科學家普遍認為黑洞存在，黑洞究竟係咩呢？香港太空館推出全新免費專題展覽「黑洞──信息的盡頭」，大家可體驗模擬掉進黑洞嘅過程，親子一起探索黑洞箇中奧妙之處，學習天文和科學知識。
助解開宇宙最深層奧秘
科學家早喺200多年前便提出黑洞嘅概念，佢哋認為黑洞嘅重力場強大到連光線都無法逃離，但一直無法達成共識。經過數十年嘅研究，科學家終於找到確實證據證明黑洞嘅存在，令佢哋驚訝嘅係，黑洞不但對宇宙嘅演化起關鍵作用，亦有助人類解開宇宙最深層奧秘。
介紹黑洞誕生與滅亡
展覽分為七個唔同區域，介紹研究黑洞嘅歷史、撲朔迷離嘅結構和特性、奇異嘅誕生與滅亡過程，亦可認識本地學者最新嘅科學研究。
週末好去處 ｜環保概念之旅免費遊 4D電影+玩AR/VR遊戲+導覽
多個有趣互動展品
展覽透過有趣嘅互動展品，大家可親身體驗模擬掉進黑洞嘅過程、聆聽由黑洞重力波轉化而成嘅奇幻聲音、透過立體拼圖了解拍攝黑洞照片嘅技術、認識探測重力波嘅科學原理等，仲會探究黑洞信息悖論，以及探討人類利用黑洞作為新資源嘅可能性。
當中有一個展品係根據真實數據製作的模擬黑洞，大家可以感受黑洞嘅溫度、質量和大小差別。
助理館長現身動畫短片
除咗展覽，香港太空館網頁製作黑洞問答，用簡短文章同大家解釋有關黑洞嘅問題，例如「黑洞係一個洞嗎？」、「甚麼是白洞」，年紀大少少嘅小朋友可以了解一下。
網頁仲有短片《探索科學101 ─ 太空智能搜索隊》，香港太空館助理館長洗凱敏深入淺出闡釋黑洞科學，以及物質跌入黑洞的最終結局，同樣啱小朋友睇。
香港太空館亦會推出黑洞有關嘅天文電影和講座，有興趣可瀏覽該館網頁。
「黑洞──信息的盡頭」題展覽
日期：即日至2024年5月27日
地點：九龍尖沙咀梳士巴利道十號香港太空館大堂
費用：免費入場
查詢：2721 0226
更多相關文章
週末好去處 ｜屯門室內遊樂場「百田樂園」新店玩後報告
週末好去處 ｜ 精選5大免費STEM兒童探知好去處
週末好去處｜親子上動物工作坊學STREAM 製作手工教具+科學小實驗+玩AR遊戲
