講起樂壇孖妹，一定會第一時間諗起張蔓姿及張蔓莎兩位文青唱作歌手。雖然二人樣貌相似，感情非常深厚，同樣熱愛創作及幻想，但原來佢哋兩個都有唔相似嘅地方，一個來自演藝學院表演系，一個來自香港理工大學人文學院英文系，完全係兩個截然不同嘅學科。雖則如此，兩姊妹入行後同樣以歌手及演員身份發展，近年更喺樂壇大放異彩，創作多首浪漫輕快歌曲，甚具個人風格，二人近年喺樂壇更獲得相當唔錯嘅成績！

中學各自建立圈子 發挖自我興趣

張蔓姿與張蔓莎同樣以演員身份入行，不過兩姊妹其實自小已經有同一樣嘅興趣，就係大家都喜歡唱歌，曾一同參加過海港城兒童歌唱比賽，家姐張蔓姿奪得亞軍而細妹張蔓莎則奪得季軍，更就讀同一所幼稚園及小學，自小感情非常好，張蔓姿亦很愛錫及特別遷就妹妹。

小學畢業後，二人分別升上不同中學，張蔓姿就讀香港聖安當女書院，而張蔓莎則就讀香港華英中學，二人各自建立社交圈子，張蔓姿更曾坦言妹妹張蔓莎讀書比自己好，更會向妹妹請教英文，雖然成績不如妹妹，但張蔓姿卻感激有咁叻嘅細妹，曾於訪問中講到：「我們的性格截然不同，是不可比較，就算當年妹妹讀書比我好，我更替她開心；她英文好過我，我也會向她請教。其實妹妹叻，應該要感到開心，因為就算你唔叻，你起碼都有個妹，可以幫助到你去解決一些問題。」

明星成長 ｜ 黃妍被中學濃厚閱讀氣氛感染變書痴

中學時期張蔓莎愛唱歌朗誦 張蔓姿愛演戲立志入演藝

升上中學後，二人均各自發挖不同嘅興趣，張蔓姿中三中四時因參與英文話劇團舉辦嘅音樂劇，啟發演戲熱情，由當時開始已立志入讀演藝學院，每年更會參與演藝學院開放日，中學畢業後亦成功入讀演藝學院表演系。

至於妹妹張蔓莎中學時則熱衷於辯論、唱歌、朗誦，擅於透過聲音表演自己，讀書時亦負責曲詞唱作，中學畢業後入讀香港理工大學人文學院英文系。

求學時獲不少幕前演出機會，包括MV、廣告及雜誌拍攝，大學畢業後正式入行成為演員，後來更憑創作單曲《剎那的》與家姐張蔓姿一樣進軍樂壇，而其演出作品更有電影《非同凡響》及《阿媽有咗第二個》、ViuTV電視劇《地產仔》及《教束》等。

明星成長 ｜文青女神袁澧林憑《窄路微塵》入圍金馬獎最佳女主角

香港街頭表演起步 後到台灣表演獲香港唱片公司賞識

中學畢業後入讀演藝學院嘅張蔓姿，曾稱演藝學院給予自己許多機遇，有導演邀請自己彈琴，亦有份參加Directing workshop，排戲作曲一併進行，因演戲啟發出音樂靈感。

自小就有音樂底嘅張蔓姿，從小學習古典鋼琴，創作嘅音樂自然較易於與戲劇聯繫。所以讀表演系嘅張蔓姿，不時會因應劇情或劇本創作音樂，因為有份創作音樂嘅關係，亦有份參與填詞及戲劇配樂，令張蔓姿變得更多才多藝，入行後既為演員亦為歌手，其中所創作嘅《深夜浪漫》亦為熱播歌曲，影視作品更有《聖荷西謀殺案》及《Baby復仇記》、ViuTV電視劇《IT狗》及《身後事務所》等。

張蔓姿及張蔓莎兩姊妹情深，無論喺音樂定演藝上都有相當唔錯嘅發展，能夠從小走到呢一步，除咗各自嘅才華同努力，相信都有賴於二人互相鼓勵同扶持。家姐張蔓姿更曾表示：「你想的話一定要去努力，沒有東西是空想就會有」。

相關文章
明星成長 ｜ 馮盈盈零經濟及商科底成功考獲CFA Level 1 當年DSE 28分入港大
明星成長 ｜麥美恩加拿大名校畢業 入行以做主持為目標
明星成長 ｜ 泳兒將負面情緒化成暗黑風音樂 《溝渠暢泳》唱出心聲重拾自我

The post 明星成長 ｜ 張蔓姿張蔓莎姊妹情深 音樂演藝同步雙生兒 appeared first on 新城教育+.

有文青歌手之稱嘅黃妍，愛閱讀愛文字創作，深村上春樹及幾米等著名作家嘅啟發，將拜讀過嘅文學作品化成靈感，創作音樂。不過愛文字嘅黃妍其實一開始係讀理科出身，直至大學選科時才決定選擇文科，主修新聞系，畢業後更曾從事廣告撰稿員。後來入行成為歌手，所創作嘅歌曲都離不開書中世界。

中學常流連圖書館 捉緊每一個睇書的時刻

黃妍就讀海壩街官立小學和屯門天主教中學，自小因為父母看重學業，甚少接觸電視與電腦，便培養咗閱讀嘅興趣，小學時更有擔任學校圖書館管理員，經常流連於圖書館，而中學因為每年都有辦書展嘅關係，學習環境充斥閱讀氣氛，使得黃妍養成睇書習慣。

中學畢業後，黃妍入讀樹仁大學，主修新聞系，由理科變成一位文科人，大學時更經常自掏腰包買書，由於居住於屯門，前往北角返學車程長，曾於訪問中提到由於屯門公路常塞車，坐車時都會睇書打發時間，更稱為咗睇多啲書，寧願日日花兩個鐘坐車返學，都唔住宿舍，可見黃妍絕對稱得上係一位書卷味甚濃嘅女子。

