放假最好帶埋小朋友一齊又學又玩，除咗去遊樂場放電，都可以參加文靜態嘅活動，今次為大家搜羅咗多個免費工作坊，包括有創意手工、情緒管理、STEM。各位爸爸媽媽一於帶埋小朋友走出課房，一齊做好手作、學習課外知識！
精靈寶庫工作坊
精靈寶庫係一個由聖雅各福群會獲社會福利署資助嘅推廣精神健康流動宣傳車服務，不時會舉辦不同類型嘅工作坊，協助大眾疏導情緒。
豬仔包媽媽帶豬仔包參加咗11月份嘅「玻璃彩繪工作坊」，用玻璃專用嘅顏料幫設計獨一無二嘅玻璃瓶，另下介紹觸感遊戲俾參加者，教小朋友更了解人嘅各種情緒。
費用全免，12月工作坊時間表已經出咗，大家不妨前往精靈寶庫Facebook專頁睇相關內容，或致電5898 5062查詢。
週末好去處 ｜環保概念之旅免費遊 4D電影+玩AR/VR遊戲+導覽
識玩工作坊
呢一系列作坊係由家福會主辦，12月3日至4日分別有免費工作坊開放公眾參與，分別為玩轉表達藝術工作坊及「和『孩』共樂遊戲卡」工作坊。玩轉表達藝術工作坊有香港表達藝術治療服務中心合作，透過團體遊戲，並融入表達藝術治療概念，以手作、音樂及舞蹈為主，增加小朋友之間的互動，促進孩子人際發展的同時，讓小朋友學習與別人合作。
另外「和『孩』共樂遊戲卡」工作坊係一個流水式工作坊，參加者可前往試玩並獲贈自家創作、適合多代家庭的「和『孩』共樂遊戲卡」。 活動詳情及參加方法
週末好去處 ｜中環展城館適合一家大小歡度週末 一站式滿足打卡/展覽/遊戲
DESIGN INSPIRE工作坊
DESIGN INSPIRE有一系列網上STEAM及創意工作坊，鼓勵創意及創新思維，仍有名額可報名嘅分別為學生園地創意工作坊、3D 設計及打印工作坊，尤其適合中學生參與，活動名額有限，部分指定時間日子仍有剩餘名額，大家有興趣就要盡快報名啦 活動詳情及參加方法
處理生氣情緒親子工作坊
「處理生氣情緒親子工作坊」為香港圖書館2022年親子閱讀工作坊系列中嘅其中一個活動，暫時12月17日喺屏山天水圍公共圖書館舉辦嘅工作坊仍有餘額，如有興趣就盡快把握機會報名啦 活動詳情及參加方法
週末好去處 ｜五大免費戶外兒童遊樂場 爬蟲館／交通城／恐龍樂園
香港歷史博物館工作坊
2022分別有「神奇鑄幣作坊」及「早期香港海旁模型製作工作坊」。「神奇鑄幣作坊」中博物館將挑選部分展品製作成刻模，讓觀眾透過神奇鑄幣機製作成紀念銅板。所有活動於香港歷史博物館1樓大堂派籌 ，先到先得，額滿即止。
「神奇鑄幣作坊」
活動日期
3 / 10 – 26 / 12 (日)
(第一節) 10:45 – 11:30am
(第二節) 11:30am – 12:15pm
「早期香港海旁模型製作工作坊」
活動日期 :
8 / 10 – 17 / 12 (五)
(第一節) 3:15 – 4pm
(第二節) 4 – 4:45pm
資料內容及相片獲 豬仔包の開心日常 專頁授權轉載
更多相關文章
週末好去處 ｜Yum Me Play兒童主題體驗館 沉浸式學習 結合STEAM元素學機械
週末好去處 ｜屯門室內遊樂場「百田樂園」新店玩後報告
週末好去處 ｜ 精選5大免費STEM兒童探知好去處
