唱和音出身嘅岑寧兒YoYo，昨日終完結一連四場嘅個人音樂會《Home is …》，尾場更邀得好友林家謙一同合唱《聽風》。出身於演藝世家嘅YoYo，雖然係星二代，並擁有厚實嘅音樂底蘊，但為人一向保持低調，專心一致醉心於自己嘅音樂世界。

出道19年，現年40歲嘅薛凱琪，成立個人工作室，發展個人事業，將事業領域再拓展得更廣。不過Fiona喺歌影視當紅時都曾患過抑鬱並想過自殺，最終幸得圈內及圈外好友嘅扶持及重整心態，終走出內心陰霾。

關心妍（Jade）入行20年，最近於紅館舉行演唱會。入行至今，Jade表示經歷過許多低潮與風波，但慶幸自己喺人生早期已嚐過甜酸苦辣，如今自覺人生滿足，並擁有一個溫馨家庭，更建立咗一套育兒之道。演唱會中，更公開談及對父親嘅感受，表示從爸爸離開一事中學會原諒及珍惜眼前人。

近年於電影圈努力拼搏嘅鄧麗欣Stephy出席於張敬軒演唱會中，表示是次演出提醒自己其實都係一位女歌手，Stephy以女子組合Cookies出道，期後單飛發展，因發現歌手之路唔適合自己，後轉攻女演員之路，更憑《空手道》奪得香港電影評論學會頒發「最佳女演員獎」。

衛蘭Janice踏入40歲，相隔4年，再踩上紅館開演唱會，自細讀書成績一般，家景清窮，但因為受到爸爸自小嘅音樂影響， 16歲時便成為歌手，因經濟困難被迫放棄到英國升學，後以歌手為夢想，於香港出道以來推出多首熱播歌。

近日上映被大獲好評嘅 《神奇女俠玩救宇宙》，女主角楊紫瓊於戲中大展武打技藝之外，更配以盞鬼又真摯嘅情感演出，可謂其一大突破及挑戰。而其實現實中嘅楊紫瓊，好打得嘅背後蘊含着精湛嘅舞蹈底子，從影多年曾因婚姻而息影，多年來歷劫辛酸，經歷過人生高低。

謝安琪音樂路雖然看似一帆風順，但其實過程中亦經過不少辛酸，由原本可賺取穩定收入嘅老師，轉行成為歌手，出道初期更要「捱窮」過日子，由入行到現在，一切得來不易。

王菀之Ivana除咗係一位出色嘅音樂創作人，其實亦係一位藝術家，近年開辦咗首個裝置藝術展，出自Ivana手嘅音樂作品更有不少係圍繞藝術主題。Ivana 自小對藝術作品敏感，亦喜歡創作，其中一個觸發點更是來自於媽媽愛好寫詩嘅習慣。

香港樂壇唱得之人李幸倪Gin Lee 從馬來西亞隻手走到香港追尋歌手之夢，經歷高低起伏，現已成為一位得到認可嘅女歌手，更推出多首熱播歌。Gin Lee唱功了得應該無人質疑，但作為馬來西亞嘅一名女子，決心離鄉別井，獨自前往香港發展，背後亦下咗好大苦功！