所有家長一定望子成龍，希望子女會有好嘅學習環境及教育，國際學校實行外國教育，學習壓力相對少，多以遊戲及協作形式令小朋友愛上學習，並且能夠提高小朋友嘅英語水平，有利往後海外升學。不過國際學校學費比一般學校昂貴，尤其係私立國際學校，更由每年約2至3萬到10多萬港元不等。而家一於睇下星二代讀嘅國際學校，等各位家長參考一下！
陳展鵬、單文柔 女兒小豬比
陳展鵬、單文柔女兒小豬比就讀國際英文幼稚園暨幼兒園，該校設有兩大校舍，分別為紅磡校舍（2至3歲）及九龍塘校舍 （3至6歲），完成2歲N班後便可直接升讀九龍塘羅福道或雅息士道嘅K1。
學校除咗有優良校譽及升小派位成績出眾外，更受不少星爸星媽歡迎，如蔡少芬及張晉女女、林文龍及郭可盈女女、王浩信陳自瑤女女，全部都係國際英文幼稚園暨幼兒園嘅校友。
