水墨畫好似好古老？第二屆水墨藝術節將於12 月 16 日至 31 日喺香港故宮文化博物館舉行，設有互動水墨藝術體驗、沉浸式水墨動畫投影，以及多個水墨藝術工作坊等免費活動，年輕一代可以對呢項中華文化藝術加深興趣，呢個聖誕長假期不愁地方玩啦！
科技融入水墨藝術
水墨藝術節有好多精彩豐富節目，將科技融入水墨藝術，提供多種別出心裁嘅互動體驗，加深觀眾對水墨藝術嘅欣賞。其中「2023 年大華銀行年度水墨藝術大獎」得獎展覽，展出作品涵蓋抽象、山水風景或具象類別，創作技法多元，展現豐富而深遠嘅意境；部份作品同時配以擴增實境（AR）技術展示，增添互動體驗樂趣。
互動藝術裝置
焦點活動「墨幻遊蹤」互動水墨體驗區，展示三組引人入勝嘅互動藝術裝置。參觀者可以輸入文字內容，內容將轉化成摩斯密碼呈現出來，夠晒特別！另一焦點是互動數碼裝置《辭海》俾大家感受「文字」如何能夠引發想像並重新詮釋水墨藝術。
週末好去處 ｜環保概念之旅免費遊 4D電影+玩AR/VR遊戲+導覽
多位香港藝術家在藝術節帶領一系列水墨藝術工作坊，內容涵蓋傳統水墨、現代山水、抽象水墨、中國傳統青花瓷工筆畫、古典山水小品等，當中特設教師專場，提供水墨藝術學習體驗。兩位水墨藝術家徐沛之博士和邱榮豐亦開放其工作室俾公眾參觀，參加者有機會睇下佢哋嘅創作空間，想對水墨藝術有多啲認識，記得留意日子參加啦。
