Web Interstitial Ad Example

週末好去處 |體驗全港首個兒童自助創作輕黏土藝術角落「Artco Sumo」

19-10-2022
週末好去處-Play Park-Artco Sumo-輕黏土

沙田新開幕嘅全新兒童室內遊樂場Play Park最近開幕,上次親子試玩員豬仔包同豬仔包媽媽同大家玩過一轉,全層其實除咗玩,仲有音樂、藝術及科學實驗等STEM元素,今次就再帶大家去玩藝術教室「Artco Sumo」玩輕黏土,想知有咩玩?抵唔抵玩?Let’s Go!

週末好去處-Play Park-Artco Sumo-輕黏土
週末好去處-Play Park-Artco Sumo-輕黏土

豬仔包同媽媽喺「Artco Sumo 」體驗全港首個兒童自助創作輕黏土藝術角落 Creative Clay Art Bar。呢個藝術創意工作坊,費用包括自選14包輕黏土、一份小裝飾和一件木器,仲有工具、白膠漿同閃粉等可以借用。

週末好去處 |6萬呎娛樂體驗區開幕 本地薑過江龍品牌齊集沙田

週末好去處-Play Park-Artco Sumo-輕黏土
週末好去處-Play Park-Artco Sumo-輕黏土

豬仔包㨂咗一個木錢箱、跟著攞個小杯仔攞裝飾品,種類非常多,有閃閃嘅珠片、美味小糖果、可愛小怪獸、海洋生物等等,豬仔包樣樣都想要,最後㨂埋輕黏土,我哋就靜靜坐低開始我哋嘅製作!

週末好去處-Play Park-Artco Sumo-輕黏土
週末好去處-Play Park-Artco Sumo-輕黏土
週末好去處-Play Park-Artco Sumo-輕黏土

豬仔包喺屋身同埋屋頂每邊都塗上白膠漿,貼上唔同嘅顏色黏土,之後就將小裝飾每件慢慢貼上去,最後仲加啲黏土點綴,咁就大功告成啦!

媽媽先頭見到豬仔包一邊用哂一整舊黏土,仲驚之後唔夠用,點知加咗小裝飾之後,都唔駛再整太多裝飾已經好靚,仲有黏土剩,又可以攞番屋企再玩過!

週末好去處-Play Park-Artco Sumo-輕黏土

玩完playhouse攰攰哋,坐低整吓小手工都係唔錯嘅選擇,可以親子製作又得,自己獨自整都得。除咗黏土之外,仲有其他陶瓷班,下次再帶豬仔包體驗下先得

週末好去處 |環保概念之旅免費遊 4D電影+玩AR/VR遊戲+導覽

Artco SuMo

Artco SuMo是Artco Gallery 聯乘SuMo Pottery 的一間專業藝術工作室。提供全面的藝術訓練,結合繪畫、手工和陶瓷,認識多元化的藝術創作,呈獻全港首個孩子可以自助創作的藝術角落-Creative Clay Art Bar,藝術角落除了充滿色彩繽紛的輕黏土,還有各款各樣的小配件,閃閃的珠片、美味小糖果、可愛小怪獸、金粉、顏色、木器等等。

提供全面的藝術訓練,課程結合繪畫、手工和陶瓷。學生一方面學習不同的平面繪畫技巧,另一方面學習以陶泥創作立體作品,認識多元化的藝術創作。

Artco Sumo – 兒童藝術教室
地址: 沙田新城市廣場一期地庫04鋪
Tel: 93895881
官網 : https://artcosumo.com/

資料內容及相片獲 豬仔包の開心日常 專頁授權轉載

更多相關文章
週末好去處 |新界九龍區四大兒童室內遊樂場玩後報告
週末好去處 |荃灣全新3萬呎兒童遊樂場 巨型滑梯/鞦韆/繩網/平衡橋
週末好去處 |全新沙田Play Park試玩體驗 玩轉Kiztopia多款刺激遊樂設施

週末好去處-沙田-playpark-kiztopia