明星成長 ｜《美麗戰場》陳曉華中大護理系畢業 參港姐為求突破Comfort Zone

一次實習經歷對傳媒之路卻步 從此轉戰音樂戰場

鍾意睇書嘅人通常都非常文靜，黃妍亦不例外，表示自己大學時冇上莊亦冇參加許多課外活動，不過由於修讀嘅係新聞系，所以都有好多精彩嘅體驗，例如接觸到廣告創作，亦有機會做實習記者，到不同地方進行採訪，如到立法會及停屍間工作，不過雖然能夠令自己見多識廣，但卻因為一次於停屍間工作嘅經歷，對成為記者卻步。

畢業後黃妍曾到一間社交媒體公司任職廣告撰稿員，從事大量嘅文字創作，不過藏於黃妍心裡嘅其實係一個音樂夢。不時會自彈自唱嘅黃妍，大學時經已常到街頭Busking，更用兼職賺到嘅錢買咗人生第一支結他，上網自學彈奏，從中更認識到一班音樂人，開始創作歌曲到YouTube，2017年更參加《音樂大童》英皇藝人企劃活動贏得冠軍。

明星成長 ｜鄧佩儀入行十年終做女一 突請假返加拿大重回校園生活？

香港街頭表演起步 後到台灣表演獲香港唱片公司賞識

後來一次於香港Busking時，獲得一位來自台灣嘅朋友欣賞及鼓勵，便計劃到台灣發展，更獲得台灣小店邀請表演，雖然唔係付費演出，但為黃研累積唔少表演經驗。喺台灣表演嘅過程中，機緣巧合遇上索尼音樂娛樂香港工作人員到場觀賞並獲得賞識，一年後便送請加盟索尼音樂，於香港正式出道，成為香港樂壇唱作女歌手之一。

對於自己嘅音樂旅程，黃妍將此經歷聯想到一本對自己影響甚深嘅書—《牧羊少年奇幻之旅》，並稱：「這本書的概念讓我體驗到，當好想去做一樣事情時，你又全心全意做，這個世界會來幫你，是這本書的中心思想……我音樂路上見過、嘗試過。」

最愛村上春樹及幾米 從書本中打開創作之門

無論係廣告撰稿員定唱作人嘅黃研，都離不開創作，而所有靈感大部分源自於書本。黃妍尤其喜歡村上春樹及幾米嘅作品，表示睇書可閱讀他人嘅經歷及故事，增加對自己及世界嘅認識及理解，當年就係憑幾米嘅《向左走向右走》及《月亮忘記了》，開啟咗呢鋪「閱讀癮」，成為書痴，除咗鍾意村上春樹及幾米，另更喜歡東野圭吾、吉本芭娜娜、三毛、Neale Donald Walsch、Mitch Albom、周耀輝等作者。

創作與閱讀密不可分，擁有對世界有深刻見解嘅黃妍，透過閱讀令自己大眼開戒，打開靈感之門，更愛上寫作及文字，曾稱 : 「你不用特別為了要學一些字而去看書，不是的，你看得多就慢慢吸收那人的文筆，冥冥中就會影響你，跟住他的世界觀去寫那個故事，說話的 flow，會慢慢影響緊你。」

相關文章
明星成長 ｜ 馮盈盈零經濟及商科底成功考獲CFA Level 1 當年DSE 28分入港大
明星成長 ｜麥美恩加拿大名校畢業 入行以做主持為目標
明星成長 ｜麥明詩會考10A放棄拔尖到英國考A-LEVEL入劍橋大學

The post 明星成長 ｜ 黃妍被中學濃厚閱讀氣氛感染變書痴 appeared first on 新城教育+.

鄧小巧憑美妙嘅聲音獲得大眾賞識，當年透過參加《超級巨聲》出道。不過歌手之路從來都唔易行，鄧小巧亦與大部分音樂人一樣為音樂夢付出過許多努力及捱過低潮期，更甚至為此放棄一份穩定收入嘅正職，究竟音樂對鄧小巧嚟講有咩意義？

熱愛中文入讀教院中文系 畢業後獲全職教師資格

相信唔少人都認為鄧小巧擁有如此音樂才華，定必係讀音樂相關嘅科目出身，其實不然。鄧小巧曾於香港教育學院修讀中國語言學系學士，出道前曾為一名小學中文代課老師，畢業後早已獲得資格成為全職教師。當初因為喜歡中文，所以選擇此科，不過正式上課後發現課程冇想像中有趣。

價值觀與現今教育背道而馳

對於教育，鄧小巧主張愉快教育，對派功課給學生感到反感，不過鄧小巧則表示現今好多家長都只着重學生學術成績，較少關注學生嘅興趣，感到自己嘅價值觀與現實有衝突。加上做老師並非鄧小巧嘅夢想，小時候已立志想成為一位歌手，即使知道音樂路難行，亦選擇堅持自己想做嘅事。

明星成長 ｜《美麗戰場》陳曉華中大護理系畢業 參港姐為求突破Comfort Zone

低潮期仍堅持與音樂為伴 放棄穩定收入

鄧小巧於2009年參加第一屆《超級巨聲》，一直堅持以歌手為目標努力，不過直至2014年事業依然冇特別起色，當年曾有校長答應聘請鄧小巧為小學教師，雖然鄧小巧都有因為生活為此而經過一番掙扎，但深思熟慮後始終選擇音樂，把心一橫放棄教師一職，繼續追夢。

明星成長 ｜鄧佩儀入行十年終做女一 突請假返加拿大重回校園生活？

兩年收入只得35萬 仍堅守所愛

經過一番努力，鄧小巧先後推出不少派台作品，作品愈來愈多人認識，並逐漸獲得女歌手樂壇獎項。對於過程嘅辛酸，鄧小巧曾直言「音樂使我貧窮」，更稱兩年總收入大概只得三十五萬元，幸得家姐無限嘅支持，更稱 : 「如果我有能力做自己的音樂，不為暫別，不為任何的原因，只為喜愛。」鄧小巧認為「每個人最大的力量來源還是自己」。

