薛凱琪Fiona 嘅歌對於90後嘅年青人嚟講,絕對耳熟能詳,其中包括初推出便超熱播嘅《奇洛李維斯回信》、《男孩像你》及《南瓜車》。除咗唱歌,Fiona更有參與電影拍攝,其中代表作有《早熟》及《分手說愛你》,其中更憑《閨蜜》提名香港電影金像獎 最佳女配角。出道19年,現年40歲嘅Fiona,更成立個人工作室,發展個人事業,將事業領域再拓展得更廣。不過Fiona喺當紅時都曾患過抑鬱並想過自殺,最終幸得圈內及圈外好友嘅扶持及重整心態,終走出內心陰霾。
明星成長 | 欣宜克服負面評價及自我懷疑 奮鬥35年成功奪女歌手金
初出道橫掃多個歌手獎項
![](https://metroeducationplus.com.hk/wp-content/uploads/2022/06/薛凱琪4-300x241.png)
圖片來源 : IG@physit
Fiona中學讀國際學校,曾修讀法文,畢業後入讀城市大學,主修創意媒體,18歲時兼職成為模特兒,後來喺舅父安排下到華星試音被簽約成為歌手,出道初憑《奇洛李維斯回信》一曲橫掃多個歌曲獎項,並於同一年獲得多個女新人獎項。歌手事業上軌道後,更開始參與電影電視拍攝,如電影《新紮師妹3》、《早熟》等,另更有拍攝無綫劇集《學警雄心》,可謂歌影視皆有發展。
明星成長 | 林家棟早已認定演員之路 拒絕承繼父親衣鉢
曾半年冇工作陷入低潮
壓力爆煲患抑鬱 學會放過自己
不過曾自稱追求完美嘅Fiona,2008年因工作及家庭壓力患上抑鬱,體重一度急降,最輕時更只得85鎊。Fiona曾於訪問中提及,表示自己曾經係一個追求事事完美嘅女生,工作盡力拼搏,有負面情緒時亦不易表達,經濟狀況亦不如別人眼中認為咁富貴,並稱最長有半年時間冇工開,陷入人生低潮,收入亦唔穩定,更要承受家庭負擔,累積咗好大嘅壓力。
![](https://metroeducationplus.com.hk/wp-content/uploads/2022/06/薛凱琪-220x300.png)
圖片來源 : IG@physit
Fiona稱患抑鬱症期間,經常失眠、冇胃口食嘢、怕接觸人群,甚至經常喺屋企爆喊及尖叫。最嚴重時更有想過自殺,曾鎅過手並服用安眠藥加紅酒企圖自殺,幸好當時有好朋友方大同嘅支持,Fiona想過輕生時曾致電方大同求助,方大同亦會認真傾聽並確保Fiona喺唔會自殺嘅心理狀態下才放心收線,全靠好友支持,Fiona終能捱過低谷,走出崩潰嘅心理狀態,最終更因家人及工作上嘅責任而放棄尋死。
除咗有好友嘅陪伴,亦有圈外朋友給予嘅鼓勵及扶持,並讓Fiona去睇醫生及食藥治療,更獲另一位好友梁祖堯割愛送貓仔讓Fiona有所寄託,因為有咗猫猫主人嘅身份,Fiona變得更堅強。經過種種嘅幫助,Fiona嘅病情於1年後便有好轉,更稱學懂放過自己,並學習適可而止,唔會對各種事情挑剔太多。
明星成長 | 王丹妮由國際模特兒走到演員
37歲完約無懼置業開個人工作室
![](https://metroeducationplus.com.hk/wp-content/uploads/2022/06/薛凱琪1-207x300.png)
圖片來源 : IG@physit
Fiona與太陽娛樂完約後,37歲成立自己嘅個人工作室,變身時裝品牌老闆,更稱曾有不少朋友好奇Fiona如此決定,但Fiona表示 : 「其實無嘢係無可能,我從來無諗過要開公司,但如果驚的話證明你未夠愛,呢半年我學識只要有恆心,唔使驚,去試去做,個天比得你,一定係覺得你做得掂,所以而家變咗女強人。」更表示未來希望可以開藝術展、擔任導演,希望可以喺可以衝嘅時候勇敢地衝。
相關文章:
明星成長 | 鍾雪瑩曾身兼多個創作身份 裸辭為提升自我修養成專業演員
明星成長 | 方東昇中學為辯論隊隊長 TVB打滾24年由實習記者做到節目主持
明星成長 | Edan音樂讀書範範得 大學曾揀錯科感後悔
![明星成長-mirror-呂爵安](https://1283385405.rsc.cdn77.org/wp-content/uploads/2022/06/edan-1.jpg)