有被稱為「香江四大才子」之一及傳著名科幻小說作家—倪匡於7月3日離世,享年87歲。倪匡創作出超過四百部電影劇本,代表作包括《獨臂刀》、《少林卅六房》及《少林搭棚大師》等,其中《衛斯理》系列更係著名小說系列之一。2012年更獲香港電影金像獎頒發終身成就獎。
明星成長 | 姜濤對中學回憶感遺憾 望30歲似發哥過生活
全職寫小說 曾創下日寫二萬紀錄
![](https://metroeducationplus.com.hk/wp-content/uploads/2022/07/倪匡-300x246.png)
圖片來源 : 網絡視頻
倪匡1950年代到香港時,做過地盤工人、校對及編輯,後來成為全職寫作人,創作範圍包含偵探、科幻、神怪、武俠、言情等各類小說,曾創下日寫二萬多字的紀錄。而倪匡除咗本身鍾意睇小說,開始寫作嘅契機,其實係源於為咗維持生計,倪匡曾於訪問中講過,自己係難得一位全職以小說賺錢嘅作家,不少同行都會做編輯,喺報館打工或做生意,而自己則係一位單靠寫小說稿費維生嘅人,更稱當時如此勤力寫稿,係因為要知道要寫大量稿先可以獲得收入,因此對文章無法精雕細琢,亦冇翻查資料。而產量最高峰嘅十年八年期間,反而係倪匡生活最荒唐嘅時期,倪匡曾於訪問中坦言 : 「每日都要飲酒,喝得不省人事,第二天頭痛欲裂。不知道什麼原因,可能是上午不寫,下午就沒錢喝酒吧」
明星成長 | 柳應廷街頭Busking兩年零收入從音樂創作中反思家人關係
分享一招創作秘訣
鼓勵有意入行者動手寫小說
倪匡一生創作嘅大量作品當中,有超過400部被拍成電影,其中武俠電影劇本如《獨臂刀》、《十三太保》及《精武門》更係香港電影中嘅經典。2012年倪匡獲得第31屆香港電影金像獎終身成就獎,喺頒獎禮上當被徐克問到如何一日寫2萬字,倪匡剛回應 : 「我冇第二樣搵食本事,我又唔識做導演…」
![](https://metroeducationplus.com.hk/wp-content/uploads/2022/07/倪匡4-300x239.png)
外界一直將倪匡嘅作品被歸類為科幻小說,但倪匡更曾稱自己嘅學歷不過讀到初中,亦無任何科學知識,偏向認為似幻想式武俠小說較多。對於想創作小說嘅新人,倪匡出席2019書展時曾分享如以下心得及建議 : 「即刻開始囉。我經常對有志寫書嘅人講,想寫冇用,要落手寫,想寫又有咩用?想寫即係叫人去發夢,發夢去做一件事,冇用架。你唔落手寫,又點知自己寫出嚟嘅嘢係點樣。後來我總結出一個秘訣,有好多真係非常鍾意寫小說,但唔知點開始,我教一個偷懶嘅辦法,唔係好辦法,但十分有用,先排一個人物表,好似我寫電影劇本,某某大俠一定係行俠仗義、某某土匪一定做盡壞事,主要人物表排出來之後,喺人物之下註明其行為及性格,然後根據呢啲人嚟編織故事,會比較易。」
相關文章:
明星成長 | 岑寧兒為多位巨星唱和音出身 受盡賞識由幕後過度成正式歌手
明星成長 | 周星馳由兒童節目主持做起 奮鬥多年成為香港喜劇之王
明星成長 | 林雪15歲開始打工 由雜工至電影御用男配角
![明星成長-男演員-林雪](https://1283385405.rsc.cdn77.org/wp-content/uploads/2022/06/%E6%9E%97%E9%9B%AA.jpg)