終於鄧小巧堅持自己所愛，獲得音樂肯定，更由被投閒置散直到現時可用音樂支持自己生活，更有餘錢可以做自己喜歡嘅音樂，何謂苦盡甘來。

相關文章
明星成長 ｜ 馮盈盈零經濟及商科底成功考獲CFA Level 1 當年DSE 28分入港大
明星成長 ｜麥美恩加拿大名校畢業 入行以做主持為目標
明星成長 ｜麥明詩會考10A放棄拔尖到英國考A-LEVEL入劍橋大學

The post 明星成長 ｜ 鄧小巧感教育理念與現今社會遺背 appeared first on 新城教育+.

王灝兒JW以歌手出道，代表作有《男人信什麼》、《矛盾一生》及《逃生門》，最近更開始參與TVB電視劇《痞子殿下》拍攝，衝出音樂領域，踏入影視界。JW平時講嘢有種「鬼鬼地」嘅感覺，全因其為中菲混血兒，大學曾到過英國留學，更稱英國讀書嘅日子非常開心，如果未來有小朋友都會想送佢哋去英國讀書或報讀國際學校。

中學時已遊走多個唱歌比賽
預科後到英國升學入讀倫敦國王學院

JW到英國升學前，由幼稚園至中學都喺香港升學，幼稚園入讀香港靈糧堂幼稚園，小學及中學分別就讀瑪利曼中學及南島中學。讀書時已參加許多學界唱歌比賽，主要受到家姐啟發，JW曾於訪問中提及，從小到大都與家姐就讀相同嘅學校，小六時更因為見到家姐參加歌唱比賽便跟着一起參加，更獲得冠軍，自此便於唱歌方面增強自信心，更坦言非常享受表演過程，因此大大小小嘅比賽都會參加，其中更有參加2006年嘅「Spice It Up 學園祭」，同場亦有現為歌手嘅鄧紫棋G.E.M，雖然當時敗給G.E.M，但亦獲得亞軍！JW年紀輕輕已曝光於不同比賽之中，當時已有不少人為JW推介唱片公司，但讀書時期嘅JW一心以讀書為重，並無當選歌手嘅諗法。

圖片來源 : IG@jwchubz

中學會考JW成績不俗，雖然可原校升讀，但為咗可與英國升學，預科則選擇升讀國際學校即南島中學，中學畢業後便到英國入讀倫敦國王學院，主修地理。回想起到英國讀書嘅心情，JW表示當時非常興奮，心情如同放監，因為終於可以獨自在海外生活，感到很自由，更稱倫敦國王學院嘅設施及周圍嘅環境賞心悅目，而且同學亦很友善，大學時不時有Group Project，可與不同國籍人士交流討論。對於歧視問題，JW表示 : 「我嘅經驗係只要唔好怕醜，主動少少同大家傾偈，融入大家嘅生活，就好少有問題出現。」

希望未來子女先讀本地學校再讀國際學校

2010年JW出道初，當時加入黎明旗下所屬嘅A Music，一邊讀書一邊兼職做音樂事業，出聲唔出樣，當時JW一放假就會返香港錄歌，出道代表作《男人信什麼》更熱播一時。大學畢業後，JW返到香港正式出道，不過因為自己想做嘅嘢與公司策略有所不同，陷入迷惘階段，直至2015年決心轉到Sunny Idea，首個作品《矛盾一生》更成為其代表作之二，憑此歌曲橫掃樂壇多個獎項。JW曾於訪問中直言多得之前迷惘嘅時期，才能讓自己變得更堅強更謙虛。

圖片來源 : IG@jwchubz

JW現已成為香港樂壇著名女歌手，更於音樂節目上擔任導師，音樂成績有目共睹，不過當時選了地理作主修嘅JW，就講到若然當初冇揀到做歌手，受中學地理老師影響，有想過自己成為一位地理老師。對於曾於本地及海外兩邊都讀過書嘅JW，JW表示香港讀書壓力的確比較大，但卻欣賞本地教育，所以若然有小朋友，會考慮讓子女先在本地讀書，再轉到國際學校。

明星成長 ｜ 盤點多個TVB女神級藝人學歷 全部到過海外升學

南島中學

南島中學是一所英基開辦的國際學校，充滿活力，創新，具前瞻性的國際學校，提供 1300 個中學學位。學校兼具國際視野及崇高學術水準，擷集學校生的個人潛質發展，新世紀所須的技能及社會責任，因而為之自豪。據2022年參考資料顯示，於香港國際學校排名第9名，IB平均分為35.5。

學費：全年學費約 HKD $133,800
地址：深水灣南風道50號

倫敦國王學院 Kings College London

倫敦國王學院成立於1829年，是位於英國倫敦的公立研究型大學，國王學院也是歷史悠久的倫敦大學其中的創始學院之一。倫敦國王學院共有五個校區，分為是Strand Campus校區、Guy’s校區、St Thomas’校區、Waterloo校區及座落倫敦南部的Denmark Hill校區。倫敦國王學院擁有優異的地理位置，附近有大英博物館、皇家歌劇院、國家美術館、金融商業圈的中心。QS排名37，熱門科目有商科、會計、金融及社會學，每年學費約18000至35000英鎊。

相關文章
明星成長 ｜ 盤點六位80/90後童星學歷+現況
明星成長 ｜ 保良局蔡繼有學校 一條龍名校為星二代集中地
明星成長 ｜麥明詩會考10A放棄拔尖到英國考A-LEVEL入劍橋大學

The post 明星成長 ｜王灝兒JW為跟隨家姐到英國升學 預科轉讀國際學校 appeared first on 新城教育+.

