近日TVB播放嘅《美麗戰場》,由陳瀅擔正做女主角,飾演原本個性單純後因經歷而變得好勝重機心嘅鍾家寶,但其實現實陳瀅本身都係一個獨立堅強嘅女生,自小於加拿大讀書,大學畢業前已到香港發展模特兒事業,繼而成為演員,且更與好友創立品牌做生意,真係非常「打得」!
加拿大長大 交流生身份前往香港成模特兒
![](https://metroeducationplus.com.hk/wp-content/uploads/2022/10/1-3-12.png)
近日由葉念琛執導嘅《美麗戰場》喺TVB開播,播出後觀眾均對劇情及戲中演員議論紛紛,而陳瀅由乖乖女黑化變成心機婊亦係劇中焦點。不過現實中,其實陳瀅早已係一個堅毅且能幹嘅獨立女性,自小於加拿大溫哥華長大,由婆婆照顧,中學畢業後入讀英屬哥倫比亞大學,修讀工商管理學士,讀大學時以交流生身份前往香港,於香港遊歷中被星探發挖成為兼職模特兒,後來隨之加入演藝圈,成為TVB女演員。
回流香港獨立生活鍛鍊堅強性格
陳瀅表示自己生性獨立,而且好少喊,獨立嘅關鍵,主要係因為當初從加拿大回流香港時需要跳出Comfort Zone獨立生活,所有生活大小事都需由自己決定,久而久之鍛鍊到自己獨立剛強嘅性格,亦甚少表露自己軟弱嘅一面,自認並非溫柔女生,更曾於訪問中坦言 : 「我很喜歡照顧人,讓身邊人先開心,才顧及自己感受,我很少有嬌嗲的一面。」
![](https://metroeducationplus.com.hk/wp-content/uploads/2022/10/1-3-123.png)
除咗演戲,商科出身嘅陳瀅,更與中學兼大學同學嘅知心好友一同創業,建立個人首飾及生活用品品牌onliest & co,開業首一個月已回本兼有錢賺,將當初讀書學到嘅嘢學以致用,非常叻女!
其實陳瀅就讀嘅英屬哥倫比亞大學,都係唔少演藝圈演員讀過嘅學校,學校於加拿大國內大學排名第3,著名校友仲有鄧佩儀、姜麗文、楊洛婷、麥美恩及張嘉兒等。而且英屬哥倫比亞大學嘅商學院亦係加拿大數一數二嘅學術性商學院,鄧佩儀同陳瀅一樣都係修讀工商管理學學士。
明星成長 |李施嬅大學讀多倫多大學 回流選港姐加入TVB憑《金宵大廈》人氣急升
英屬哥倫比亞大學 (UBC)
UBC位於加拿大溫哥華,是加拿大不列顛哥倫比亞省歷史最悠久的大學之一,於加拿大國內大學排名第3,具有「北美最美校園」之稱。大學憑藉許多重大的研究成果、傑出的校友以及提供國際學生優渥獎學金而舉世聞名,每年吸引許多世界各地學生前來就讀。
UBC亦培養了8名諾貝爾獎得主、71名羅德學者、65名奧林匹克運動員、10名美國文理科學院和英國皇家學會院士以及208名加拿大皇家學會院士。其地理學、礦業工程、體育等相關科目亦有較優秀的表現。
除咗鄧佩儀,還有多位女藝人畢業於此校,如陳瀅、姜麗文、楊洛婷、麥美恩、張嘉兒等
2023 QS世界大學排名 :第47位
熱門科目 :生物科技、經濟、法律、藥劑
學費 :每年約CAD 39,197.4 (約HKD 236,238)
相關文章
明星成長 |麥美恩加拿大名校畢業 入行以做主持為目標
明星成長 |李施嬅大學讀多倫多大學 回流選港姐加入TVB憑《金宵大廈》人氣急升
明星成長 |鄧佩儀入行十年終做女一 突請假返加拿大重回校園生活?
![](https://metroeducationplus.com.hk/wp-content/uploads/2022/10/image-5-1024x538.png)