到場打卡仲有機會獲得限量版 利是封 !

現場除咗 跳跳虎 ,仲有小熊維尼同小豬等朋友,一齊同大家迎接 虎年 ,晚上亮燈後更加充滿溫馨浪漫氣氛,除咗賀 虎年,更係情人節打卡好去處。詳情 : https://bit.ly/3qQiV2V

新年主題商場【7】沙田中心 ‧ 沙田廣場及屯門時代廣場【和風祈願開運祭】

今個農曆 新年,恒基兆業旗下商場 – 沙田中心、沙田廣場及屯門時代廣場將於1月14日至2月20 日舉行【和風祈願開運祭】,邀請咗 日本 旅遊達人/圖文作家/御神籤收藏家啦兒(Lala Fu)打造5款全新立體御神籤,當中最引人注目嘅一定係高2.5米嘅巨型萌虎 御神籤。另外,現場仲會展出啦兒30件 御神籤 限量珍藏,今年 新年 打卡一於去呢度!詳情 : https://bit.ly/3Hi7MhD

新年主題商場【8】皇室堡 x 文地貓 喵聲報喜新春遊

皇室堡聯乘人氣插畫家文地貓打造【皇室堡 x 文地貓 喵聲報喜新春遊】,由2022年1月21日至2月20日設5大打卡位伴大家虎年行大運,屆時除咗文地貓首次化身成老虎造型恭候大家之外,更帶上一眾貓星人包括笨薯、米高、多爺及象廚來陪大家過虎年,他們都已穿上虎年裝飾、設好攤檔等著你嚟打卡,另設有文地貓期間限定店、週末特設「喵」年行大運新春市集,更為大家準備了一系列「喵」年禮遇迎新歲!

新年主題商場【9】MOKO新世紀廣場  MOKO好賞迎新春

踏入新春,MOKO新世紀廣場別注呈獻「好賞迎新春」,由即日起至2月28日期間,在場內打造日系「鳥語幸福」主題佈置,以如意結貫穿五大浪漫裝置,並有互動貼紙扭蛋機,訪客打卡之餘,更可將插畫家林皮設計嘅玩味貼紙帶返屋企!

新年主題商場【10】朗豪坊 x MUZIKTIGER「Chill」嘆過新年

今個新年,《朗豪坊x MUZIKTIGER「Chill」嘆過新年》齊集老虎同貓貓與你迎接虎年,來自韓國超人氣療癒文創角色MUZIKTIGER由即日起至2月12日首次來港與大家見面,近3米高嘅MUZIKTIGER初次現身同大家拜年,亦會與好友們帶嚟多個得意影相位!場內更開設首個MUZIKTIGER香港限定店,發售玩味有趣畫作及逾400款可愛文具精品。

新年主題商場【11】Citywalk • Cataholic Wonderland虎年竹福

今個農曆新年,荃新天地邀請到本地插畫界新貴鄭琪琪(Kiki)帶着筆下Cataholic Wonderland嘅3個可愛角色首次進駐商場主題佈置,於1月22日至2月15日呈獻【Citywalk • Cataholic Wonderland虎年竹福】,3位主角貓魔法師換上萌虎新裝探索3大新春打卡園景!

另外,商場更與插畫師一同製作咗一套兩款獨家限量版「Citywalk • Cataholic Wonderland虎年竹福利是封」,加上期間限定嘅年廿八洗邋遢好幫手「環保祼買體驗店」及主打竹類年花嘅「虎年竹福限定花店」,新一年肯定祝福連連!

新年主題商場【12】屯門市廣場 《花花貓新春甜蜜遊園》

屯門市廣場再與John Ho合作,於1月14日至2月15日期間以《花花貓新春甜蜜遊園》為主題,設置多個充滿新年及情人節浪漫氣氛的打卡位,以及「肉肉熊與花花貓的幸福日常」畫作展覽,與大家分享這對小戀人的甜蜜生活,發放幸福感及正能量予每一位。

新年主題商場【13】海港城美術館 Garfield x Plastic Thing「GARFATTY BELLY LAUGHS」

Garfield嚟到海港城,同大家一齊開心迎虎年!2022年1月20日至2月15日,「海港城.美術館」舉辦Garfield x Plastic Thing「GARFATTY BELLY LAUGHS」,除咗有嘢睇, Garfield及為食妹粉絲仲可以到場選購一系列限量發售畫作及期間限定精品!。