近日林家謙演唱會被受關注，其中為圈內好友Serrini 梁嘉茵放緊假冇收錢都嚟做嘉賓，實在非常捧場，而其實Serrini係一個非常值得欣賞嘅香港女唱作人，欣賞林家謙演唱會時都不妨多留意一下Serrini！Serrini 近年於樂壇成績非常好，憑真性情又帶有修養嘅創作風格及形象，獲得年青人嘅喜愛，每首出自Serrini手嘅歌，都非常破格，歌曲配以新詩般嘅前衛歌詞，不難想像Serrini係一位擁有濃厚文學底蘊嘅女歌手。

熱愛文字及音樂 大學時認定以創作搵食

Serrini就讀迦密柏雨中學，中學畢業後於中文大學修讀英文系，繼而再到香港大學進修，修讀文學碩士，隨後亦再修讀香港大學香港研究嘅哲學博士學位，考獲多項獎學金，學歷超強。不過Serrini擁有如此高學歷，卻一心以音樂為目標，將知識融入音樂，期望透過音樂將自己嘅思想傳遞開去，因此上到大學時便自覺要靠「創作」維生。Serrini曾於訪問中表示「如果唔係做歌手，我都唔知做咩？」不過話雖如此，回望過去，Serrini坦言若然而家唔係一名歌手，可能便會成為一名銀行職員或編輯。

圖片來源 : IG@gwendolyn.spot

Serrini表示細個時，受父親影響，自小便接觸音樂，讀書時期已學習多種樂器，如電子琴、小提琴及長笛，從不斷嘗試及放棄囓過程中，更加確定自己對唱歌嘅熱誠，並有一份與生俱來嘅表演欲。如此熱愛音樂及表演，當然少不免會參加校內嘅唱歌比賽，直到大學時更開始萌生要自己寫歌俾自己參賽嘅念頭。Serrini喜歡音樂之餘，亦喜歡文字創作，因認為文字可表達自我，促進溝通，從創作之中可令自己達到理想狀態，因此大學時亦有嘗試寫詩放上網，卻只換來5個LIKE，不甘於此嘅Serrini，因此決心創作一首歌，作曲填詞演唱一手包辦，而此歌就係Serrini代表作之一嘅《蘇菲亞的波霸珍珠奶茶》，雖然歌詞內容搞鬼無厘頭，但卻受到不少網民喜歡，而作品嘅迴響亦令Serrini更加醉心音樂創作。

明星成長 ｜ 方皓玟入行初幾經波折 曾被退為幕後音樂人

用讀書克服挫敗 強大自我靈魂與信念

文學出身嘅Serrini，於社會外界上看似比具有專科知識嘅人輸蝕，但Serrini堅信無論讀咩科都好，其實只要識「做人」，讀咩科都唔會乞食，曾於訪問中直言：「最重要係你個人，做人重要過讀書。」文化底蘊極深嘅Serrini更經常鼓勵學習，除咗常掛在嘴邊嘅「讀多啲書，飲多啲水」，更於香港大學成立「梁嘉茵獎學金」，每年向最多五名修讀文學士課程本地學生，分別發放一萬元獎學金，可謂身體力行。

圖片來源 : IG@gwendolyn.spot

不過現年32歲嘅Serrini，即使於別人眼中係如此強悍無懼，但其實都係由挫敗與失望嘅經歷中跨過來。Serrini表示自己克服挫敗嘅方法係靠「讀書」，透過閱讀不同嘅人物傳記及故事，從中領略更多處世智慧及人生經驗，使內心變得平靜及強大，另外亦會透過音樂將負面情緒釋放或找朋友傾訴。Serrini表示30歲前嘅自己亦與其他人一樣，都有睇唔開嘅時候，亦有被人欺壓嘅時候，但每個經歷都令自已變得更加堅強，亦因為經歷過，而家嘅自己先會變得更加勇敢，更加美好。對於追求創作夢，Serrini認為除咗夠主動及夠勇敢，最緊要係識得保護自己，但終歸都係一句 : 「你要嘅野，你就去爭取。」

敢發夢，又敢唔敢追夢？有想法，要實現就要想辦法！

我哋邀請咗不同界別嘅嘉賓，9月3日同大家分享升學及就職出路嘅資訊，並以專業角度分析生涯規劃嘅重要及實踐方法，同場更有演藝及運動界別嘅年青KOL以過來人身份同大家分享追夢嘅心路歷程，費用全免！

立即登記及出席講座仲可以拎走《生涯規劃自學手冊》實體書，快啲約埋朋友仔一齊報名啦！活動詳情 : https://bit.ly/3BTxPfP

相關文章
明星成長 ｜ 岑寧兒為多位巨星唱和音出身 受盡賞識由幕後過度成正式歌手
明星成長 ｜ Tyson Yoshi 程浚彥自小被送英國學好英文 不求獎項堅持做獨立音樂
明星成長 ｜ 林家謙大專比賽時被一位歌手賞識 從此開啟音樂之路

The post 明星成長 ｜SERRINI 博士級學霸 大學便認定靠「創作」搵食 appeared first on 新城教育+.

