Web Interstitial Ad Example

週末好去處 |環保工作坊DIY植物生態蛋

23-03-2023
週末好去處-steam-環保

平時留意好多親子活動嘅豬仔包媽媽,今次又帶豬仔包去參加環保工作坊,玩樂之餘同時學STEAM,郁下腦仔手仔,過程中仲一齊學識更多植物及苔蘚養護知識,一齊睇下工作坊有幾好玩啦!

週末好去處-STEAM-環保

豬仔包媽媽帶豬仔包參加一個 建造綠色工作坊 ,一同製作「 植物生態蛋」,喺工作坊導師指導下,利用「回收扭蛋殼」製作一個微景觀植物生態蛋嚟種植蕨類及草本植物,從中學習植物及苔蘚養護知識!

植物生態蛋製作方法

週末好去處-STEAM-環保
週末好去處-STEAM-環保

原來製作「 植物生態蛋」一啲都唔難,製作格構共分三層,首先喺底部鋪上小小嘅碎石頭形成「疏水層」 ,再加小小水苔做「過濾隔離層」 ,蓋著石頭以避免第三層嘅泥土掉入底部嘅「疏水層」,亦讓泥土裡多餘嘅水分可以滲透到「疏水層」。最後就係「泥土層」 ,喺水苔上面再鋪滿厚厚嘅培養土,咁就初步完成!

週末好去處-STEAM-環保

跟著就到裝飾部分,要喺植物生態蛋上放上植物同裝飾,同枱嘅參加者各自取一盆小植物,將其分成數株,之後大家再進行交換,咁樣嘅話每人嘅生態蛋就可以有不同種類嘅植物啦!

植物生態蛋保養方法

週末好去處-STEAM-環保

豬仔包最喜歡係紅色嘅植物,媽媽就鍾意紫色,一齊移植好喜歡嘅植物,並於植物旁邊鋪上苔蘚,最後加上少少裝飾品同碎石做點綴,植物生態蛋就大功告成啦!