中秋節係一家人團圓日子，除咗食月餅和賞月外，全港有多個市集喺中秋前後舉行，唔單只俾大家購買應節食品和手作，仲有工作坊、攤位遊戲、 漢服體驗，以及打卡靚位，絕對係夜繽紛！即刻睇下精選推介。
1.中秋花燈粵圓夜市集、第一屆饒館花燈節暨饒館開放日2023
饒宗頤文化館喺今年中秋節舉辦一年一度嘅開放日，除咗有中秋花燈手作市集、粵語主題展覽和特色工作坊之外，現場更有「旗袍即日租借體驗」，大家到時可以穿住旗袍在古蹟打卡行市集，倍添節日氣氛。
為咗俾大家深入了解饒館百年歷史，仲有開放日特別版導賞，介紹饒公和饒館歷史外，更會帶大家到平日不對外開放嘅後山，大家可親身到訪古渡口及地界碑原址，以實地嘅方式感受歷史。
日期及時間；9月29日下午4:00至晚上10:00；
9月30日至10月1日下午1:00至晚上8:00；
10月2日下午1:00至晚上7:00；
地點：饒宗頤文化館
2.中秋More「天輪」樂市集
中秋節最啱享受天倫之樂，有咩貼切得過係摩天輪下享受天倫樂呢？今次中秋More天倫樂嘉年華會有市集區及中秋熟食區。屆時仲會有花燈會、中秋特式攤位遊戲、 漢服或旗袍打卡區、音樂會等，大家可以同埋家人朋友望住維多利亞港，一齊賞月追月！
日期：2023年9月29日-10月2日
時間：15:00-22:00
地點：香港摩天輪 AIA VITALITY PARK （地址：香港中環民光街33號）
3.堅農中秋夜市暨K-Fest海濱音樂會
呢個活動由發展局及草圖文化聯辦、SlainteHK協辦，一連四日「堅農中秋夜市」節目豐富：有超過60個美食和產品攤檔，還有免費小吃、遊戲、手作工作坊，食、玩、買一應俱全，支持本地夜經濟! K-Fest有多支本地樂隊，演奏多種風格嘅音樂，好啱家庭喺海風下欣賞唔同音樂作品；仲有多個靚靚打卡位！
日期：2023年9月29日-10月2日
時間：15:00-23:00
地點：堅尼地城卑路乍灣海濱長廊
4.今晚賞月夜唔夜｜懷舊中秋市集
近年香港流行講集體回憶，呢個充滿香港懷舊中秋氣氛嘅「今晚賞月夜唔夜」市集，由香港插畫師設計中秋慶典，結集本地手作品牌，亦有中秋市集限定紀念品，中秋燈籠工作坊及中秋願望區，大家可寫低中秋願望，猶如置身小時候嘅中秋節。
日期：2023年9月30日-10月2日
時間：13:00-20:00
地點：Ocean Popwalk海天晉滙 G/F(室外)
地址：香港將軍澳唐俊街28號
5.GUDETAMA 10th Anniversary梳乎中秋市集Circus Media
今年係梳乎蛋誕生十週年，將會「破餅滑出」同大家送上中秋祝福。接近2米高嘅梳乎蛋巨型月亮將亮相商場，場內擺設超過1米高嘅「巨型梳乎蛋造型燈籠」以及由20個發光造型小燈籠組成嘅燈籠牆，吸引粉絲打卡合照。
市集雲集多達60個食品品牌發售各式中秋應節食物，週末更會延長營業時間，晚上9時起更會推出多個限時激筍優惠，顧客只需於晚上7時後於商場內作任何消費，即可以HK$1購買鮑魚、迷你月餅、雪花酥禮盒、芒果糯米糍等每日100件至抵價中秋食品及甜品，「月夜」越精彩 ！
日期及時間：即日至9月29日，上午11時至晚上9時（逢周六日延長至晚上9時30分）
地點：屯門市廣場1樓中央廣場
更多相關文章
週末好去處 ｜香港故宮文化博物館懶人包
週末好去處 ｜新界九龍區四大兒童室內遊樂場玩後報告