唱作女歌手陳蕾，近年活躍於樂壇，更奪得多個女歌手獎項。而其實成就背後，陳蕾並不如一般歌手嘅星途般順利，曾幾經波折，由廣洲走到香港，17歲便離家追夢，遊走不同地區參加過各種各樣嘅歌唱比賽，亦曾與同路人組成公司卻諸多不順，掉進人生低谷。最後靠自己調整心態及疏導負面情緒，重拾寫歌樂趣，獲得樂迷認同。 

從廣州獨自來港追夢
曾多次與公司解約後加盟華納唱片

圖片來源 : IG@pantherchan

陳蕾生於廣州，為咗達成音樂夢，曾到不同地方參加歌唱比賽，2009年參加第一屆《亞洲星光大道》出道，更曾簽約亞洲電視，一心想做歌手，卻一直未有獲得市場認可及大眾關注，最後更變成娛樂記者，與夢想背離。後來陳蕾參加ONE OK ROCK比賽，獲日本經理人公司Amuse Music賞識，曾推出代表作《發燒》、《倒立》，可惜當時公司要求自己行文青路線，同時要求自己模仿其他歌手，而自己寫嘅歌亦冇被接納，發現公司同自己真正想做嘅嘢相反而決定與公司解約。2017年遇上同路人，並一起組成名為「自由意志」嘅獨立製作公司，推出代表作《出走》、《你快樂嗎》、《娛樂人生》，開始創作自己喜歡嘅音樂，於樂壇漸受關注，不過公司最後卻因無收入而不得已放棄獨立歌手身份，加盟華納唱片。

明星成長 ｜ 學霸莫文蔚因外公一件事 自小渴望做明星登上舞台

捱窮追夢獲鄧小巧幫忙
曾因疫情受負面情緒受困

陳蕾於訪問中曾表示，追夢過程中月薪試過只有四位數字，更試過買唔到30元嘅狗仔粉，亦一度未能交租，幸得當時透過TVB唱歌比賽出道嘅鄧小巧出手相助，一同合租元朗村屋才解決居住問題，更成為自己一位教單田唱歌嘅導師，表示非常感激鄧小巧於最困難時仗義幫忙，讓自己得已從低谷中過渡。

出道至今十多年，除咗經濟壓力，陳蕾亦經歷過創作冇靈感嘅困境，曾透露以往嘅靈感大多來自旅行，自疫情出現後，因常留於家中而失去創作靈感，一度懷疑自己作為歌手嘅資格，被負面情緒困擾，不過幸好呢種心情只維持咗一個星期，當思緒重整過後便企返起身 : 「我知道不可以這樣，這樣對自己沒幫助，靜下來地想一想，嗯，首先要找出為甚麼我會這樣，我怕甚麼呢？我怕這個世界不需要我，為甚麼呢？慢慢拆解自己。」

明星成長 ｜ 謝安琪棄做老師追夢做歌手 感激媽媽信任不阻撓

從逆境中啟發正念  相信一切是最好的安排

不過夢想全憑堅持而實現，而陳蕾亦都克服咗低迷嘅時期，走出困境，並開始從家人關係及身邊嘅經歷中獲取靈感，重新寫歌並重獲自信。面對壓力時，陳蕾有自己嘅減壓方法，如打機及購物。雖然陳蕾都會與其他人一樣，諗唔通時都會搵朋友傾訴，但卻從中發現問題始終都係要靠自己解決，更漸漸發覺並不能完全依賴別人，於是開啟咗睇書嘅興趣，從書本中吸取知識，為自己尋找答案及慰藉。

經歷過迷惘及失意期，陳蕾自言而家係一個心態不錯嘅人，更認為全因種種嘅經歷而獲得力量，才令現在嘅人生道路愈走愈順，更堅守 「相信一切是最好的安排」嘅信念，啟發正向思維。陳蕾曾於訪問中用過半杯水理論形容心態上嘅轉變，指當初因疫情減少工作極度擔憂，但而家卻擁有正向心態，對於半杯水嘅心態係「好彩，仲有半杯水」而非「死啦，得返半杯」，更稱 : 「我相信就算有很多東西失去了，也一定會有些新的東西發生。」

敢發夢，又敢唔敢追夢？有想法，要實現就要想辦法！

我哋邀請咗不同界別嘅嘉賓，9月3日同大家分享升學及就職出路嘅資訊，並以專業角度分析生涯規劃嘅重要及實踐方法，同場更有演藝及運動界別嘅年青KOL以過來人身份同大家分享追夢嘅心路歷程，費用全免！

立即登記及出席講座仲可以拎走《生涯規劃自學手冊》實體書，快啲約埋朋友仔一齊報名啦！活動詳情 : https://bit.ly/3BTxPfP

相關文章
明星成長 ｜ 朱千雪於演藝事業黃金時期 為追夢重返校園成大律師
明星成長 ｜ 彭秀慧由舞台走到電影 40歲無懼質疑初嚐導演滋味
明星成長 ｜ 方皓玟入行初幾經波折 曾被退為幕後音樂人

The post 明星成長 ｜ 陳蕾月薪曾得四位數 奮鬥十三年星途漸上軌道 appeared first on 新城教育+.

樂壇實力女唱將之一泳兒，出道16年，由清新情歌唱到暗黑風格，近年終憑《溝渠暢泳》於樂壇上再次得到認可，重新上台領獎背後經歷不少。入行至今，經歷過高高低低，因內斂性格不懂表達而娛樂圈失去自我，感到迷失，同時亦因媽媽中風而陷於人生低谷，曾想個放棄轉行，最終孤注一擲，透過歌曲《溝渠暢泳》唱出心聲，一改從前形像，於音樂路上重新出發。

一度於樂壇迷失自己
媽媽患病更感孤獨 低潮期想過轉行

泳兒自小與父母移居到新加坡，大學畢業後回港工作，當初因家人替自己報名參加英皇新秀歌唱大賽，於比賽中奪得亞軍及最佳型格獎而入行。泳兒一出道便因聲線亮麗，歌喉出眾而被受關注，其作品《感應》及《黛玉笑了》更大受歡迎，更橫掃多個新人獎，唱片亦大賣。初入行成績不俗，前途看似無可限量，但泳兒卻一直因內斂性格，不懂表達心中所想，變得許多事情都不能由心而發，需要依賴別人安排及作主，曾於訪問中表示當時許多訪問都係背，覺得自己「什麼都不是」，搵唔到自己定位，感到相當迷失，其中一首作品《四不像》所寫嘅就係當時泳兒嘅心情。

