3年疫情令大家少咗夜出，政府推出「香港夜繽紛」活動，涵蓋娛樂、藝術、文化、消費等唔同主題，唔單止適合大人，連小朋友、家庭都啱，當中包括海洋公園夜探動植物、夜遊博物館等，一家人夜繽紛。
橫跨至2024年初
「香港夜繽紛」由中秋節起，橫跨國慶、萬聖節、聖誕節、新年，至2024年年初，適合不同年齡人士。一齊睇下有咩啱小朋友/親子啦。
文化藝術體驗
- 戲院推出夜場購票優惠，一家人睇戲更平。
- 香港藝術館、香港科學館及香港太空館將帶來博物館夜遊體驗，並喺星期五、六、日及公眾假期延長開放時間至晚上 10 時。香港科學館將舉行「科普遊樂園」，設有唔同攤位遊戲，大家可以製作趣味小手工或親身嘗試唔同嘅科學實驗，感受科學趣味。香港太空館將化身成「星空遊樂園」，大家可喺天台用天文望遠鏡觀賞維港星光，仲可以喺展覽廳參與遊戲，認識天文知識。太空館天象廳會喺每個特別延長開放嘅晚上加開天象電影節目。
- 西九文化區 M+推出「M+夜不同」喺晚間舉行博物館夜間展廳活動和工作坊。
- 大館於未來六個月舉辦各項晚間表演及藝術展覽。
海濱休閒體驗
海濱場地將舉行一系列活動，包括美食和手信攤位、音樂演出、無人機表演、藝術廊展覽及電影放映等，一家人可以喺維港夜景下，享受唔同精彩晚間活動。
大自然體驗
海洋公園於黃昏時間舉行「夜趣自然遊蹤」，保育大使會帶領夜遊自然生態徑，俾參加者發掘園內唔同動植物晚間生態，了解香港生物多樣性。
節日體驗
- 兩大主題樂園分別舉辦萬聖節限定活動。海洋公園於哈囉喂全園祭活動舉行期間，入場人士可在園區暢玩至晚上7時。在「日連夜驚嚇體驗」日子（即10月13至15日、20至23日、27至29日及31日），公園開放時間將延長至晚上11時；香港迪士尼樂園即日至10月31日推出Disney Halloween Time 萬聖節活動，包括萬聖節主題表演和賓客體驗、限定餐飲和主題精品，以及節慶限定酒店主題房間佈置及體驗活動。
- 西九文化區的香港繽紛冬日巡禮將設置巨型戶外聖誕樹。香港旅遊發展局將舉行戶外倒數活動，以璀璨煙花迎接 2024 年的來臨。
- 2024年農曆新年全港15個年宵市場將復辦乾貨攤位，預料約1500攤位售賣年花、飾物、小食等。維園將設置特色攤位。年初一晚上亦將復辦戶外花車巡遊。年宵市場首三日會開放至午夜12時，而第四至六日則開放至翌日凌晨/清晨。
多元娛樂體驗
- 超過 80 個商場舉辦不同文化體育節目和室外夜間市集，並推出餐飲及消費優惠，以及為配合夜間活動延長營業時間。蘭桂坊協會逾百會員食肆及酒吧推出優惠。
- 市民逢周三晚可免費進入跑馬地馬場公眾席，享受活力澎湃的「快活星期三」，享受一系列主題表演、啤酒園和美味佳餚。
週末好去處 ｜環保概念之旅免費遊 4D電影+玩AR/VR遊戲+導覽
- 港鐵推出「玩夜啲 賞你搭」優惠，乘客使用已連結MTR Mobile賬戶的成人八達通，於推廣期內乘搭重鐵、輕鐵或港鐵巴士每滿五次晚間車程（晚上10時30分後出閘）， 即可獲得1次免費本地車程獎賞。每位乘客於推廣期內最多可獲得4次免費車程。
- 九巴指定通宵路線乘車優惠，成人、學生或小童乘客以八達通卡或電子支付方式於特定日子乘搭指定通宵路線的九巴班次，可享七五折優惠。
- 香港旅遊發展局向旅客派發「香港夜饗樂」優惠券，以及提供開篷巴士夜遊特別優惠。
