年僅17歲嘅馮皓揚 (羊羊) 憑《媽媽的神奇小子》中飾演少年版蘇樺偉，奪得最佳男配角。17歲應係今年DSE嘅考生，原本就讀名校中學，因為決心追逐演員夢，羊羊決定輟學拍戲實現夢想。羊羊自小患有亞氏保加症及過度活躍症，但無礙追夢。
明星成長
謝賢成為香港史上最年長演員奪得《第40屆香港電影金像獎》最佳男主角，現年85歲，從影接近70年，昨日憑電影《殺出個黃昏》成功封影帝，獲得全場站立拍掌祝賀。謝賢16歲便入行，60年代更係電影界嘅一線巨星，早於2019年更獲金像獎頒發終身成就獎
身兼創作歌手及演員身份的麗英，憑着「全死角美少女」嘅稱號為大眾留下深刻印象。麗英參與網絡頻道《小薯茄》幕前為人所識，除咗鬼馬可愛嘅性格同演技，更有滿滿嘅音樂才華，曾推出多首網絡熱播歌，如《明明單身最開心》、《矮妹正傳》、《東京一轉》等。
VIUTV新劇《I SWIM》正式開播，節目中有多位出眾型男，除咗有MIRROR成員，其中跑出嘅型男有魏浚笙（Jeffrey），Jeffrey年僅24歲，拍此劇前憑節目《調教你男友》一炮而紅，外表散出混血王子嘅冷酷，但其實心裡也有調皮多言嘅一面，而且小時候更係一名肥仔，經過努力操練才成為而家嘅肌肉型男。
湯令山Gareth憑着廣東歌《勁浪漫 超溫馨》一曲正式入屋，不過創作此作品前，其實Gareth創作嘅大量作品都係以英文為主，另外更有幫MIRROR成員姜濤創作歌曲。Gareth現時只有22歲，音樂才華已得到不少樂壇前輩認可，全因自小已認清音樂目標，擁有熱誠同時努力讚研，創作大量反映自我嘅音樂作品。
港姐馮盈盈近日公佈成功考獲CFA Level 1考試(金融投資從業者專業資格認證）嘅消息，並感謝爸爸嘅全力支持。馮盈盈當年為第一年DSE考生，並考得28分佳績，成功入讀港大食品及營養學系，畢業後選港姐入行，參與拍劇主持等工作，曾因批評及工作壓力而導致情緒不穩。
提到影視圈近年出錢又出力嘅莫過於古天樂，除咗本身演藝成就獲得肯定，更創立天下一電影娛樂有限公司，並投資多套香港電影，其中如近年嘅熱門電影《逆流大叔》、《媽媽的神奇小子》及《梅艷芳》，可見古天樂於影視界嘅貢獻實在不遺餘力。
MIRROR成員之一楊樂文Lokman既係團隊中嘅舞蹈擔當，更係隊長，當時於《全民造星》以大熱姿態獲得季軍，但其實Lokman 早於2013年已參與電影《狂舞派》嘅演出。Lokman熱愛舞蹈眾所周知，但其實為咗追尋跳舞夢，背後唔單止經過一段低收入嘅時期，更曾承受父母嘅反對，更兩度放棄學業。
創作歌手江海迦AGA入行前曾為空姐，後來因一次機緣巧合下認識音樂監製舒文而正式入行，更推出多首熱播歌曲，曾獲得多個音樂獎項，不過看似一帆風順嘅背後，其實AGA亦曾經歷過賣不出DEMO嘅辛酸，辭職成為歌手後亦面對姐姐患癌症離世嘅痛楚
有被稱為「香江四大才子」之一及傳著名科幻小說作家—倪匡於7月3日離世，享年87歲。倪匡創作出超過四百部劇本，代表作包括《獨臂刀》、《少林卅六房》及《少林搭棚大師》等，其中《衛斯理》系列更係著名小說系列之一。2012年更獲香港電影金像獎頒發終身成就獎。
