家長們與小朋友福音,萬眾期待嘅「MOKO動樂園!」正式以全面貌示人喇!佔地18,000呎嘅大型 遊樂場 「MOKO動樂園!」除咗有一系列好玩刺激嘅遊樂設施可以比小朋友盡情放電,樂園設計仲融合咗旺角地區特色,添加動植物生態及多元環保概念,實行寓教於樂!
![](https://metroeducationplus.com.hk/wp-content/uploads/2021/11/全新面貌「MOKO動樂園!」劃分4大專區-融合旺角特色和多元環保概念-1024x280.png)
旺角全新親子好去處 18,000呎大型 遊樂場 開幕
被喻為親子界福音嘅「MOKO動樂園!」佔地18,000呎,集玩樂、探索、教育、休憩及打卡於一身,當中包括近50米、全港最長嘅「動感攀爬天地」,超長嘅攀爬牆充滿挑戰性,最啱身手非凡同極具冒險精神嘅小朋友挑戰!場內更有8米高嘅大型遊樂設施、由山丘及山洞組成嘅探索隧道及6組縱橫交錯嘅滑梯,最高一組更高達3.8米,超刺激嘅遊樂體驗絕對會令小朋友樂而忘返!
![](https://1283385405.rsc.cdn77.org/wp-content/uploads/2021/11/「MOKO-動樂園!」特設全港最長近50米「動感攀爬天地」-1024x683.jpg)
![](https://1283385405.rsc.cdn77.org/wp-content/uploads/2021/11/「雀仔滑梯大冒險」將刷新玩樂刺激體驗!-1-1024x683.jpg)
![](https://1283385405.rsc.cdn77.org/wp-content/uploads/2021/11/「親子互動小山丘」讓小朋友任意爬行,左穿右竄冒險感滿分-683x1024.jpg)
今次遊樂場嘅設計意念更特別取材於旺角著名嘅雀仔街及花墟,將旺角專屬嘅地區本土特色融入當中,帶嚟一系列生動有趣嘅雀鳥主題遊樂設施。場內嘅「自然生態區」以生動插畫介紹鸚鵡繁殖及成長的過程,亦有動植物生態的冷知識,利用簡單而引人注目嘅圖畫帶出背後意念,讓小朋友邊玩邊學。
![](https://1283385405.rsc.cdn77.org/wp-content/uploads/2021/11/全城躍動!城中親子界盛事「MOKO動樂園!」11月19日開幕-散播節日歡樂-1-1024x683.jpg)
「MOKO動樂園!」更糅合環保概念,包括循環再用安全地墊的玩樂設施、提倡可再生能源的流動裝置充電設施、活用水資源的飲水機,以及善用綠化資源的休閒空間等,將呢個旺角全新標誌性放電樂土打造成最型嘅綠色玩樂天堂,等小朋友可以盡情放電之餘,同時認識動植物生態及提升環保意識,可以話係一舉多得!
![](https://1283385405.rsc.cdn77.org/wp-content/uploads/2021/11/善用綠化資源的休閒空間-1024x683.jpg)
![](https://1283385405.rsc.cdn77.org/wp-content/uploads/2021/11/園內的「活力充電區」安裝多架充電健身動感單車-設施附帶電子充電座-1024x956.jpg)
「MOKO 動樂園!」
地點:MOKO 新世紀廣場 L3樓層MOKO 動樂園! (近「食代館」)
開放時間:10:00am – 7:00pm
【 聖誕好去處 】沙田特色歐陸美食嘉年華 5大粉紅打卡專區+任玩攤位遊戲
![](https://1283385405.rsc.cdn77.org/wp-content/uploads/2021/11/OG_%E9%80%B1%E6%9C%AB%E8%A6%AA%E5%AD%90%E9%81%8A211112.jpg)