憑「貼地」、「大膽」言行舉止出位嘅港姐馮盈盈，近日於社交媒體上公佈成功考獲CFA Level 1考試(金融投資從業者專業資格認證）嘅消息，更自稱零經濟及商科底，能夠合格係一個奇蹟，並感謝爸爸嘅全力支持。馮盈盈當年為第一年DSE考生，並考得28分佳績，成功入讀心儀科目港大食品及營養學系，畢業後選港姐入行，參與拍劇主持等工作，曾因批評及工作壓力而導致情緒不穩。
明星成長 ｜ 姜濤對中學回憶感遺憾 望30歲似發哥過生活
細個有夢想成為營養師/港姐
馮盈盈係首屆文憑試考生，當年最好成績5科合計共得28分，順便入讀香港大學食品及營養學系，而呢個學科都係馮盈盈嘅心儀學科，曾於訪問中透露，因為弟弟患有慢性腎炎，自小需於飲食方面受到特別照料，並需嚴格控制飲食，所以由細到大都認為飲食習慣對家人健康非常重要，加上自己鍾意食嘢，所以一早便立志入讀香港大學食品及營養學系，成為一名註冊營養師。
圖片來源 : IG@crystalfyy
大學時期，馮盈盈已參與不少模特兒嘅工作，更曾於TVB節目中講過 : 「我都係想出名嘅，即係都想有好多人認識我。」2016年便參選香港小姐，並奪取冠軍，其中嘅參選原因係因為希望自己做到一件出人頭地嘅事以令爸爸感到驕傲，最終當年馮盈盈憑大熱姿態獲得冠軍。
明星成長 ｜ 陳法拉30歲跳出舒適圈 赴美國修讀戲劇碩士課程
表面開朗 內心脆弱
曾拍劇壓力太大片場大喊
後來馮盈盈加入無線，並正式入行演藝界，擔任主持，甚至電視劇女主角，不過初期卻受到不少輿論及批評，試過被導演開咪訓示演技，亦被觀眾批評懶音問題，更曾參加鄭丹瑞主理嘅演技訓練班時被斥責冇認真思考。最受打擊嘅時期，馮盈盈曾試過因為拍劇壓力太大，而返到屋企爆喊，並指自己於幕前經常表現得好開朗，但每次拍完劇便會給予自己壓力，覺得自己冇做好，當自己情緒爆發時，更試過喺片場拍攝期間喊，加上以前經常收埋自己，喺家人面前報喜不報憂，令自己更加抑壓。
家庭方面，馮盈盈曾於訪問中直言爸爸自小非常縱容自己，給予相當大嘅自由度，同時亦非常擔心自己，家人嘅關懷及支持，令馮盈盈認為更要堅強，並鞭策自己更加努力，不能愧對父母。後來為咗更加進步，馮盈盈跟言語治療師改善懶音，並參加演技訓練班，表示 : 「演戲是比較主觀的事，好難要全世界都認同，而我由始至終都沒有想過要大眾百分百讚賞，只想爭取多一點認同，所以才會下一點苦功。演技訓練有很多功課是透過影片呈現的，有時跟工作撞期了，我要特地早一點起床或等到收工去拍，多多少少有額外的付出。課程不是強勢性，就算退出亦未必會有指責人，但這就是對自己的一個交代，因為真心想改善問題。」
明星成長 ｜ 朱千雪於演藝事業黃金時期 為追夢重返校園成大律師
零於零經濟學及商科底成功考獲CFA Level 1
演藝以外，近日馮盈盈宣佈成功考獲CFA Level 1考試 (金融投資從業者專業資格認證），並於社交媒體透露自己上半年為咗呢個考試而努力準備，對於零經濟學及商科底嘅考生嚟講，能夠合格的確非常厲害，因為CFA協會近日最新公布5月份CFA一級考試合格率僅為38%，並且此考試更係美國以及全世界公認金融證券業中最高認證嘅資格，難度甚高。外界揣測馮盈盈或有意轉行，但無論如何，都可見馮盈盈嘅學習精神及自我增值嘅表現。
2022 DSE文憑試即將放榜，馮盈盈曾以過來人嘅身份鼓勵DSE考生 : 「其實一時的成績沒那麼重要，最重要還是不要放棄自己，我們還年輕，人生漫漫長路，後面總有精彩的際遇等著我們。」的確即使當年馮盈盈如願考入心儀學科，但大學畢業後便迎來總總挑戰，入行後更受過不少打擊及批評，全靠不斷裝備自己，自我增值才克服挫折，繼續找尋屬於自己嘅人生道路。
相關文章:
明星成長 ｜ 岑寧兒為多位巨星唱和音出身 受盡賞識由幕後過度成正式歌手
明星成長 ｜ 衛蘭自小被安排唱歌工作 放棄英國升學成遺憾
明星成長 ｜ 李佳芯怕悶唔做Office工 成為視后前曾9個月冇工開
