有咩開心得過可以從遊戲中學習？估唔到嚟到暑假尾聲仲有得玩！ LEGO®首次舉辦 DUPLO Academy 親子免費體驗學堂，邀請註冊遊戲治療師利用顆粒開發小朋友大腦「快思慢想」 ，全面提升溝通情商能力、邏輯思維及自我意識。唔只小朋友可以邊玩邊學，家長亦可從課堂中學會引導孩子學習及親子溝通嘅實用技巧，無論大人細路都啱玩！
LEGO®首次舉辦 DUPLO Academy 親子體驗學堂
開發孩子大腦「快思慢想」
LEGO® DUPLO Academy親子體驗學堂以「快思慢想」為主題，邀請註冊遊戲治療師謝姑娘Phoebe作為活動講師，引導家長及孩子利用LEGO® DUPLO各種嘅玩具特性，啟發小朋友嘅表達能力、溝通能力、邏輯思考及情商。課堂會以LEGO® DUPLO其中一個系列「數字火車」做教材，孩子需按照講師指示，完成每一個LEGO 小任務。
利用遊戲抒發情感
課堂主要分為多個環節，遊戲治療師謝姑娘Phoebe先會教大家認識腦部系統一「快思」及系統二「慢想」，再逐步透過各個不同嘅訓練，讓孩子利用遊戲抒發情感，同時開發心智努力，而且仲會從過程中讓孩子學會辨識「需要」及「想要」嘅分別，提升情商鍛鍊。
建立自我意識促進社交溝通技巧
除此之外，家長亦需要學習講師嘅示範教學，與孩子進行互動，一同完成小任務。過程中講師會設計不同情境，與其他在場導師進行角色扮演，分別擔演家長與孩子嘅角色，教導家長利用LEGO引導孩子學習自我表達、培養耐性、解難及社交溝通等技巧。
進行家長教育 培養正向管教
另外，導師亦向家長分享親子溝通嘅小技巧，讓家長能運用正向管教方式，協助孩子認識各種情緒，培養情緒管理能力，培養正向思維。過程中謝姑娘更會細心觀察每一個家庭，並從旁指導，增進家長與孩子嘅了解。
LEGO® DUPLO玩樂專區 發揮無限創意
上完堂之後，大人細路都可以前往課室外面嘅一個LEGO玩樂專區大玩特玩，專區擺放着大量LEGO顆粒，小朋友可以發揮創意，隨意將色彩繽紛，不同形態及特性嘅LEGO拼砌，自由發揮，組成不同樣子嘅LEGO玩具，訓練手眼協調之餘，同時培養創意思維！
