明星成長｜馮皓揚棄考DSE 克服亞氏保加症勇奪金像獎最佳男配角

年僅17歲嘅馮皓揚 (羊羊) 憑《媽媽的神奇小子》中飾演少年版蘇樺偉，奪得最佳男配角。17歲應係今年DSE嘅考生，原本就讀名校中學，因為決心追逐演員夢，羊羊決定輟學拍戲實現夢想。羊羊自小患有亞氏保加症及過度活躍症，但無礙追夢，更稱反而因病學會演戲。為咗過自己想要嘅人生，羊羊勇敢為人生作出抉擇，今屆金像獎嘅結果更証明當初嘅取捨係值得的。

明星成長｜吳君如喜劇角色彈起高峰時一年拍13部戲

自小已為童星參與拍攝
因病感受不一樣的感覺有助演戲

馮皓揚自小就加入童星訓練班，曾參與過ViuTV兒童節目，更曾參演過電影《入鐵籠》、《被消失的凶案》、劇集《愛上我的衰神》、《星星的孩子—魚蛋》等，直到中五升上中六期間，決定放棄學業，全心追尋演員之夢。由於馮皓揚當時已明白自己唔想行既定嘅人生，亦相信讀書並唔係唯一出路，心知自己對演戲有興趣，便把心一橫決定全心追夢。雖然羊羊媽媽表示支持，但當羊羊提出退學時，亦曾憂慮過，曾於訪問中表示兒子已係成年人，有自己人生，父母無法迫使兒子跟自己意思去做，可以做嘅係支持及從旁提醒羊羊將會面對嘅挑戰。

圖片來源 : IG@masonfung1005

馮皓揚小學時因發現有語言問題，便去就診並確診有輕度亞氏保加症、專注力不足及過度活躍症，喺別人眼中或者以上嘅病係一種麻煩，但羊羊反而感到幸運，因患病令自己能夠感受一般人感受唔到嘅感覺，更有助演戲，並且更表示演員需要多觀察周遭嘅事物及與人溝通嘅方式，過程中漸漸加強咗本身薄弱嘅同理心。

明星成長｜林雪15歲開始打工由雜工至電影御用男配角

為《媽媽的神奇小子》試鏡3小時
憑過往演出經驗取得角色

休學期間，羊羊為演員之路做足準備，不斷吸引書本以外嘅知識，如騎馬、溜冰、唱歌，從各方面增值自己。而羊羊之所以能夠有如此出色嘅演出，並非因受過傳統訓練，而係靠自己鑽研及戲劇組人員嘅幫助，過去嘅演出都為角色累積咗一定嘅經驗，羊羊於訪問中透露當時為《媽媽的神奇小子》進行歷時3小時嘅試鏡，係因為之前曾飾演過自閉症嘅角色。

羊羊之所以比同年紀嘅人能行前一步，相信因為對自我有足夠嘅認識，羊羊於訪問中表示自己唔想過倒模人生，認為返學不過係一個讓自己透過學習發挖興趣嘅過程，而自己將來都會繼續邊學習邊實現夢想，並學習不同語言及進修不同技能。雖然年紀輕輕已奪得金像獎最佳男配角嘅殊榮，但羊羊仍記住媽媽嘅期望，直言會繼續謙虛做每個角色，做個出色嘅香港演員。