講到萬用綠葉配角,不得不提曾獲多次金像獎提名最佳男配角嘅林雪,林雪從影超過30年,演過無數部電影,其中絕大部分由香港著名導演杜琪峯操刀,其中代表作為《鎗火》及《PTU》。作為一名演員之前,林雪打過不同類型嘅雜工,年少時並無任何人生目標,直至遇上人生中嘅兩位恩人,由片場場務做到最佳男配角。
明星成長 | 胡子彤身兼演員加棒球運動員 將運動精神帶到演戲
遇見人生兩位恩人 林正英與杜琪峰
林雪出身於天津,原本家庭富裕,但後來卻家道中落,跟隨父親到香港生活,但生活環境卻變得拮据,因此當初嚟到香港只有15歲嘅林雪,好快冇再讀書,年紀輕輕已踏出社會工作,做過各種各樣嘅勞動工作,如街市搬運、家私學徒及其他粗重工作。直至一次喺桌球室遇到第一位伯樂林正英,被對方提點要好好打工,更被帶到片場做場務,開始接觸電影,更開始與拍戲結緣。
![明星成長-男演員-林雪](https://metroeducationplus.com.hk/wp-content/uploads/2022/06/林雪1-291x300.png)
圖片來源 : IG@lam.suet.official
當時成為場務,林雪曾於訪問中講過當時派過好多飯盒俾大明星,其中一位係後來經常合作嘅周星馳,表示做場務可以見明星又有飯盒食,感到非常新鮮,並漸漸開始對演戲產生興趣,會於片場偷師,對燈光、場務、製片等都略有認識,直至拍攝電影《開心鬼撞鬼》經朋友介紹認識導演杜琪峰,自薦成為幕前演員,並主動爭取到一個冇對白嘅角色,林雪表示 : 「我很清楚自己身份,無讀過多少書,有散工打已經執到了。最重要是,可以邊開工邊睇人拍戲,仲想點呀?」
明星成長 | 林嘉欣十多歲便從台灣獨自到港發展 誕女後曾有抑鬱傾向
試鏡成功首次擔演女主角獲提名金像獎
後來林雪於電影《非常突然》中飾演一名新移民,其逼真嘅演技獲得杜琪峯賞識,並從此真正成為杜琪峰嘅御用演員,後來更逐漸獲得唔少導演邀請合作,如爾冬升、周星馳及成龍。由場務到演員,林雪冇經過任何學院訓練,全部演出都係由實戰經驗累積而致。
![明星成長-男演員-林雪](https://metroeducationplus.com.hk/wp-content/uploads/2022/06/林雪2-293x300.png)
圖片來源 : IG@lam.suet.official
林雪成為演員之前,經歷過場務及十年嘅臨時演員經驗,亦曾稱之為「放下掃把演戲,脫下戲服掃地」,並稱唔會放棄自己嘅演員夢。終於林雪喺芸芸嘅演員之中,突圍而出成為電影畫龍點睛嘅重要綠葉,分別多次提名金像獎最佳男配角,及憑《樹大招風》獲得第11屆亞洲電影大獎最佳男配角及憑《PTU》獲得第9屆香港電影金紫荊獎最佳男配角,今年亦再次憑《殺出個黃昏》入圍第40屆香港電影金像獎最佳男配角
相關文章:
明星成長 | 鍾雪瑩曾身兼多個創作身份 裸辭為提升自我修養成專業演員
明星成長 | 王丹妮由國際模特兒走到演員
明星成長 | 林家棟早已認定演員之路 拒絕承繼父親衣鉢
![明星成長-MIRROR-陳卓賢](https://1283385405.rsc.cdn77.org/wp-content/uploads/2022/06/%E6%9E%97%E5%AE%B6%E6%A3%9F.jpg)