圖片來源 : IG@vincychan

後來歌曲成績亦無從前理想，事業開始出現樽頸位，身體亦有所不適，失聲及皮膚敏感，加上媽媽當時患上重病，需付上沉重醫藥費，無論事業或家庭都深受壓力。泳兒表示加上自己性格內斂，甚少表達內心感受，亦比較膽小，好多時只會站於一旁唔識打開話題，經常都會思考要如何與人溝通及好好表達自己，而感到孤獨。平時有心事會搵媽媽傾訴，自媽媽生病後便變得更收埋自己，更加拒絕與別人分享感受，甚至唔想踏出家門，工作結束後巴不得立即回家，情緒崩潰，經常失眠，一度想過轉行。

明星成長 ｜ 學霸莫文蔚因外公一件事 自小渴望做明星登上舞台

跳出舒適圈推出暗黑三部曲孤注一擲

不過自認性格倔強嘅泳兒最終決定咬實牙關，選擇繼續唱歌，重新起步，嘗試尋找不同方法解決失聲問題，同時亦會與朋友傾訴抒解壓力。為咗衝破困局，泳兒與一班樂隊合作，一改以往音樂風格，決定將負能量轉化成歌曲，跳出舒適圈走暗黑風，將自己嘅脆弱暴露於音樂中，更直言若然此改變最終仍然無法改變什麼，便等於走到事業終點，因結果反映觀眾嘅選擇，而並非自己放棄唱歌。由情歌轉到暗黑風格，需要很大嘅冒險，當時亦非所有人都看好泳兒嘅決定，但最後泳兒亦堅決跟隨自己嘅心，把心一橫決定走非主流曲風，推出暗黑三部曲，尤以《溝渠暢泳》、《所有遺失的東西》及《荊棘海》最受歡迎，更憑《溝渠暢泳》重新引起樂壇對泳兒嘅關注，新推出嘅歌曲成績非常好，為泳兒打咗一枝強心針，更令她重拾方向。

「置諸死地而後生」嘅做法並非人人都有勇氣做，而泳兒則完美試範為自己作主而改變嘅成功例子，對於如何能夠放低既有嘅成功模式，為自己開闢新一條康莊大道，泳兒曾於訪問中表示 : 「當你做改變，一定有人Say Yes，有人Say No，最終是自己決定。當你堅守自己所相信的去行，總會找到與你一起相信的人起初可能只有3個人相信，慢慢變成10個、20個、30個，成為一股力量，這正是《冰川》所說，走到最遠就找到靈魂相近的人。」泳兒坦言低潮期令自己學會許多，更學懂自愛，並且唔再介意被人看到自己脆弱嘅一面，亦懂得欣賞自己嘅好，以前性格較被動，但而家會將想法告訴別人並且邀請別人與自己一同實行，同時亦一直學習如何可以將自己嘅想法表達得更好。不過對於被動嘅人，泳兒獨有一套成功心法，認為進取有好多種形式，相信只要用心做好每一件事，努力及成果總會被人看見，而成功並不一定只有好進取、好Chur、好有野心嘅人先做得到。

敢發夢，又敢唔敢追夢？有想法，要實現就要想辦法！

我哋邀請咗不同界別嘅嘉賓，9月3日同大家分享升學及就職出路嘅資訊，並以專業角度分析生涯規劃嘅重要及實踐方法，同場更有演藝及運動界別嘅年青KOL以過來人身份同大家分享追夢嘅心路歷程，費用全免！

立即登記及出席講座仲可以拎走《生涯規劃自學手冊》實體書，快啲約埋朋友仔一齊報名啦！活動詳情 : https://bit.ly/3BTxPfP

明星成長 ｜ 謝安琪棄做老師追夢做歌手 感激媽媽信任不阻撓

相關文章
明星成長 ｜ 朱千雪於演藝事業黃金時期 為追夢重返校園成大律師
明星成長 ｜ 彭秀慧由舞台走到電影 40歲無懼質疑初嚐導演滋味
明星成長 ｜ 方皓玟入行初幾經波折 曾被退為幕後音樂人

The post 明星成長 ｜ 泳兒將負面情緒化成暗黑風音樂 《溝渠暢泳》唱出心聲重拾自我 appeared first on 新城教育+.

方皓玟近日與謝安琪舉行852 演唱會2022，獲得不少業界人士讚賞及好評。方皓玟入行22年，參加選拔賽入行，入行後卻遇上不少挫折，曾經歷過公司賣盤，亦曾經歷唱片公司合併而迫着轉變成幕後音樂人，直至加入小規模新公司，因創作自由度高而建立獨特嘅個人音樂風格，更先後推出多首熱播歌如《分手總約在雨天》、《假使世界原來不像你預期》及《你是你本身的傳奇》，奪取多個女歌手獎項。

圖片來源 : IG@charmainefong

生於單親家庭 曾到蘇格蘭讀書

方皓玟生於單親家庭，有一個妹妹，因媽媽需一人湊大兩女，經常因返工賺錢而讓女兒常寄宿於別人家庭，雖則方皓玟曾表示媽媽係人生嘅反面教材，唔鍾意媽媽過於貪玩嘅性格，但卻對媽媽又愛又恨，因同時亦欣賞媽媽嘅自我。不過方皓玟就坦言自己從前讀中學時每年都轉校一次，總共轉校四次，感謝媽媽相信自己當時嘅決定，而後來媽媽更支持方皓玟到蘇格蘭讀書，雖然最後亦因經濟問題而需要喺外國回流香港，但方皓玟亦表示明白媽媽一切嘅付出。

明星成長 ｜ 學霸莫文蔚因外公一件事 自小渴望做明星登上舞台

有線電視選拔賽出身 唱國語歌出身

方皓玟與其他學生一樣，小學都有做過《我的志願》嘅作文功課，但當時並無認真諗過自己嘅長大後嘅職業，因而有樣學樣跟同學一齊寫上「老師」或「律師」，直至中學才真正思考自己真正鍾意嘅事物，及想成為歌手嘅夢想。

