近年網民將MIRROR十二位團員分為「上弦」及「下弦」,其中一位成員團內年紀最細亦並被稱為「下弦」成員之一嘅邱傲然Tiger,近日出席第16屆鮮浪潮國際短片節頒獎典禮時,因精彩嘅致辭而獲得網民大讚。
明星成長 | 姜濤對中學回憶感遺憾 望30歲似發哥過生活
出席鮮浪潮頒獎典禮
自嘲「下弦」勉勵年青人
近日Tiger就頒獎嘉賓身份出席第16屆鮮浪潮國際短片節頒獎典禮時,大方以「下弦」介紹自己,更表明出席頒獎禮其中一件事係嚟搵工作機會 ,稱 : 「Mirror有12個人啦,多啲人識嗰6個叫上弦,冇乜人識嗰6個就叫下弦,咁佢哋其實好少搵下弦嘅人拍戲嘅,例如Tiger啦,Alton、Frankie咁樣。有見及此,我今日係嚟尋找工作機會嘅。大家好,我係Mirror下弦嘅Tiger!」
![鮮浪潮-邱傲然-下弦](https://metroeducationplus.com.hk/wp-content/uploads/2022/06/邱傲然-300x156.png)
圖片來源 : 頒獎禮片段網上截圖
Tiger希望透過言論,令更多人認識MIRROR下弦嘅成員,為隊友及自己爭取機會,藉此勉勵在座年輕人,雖然可能暫時未被看好,但可能只係未係時候,各位都應努力堅持,把握每一個可以證明自己嘅機會。Tiger坦言 : 「我要講嘢喎!想畀大家知道,我係sell唔講嘢嘅,但係機會嚟到就盡力試下。我入行幾年,學咗一樣嘢,就係冇機會嘅時候就努力啲、有機會嘅時候就盡力啲。既然今日有機會,咁我就要盡力啲!ViuTV將會推出套劇集《死角》,圍繞拳擊運動,裡面有個長頭髮嘅男仔,就係我!我相信大家會睇到嘅,十月會播出,睇完之後,大家再決定我哋得唔得都唔遲。」此影片後來於網絡瘋傳,亦受到大眾甚至經理人花姐嘅讚賞,Tiger由從前常被稱為「隱形人」,至主動為自己爭取機會,相信大家都可見Tiger變為「上弦」嘅潛力。
舞藝武術音樂樣樣精
Tiger十歲開始學拉丁舞,更曾於訪問中稱學舞係因為妹妹,因一次接妹妹落堂時,獲得教練邀請而開始接觸跳舞,年紀輕輕已係小一位舞王,曾於「2018年第十一屆超凡盃標準舞及拉丁舞全澳公開賽」奪得超凡盃拉丁舞冠軍。後來參加《全民造星》,更憑精湛嘅舞藝入圍,雖然未能進身十強,但卻獲得花姐賞識,後來被邀請加入MIRROR
明星成長 | 柳應廷街頭Busking兩年零收入從音樂創作中反思家人關係
![鮮浪潮-邱傲然-下弦](https://metroeducationplus.com.hk/wp-content/uploads/2022/06/邱傲然4-300x217.png)
圖片來源 : IG@tiger_yny
除咗拉丁舞,Tiger更識得武術、彈吉他、打鼓同彈琴,閒時更會自彈自唱!小學時期更加入培基武術學會,曾經於「全港公開新秀武術錦標賽」男子小學組初級南拳項目奪冠軍,並且於其他武術賽奪獎。中學畢業後入讀香港浸會大學電影學院,並曾為MIRROR第三首單曲《破鏡》MV執導,可見其藝術天分超高!
曾經Tiger亦回到母校培基小學與師弟師妹分享追夢心得,籍此勉勵同學除讀書之外,記緊盡早發挖自己嘅喜好及興趣,亦提及因細細時經已知道自己鍾意表演,便一直朝着目標努力並加以實踐,如今終達成夢想。
相關文章:
明星成長 | 岑寧兒為多位巨星唱和音出身 受盡賞識由幕後過度成正式歌手
明星成長 | 周星馳由兒童節目主持做起 奮鬥多年成為香港喜劇之王
明星成長 | 陳卓賢以音樂抒發感受 求學時文武雙全為排球健將
![明星成長-MIRROR-陳卓賢](https://1283385405.rsc.cdn77.org/wp-content/uploads/2022/06/IAN.jpg)