直至1999年，方皓玟參加香港有線電視YMC台舉辦嘅VJ選拔賽，因而認識咗音樂人曾頌勤，並順利成章簽約唱片公司，可惜卻遇上公司賣盤，轉加盟新藝寶公司，被當時公司董事總經理黃柏高安排到台灣發展國語音樂，因此方皓玟便到台灣音樂學校寄宿，學習國語、填詞、樂器及肢體動作等，更因此而愛上音樂創作，並開始為自己嘅歌曲填詞，2002年終以唱作人身分於台灣推出專輯，更被封為孫燕姿接班人。不過好景不常，唱片公司又合併加上約滿，方皓玟便開始全力當任音樂幕後創作者嘅角色，並於此期間替其他歌手創作音樂，2006年轉投東亞唱片旗下。

明星成長 ｜ 謝安琪棄做老師追夢做歌手 感激媽媽信任不阻撓

轉投新公司創作個格大變 歌曲熱播樂壇

直至2010年，方皓玟離開大公司，轉投一間規模較小嘅音樂公司Strawberry Fields，雖然新公司規模較小，卻因創作自由度高而令方皓玟創出更具個人特色嘅音樂，更開始推出多首熱播歌曲，如《分手總約在雨天》、《假使世界原來不像你預期》及《你是你本身的傳奇》等，奪得多個樂壇獎項，音樂實力有目共睹，其後更有機會登上紅館舉行《方皓玟LOST n FOUND演唱會》，不過演唱會因當時疫情爆發而被迫一改再改，經過三度延期後終於喺2021年8月舉行。

入行22年，經歷幾番波折，方皓玟因為失去而成長，曾於訪問中表示：「我也慶幸自己不是一直以來都順風順水，畢竟沒有經歷，沒有高低的人生，其實是 nothing，我們應該要擁抱每一個困難。」方皓玟嘅音樂事業背後，由一出道起到現在經歷過不少障礙，低潮期間，方皓玟亦無忘入行初衷，專心一意做自己喜歡嘅音樂。

香港做音樂的確唔容易，每一個成功嘅音樂人背後都經歷過低迷期，不過經歷會讓人成長，失去會讓人學懂珍惜，對於正處於低潮嘅年青人，方皓玟表示：「不如意的事情居多，我希望年輕人面對困難時不要輕易絕望、灰心，因為生命的過程，每活多一秒，你就會有多一個轉機，那是一件持續性的事。所以在遇見困難時，不要太灰心、絕望，繼續向前走就會找到下一個出口。」

相關文章
明星成長 ｜ 馮盈盈零經濟及商科底成功考獲CFA Level 1 當年DSE 28分入港大
明星成長 ｜ 朱千雪於演藝事業黃金時期 為追夢重返校園成大律師
明星成長 ｜ 彭秀慧由舞台走到電影 40歲無懼質疑初嚐導演滋味

The post 明星成長 ｜ 方皓玟入行初幾經波折 曾被退為幕後音樂人 appeared first on 新城教育+.

其實本港都有不少學校能培訓到成就不凡嘅人才，今次一於盤點香港學霸女星嘅學歷及就讀嘅本港中學，其中更有三所為全香港學術成績經常排名Top 3嘅傳統名校，如拔萃女書院及聖保祿學校！

拔萃女書院

莫文蔚

圖片來源：IG@mokabyebaby

莫文蔚中小學都係就讀拔萃女書院，讀書時除咗成功優秀，仲參加好多課外活動，係田徑隊嘅選手，當年會考考獲3A，曾被頒發「香港傑出學生獎」，代表過香港到日文作文化交流。後來獲得獎學金到意大利升學，大學時更前往英國倫敦大學皇家哈洛威學院主修意大利語和意大利文學，學歷背景非常特色！

明星成長 ｜ 學霸莫文蔚因外公一件事 自小渴望做明星登上舞台

麥明詩

麥明詩中小學都係就讀拔萃女書院，香港中學會考取得10A，成為學校當年其中一位狀元。會考後麥明詩更獲英國克羅索恩的威靈頓公學取錄，所以便決定到英國升學，畢業後更成功升讀劍橋大學修讀法律系，並以法律學學士學位二級榮譽畢業。

拔萃女書院

拔萃女書院為香港歷史最悠久的聖公會女校之一，亦為拔萃女小學的一條龍升上的中學。拔萃女書院以直資學校模式運作，以英語為教學語言，為香港女名校之一，公開試成績更長駐香港中學排名三甲，學術、音樂及體育多方面均有卓越成就。

地址：九龍官涌佐敦道1號

聖保羅男女中學

沈殷怡  

VIUTV 女神沈殷怡就讀嘅中學及小學都係名校，分別係聖保羅男女中學及香港聖士提反女子中學附屬小學，當年文憑試考獲4科5**、1科5及1科4嘅成績，以全額獎學金升讀上海復旦大學法律系，畢業後回到香港再修讀香港中文大學法學碩士，學歷相當高！

張寶兒

曾參與香港小姐嘅張寶兒，中學就讀聖保羅男女中學，當年會考取得25分，後來到英國升學，入讀英格蘭西部的協和學院，並以2A*1A嘅優異成績完成英國高考課程。大學時就讀倫敦大學學院，主修人文地理，隨後更報讀賓夕法尼亞大學沃頓商學院工嘅商管理課程，大學畢業後曾擔任盛世廣告數碼項目經理及李錦記健康產品集團產品發展經理，無論係學業或事業都有突出嘅表現。

聖保羅男女中學

聖保羅男女中學是由香港聖公會創辦的男女英文中學，為香港傳統名校，並是聖保羅男女中學附屬小學的一條龍中學。聖保羅男女中學於學術成績、音樂、體育方面成就非凡。根據過往學校公開試成績統計，於 2012年至2021年期間，學校出產的文憑考試狀元總數為全港最高。

地址：香港島中西區中環中半山麥當勞道33號

明星成長 ｜ 加拿大為港姐留學熱門地

聖保祿學校

張燊悅

張燊悅中學就讀女名校聖保祿學校，中學畢業後更入讀香港大學法律系，大學畢業結婚生子後更考入港大環境管理理學碩士學位，係演藝圈中公認才女。

聖保祿學校

聖保祿學校，由天主教開辦，為香港補助學校議會22所補助學校之一，是香港一家女子學校。學校常在校際音樂，朗誦節及田徑比賽等比賽贏取獎項，學費每年約$27500，全港排名3，灣仔區排名1，直資排名3。（參考https://www.bookofschool.com/hk/bos/main.html）

地址：香港香港島灣仔區銅鑼灣禮頓道

寶血會上智英文書院

馮盈盈

馮盈盈中學就讀石硤尾寶血會上智英文書院，係首屆文憑試考生，五科合共考獲共28分，其中英文及通識更取得5*佳績，最終入讀香港大學營養學。最近馮盈盈更宣佈成功考獲CFA Level 1考試 (金融投資從業者專業資格認證），對於零經濟學及商科底嘅考生嚟講，能夠合格的確非常厲害！

寶血會上智英文書院

寶血會上智英文書院是香港深水埗區石硤尾的一所天主教第一組別女子中學，更屬區內名校之一，該校以英文為教學語言。根據該校的公開試成績，其文憑試成績評估出來亦係全港中學排名之中位居13-22名之間（參考https://dse.bigexam.hk），成績相當不俗。

地址：香港島中西區中環中半山麥當勞道33號

相關文章
明星成長 ｜ 馮盈盈零經濟及商科底成功考獲CFA Level 1 當年DSE 28分入港大
明星成長 ｜ 朱千雪於演藝事業黃金時期 為追夢重返校園成大律師
明星成長 ｜ 陳凱琳憑正面形象成功轉型為收入8位數KOL

The post 明星成長 ｜ 盤點六位香港女星就讀的香港名校 appeared first on 新城教育+.

身兼創作歌手及演員身份的麗英，憑着「全死角美少女」嘅稱號為大眾留下深刻印象。麗英參與網絡頻道《小薯茄》幕前為人所識，除咗鬼馬可愛嘅性格同演技，更有滿滿嘅音樂才華，曾推出多首網絡熱播歌，如《明明單身最開心》、《矮妹正傳》、《東京一轉》等。

明星成長 ｜ 姜濤對中學回憶感遺憾 望30歲似發哥過生活

因數碼暴龍與音樂結緣

麗英與音樂結緣一切源於日本動漫，由於小時候鍾意聽日本動畫《數碼暴龍》嘅主題曲而開始迷上音樂，中學時更因想模仿日本偶像YUI而決心學結他自彈自唱，求學時期亦參與過合唱團及校內歌唱比賽，均試過奪取冠軍，加強麗英喺音樂方面嘅信心，更參加過中學劇社，由一次協助班際比賽作歌，從此開啟咗音樂創作之路。

圖片來源 : IG@laiyingdesu

明星成長 ｜ 湯令山Gareth受媽媽影響自小迷上音樂 海外留學拓展音樂領域

受邀加入 《小薯茄》 享受創作每一刻

不過雖然麗英鍾意唱歌，但因為未夠信心，中學畢業後選擇咗發展另一個興趣，就係演戲，因為想成為演員而選讀大學電影系，後來因為參與過VIUTV《教束》，而認識《小薯茄》成員之一嘅程人富，程人富因欣賞麗英嘅喜劇演員特質，而主動邀請麗英加入《小薯茄》。加入《小薯茄》時其實麗英仲讀緊書，學業及夢想同時發展，不過當時已得到不少拍網片同做戲嘅機會，更稱好享受與同事一齊搞笑及創作嘅過程，所以並無感到很大壓力。後來更喺公司鼓勵下發展音樂，推出第一首歌《明明單身最開心》，更開始創作歌曲，成為演員之餘，同時兼具歌手身份。作為新一代嘅年輕音樂創作人，麗英鼓勵不少想做音樂嘅新人，可先考慮由網絡出發，做自己鍾意嘅音樂，更表示要學會虛心接受意見，但同時亦要學會不要太在意惡意嘅評擊。麗英表示非常感恩能夠有一個平台讓自己自由創作，覺得經已比其他人幸運。

明星成長 ｜ 拉丁舞王子邱傲然以「下弦」自稱出席鮮浪潮頒獎禮

擔當陪伴的角色 做一個令人開心的人

對於夢想，其實麗英都有一個小小心願，就係想透過拍戲、唱歌嘅形式一直陪伴大家，曾於訪問中表示 : 「我回想自己一直做音樂，都是想做一個令人開心的人。我想跟歌迷說的是，這裡有個人會陪著你，不論我做音樂也好、拍小薯茄的片也好，希望大家知道，如果你不開心，是有一班人陪你不開心。開心也好，都有班人陪你開心。所以我想，我不單在網上是個創作者，我還是個陪伴的角色。」問到家人是否支持入行，麗英表示家人並無反對，並稱媽媽能夠接受新嘢，並有同自己提及別人有睇過自己拍嘅片，認為家人唔反對就經已當支持了。

相關文章:

明星成長 ｜ 岑寧兒為多位巨星唱和音出身 受盡賞識由幕後過度成正式歌手
明星成長 ｜ 衛蘭自小被安排唱歌工作 放棄英國升學成遺憾
明星成長 ｜ 魏浚笙Jeffrey試鏡被笑肥 決心減肥瘦身變型男

The post 明星成長 ｜ 麗英拍《教束》受賞識 加入小薯茄演員歌手雙發展 appeared first on 新城教育+.