17歲便以模特兒出道嘅王丹妮Louise出演電影《梅艷芳》,並憑電影獲第40屆香港電影金像獎提名「最佳女主角」及「最佳新演員」。除咗身兼演員及模特兒外,Louise更係一位媽媽。擁有多重身份嘅Louise當初擔粗粗參加模特兒比賽並入行,過程辛酸,24歲誕下女兒,整個人生充滿不同嘅經歷及體驗。
明星成長 | 欣宜克服負面評價及自我懷疑 奮鬥35年成功奪女歌手金
17歲入行成為模特兒並登上國際舞台
![](https://metroeducationplus.com.hk/wp-content/uploads/2022/06/王丹妮1-192x300.png)
圖片來源 : l_for_louise@IG
當初年僅17歲嘅王丹妮,參加Elite模特兒比賽奪冠,並代表香港參加亞太區總選,最後更喺36個國家中脫穎而出奪得亞太區冠軍,然後便簽約米蘭模特兒公司進軍歐美市場,成功登上 Chanel、Dior 等時裝國際舞台。王丹妮曾於訪問中提及作為模特兒嘅辛酸,因不同國家會對模特兒會有不同條件,譬如要擁有非常瘦嘅身形稱「冇啖好食」,更試過因應不同嘅國家標準決定食量,一時絕食一時又要瘋狂食雪糕增肥。一開始成為模特兒時唔識著高跟鞋行路,花咗好多時間研究時裝騷嘅片段及雜誌,亦磨練到腳擦損、膝頭痛及腰骨痛,更表示 : 「我試過去米蘭一本雜誌試鏡,去casting的人,在迴旋樓梯一直排到去大廈外面鐵閘,全部都是model,大家等足三、四小時,純粹是為了一輯相,一個機會,所以我會好珍惜每一次機會。」
王丹妮24歲誕下女兒成為人母,回望過去Louise稱24歲時嘅自己最無懼,並稱:「那時候的自己非常真我,為了自己想要的東西可以不顧一切去努力和奮鬥,即使有時候會有點擔憂但我還是會奮力衝過去。那種決心和堅定,是 24 歲時的青春。」直至2016年,香港電影《梅艷芳》開始選角試鏡,王丹妮被邀請參與,更成功獲得擔演女主角嘅機會,Louise稱成為演員係一場緣分,對於演戲零基礎嘅自己被選中感到非常驚訝。
試鏡成功首次擔演女主角獲提名金像獎
電影一出,王丹妮飾演嘅香港傳奇天后梅艷芳一角被外界大力讚賞,首次演戲便入圍金像獎「最佳女主角」,而背後除咗經過6個月演技訓練,其作為演員嘅潛質更係由模特兒工作中累積而成。王丹妮表示因模特兒工作令其唔怕面對鏡頭,亦比較易於投入演戲。對於今次嘅挑戰,王丹妮表示當時除咗要兼顧拍戲,不斷閱讀唔同嘅劇本外,更要兼顧原本嘅模特兒工作,非常充實及忙碌,但為咗拓展自己事業領域,讓大家見到不一樣嘅王丹妮,最終還是完成任務,並獲得非常好嘅成績。
明星成長 | 林嘉欣十多歲便從台灣獨自到港發展 誕女後曾有抑鬱傾向
![](https://metroeducationplus.com.hk/wp-content/uploads/2022/06/王丹妮2-229x300.png)
圖片來源 : l_for_louise@IG
王丹妮雖然只有32歲,但經歷過嘅一切可見其勇於挑戰嘅特質,Louise表示自己雖然外在條件看來好似非常美滿,但自己卻係一個好自卑嘅人,並時常認為自己有所不足,所以提唔起勇氣作出改變,但成為演員後,幸獲得一眾導師嘅鼓勵,先開始懂得自己嘅優點,更話 : 「最重要是你有多想要做好那件事,那種渴求的心態才能夠把潛藏的勇氣逼出來。人無論是自身那些過去的經歷、面對過的挑戰,都會令到自己更勇敢。希望以後要進步,要有勇氣成全自己,不需要靠別人推動。」面對改變嘅恐懼,Louise話自己會選擇將情緒發洩出嚟,然後努力接受事實,更稱 : 「咬實牙關去面對,無論多害怕也要繼續向前行,你才有機會衝破恐懼。」
相關文章:
明星成長 | 鍾雪瑩曾身兼多個創作身份 裸辭為提升自我修養成專業演員
明星成長 | 方東昇中學為辯論隊隊長 TVB打滾24年由實習記者做到節目主持
明星成長 | Edan音樂讀書範範得 大學曾揀錯科感後悔
![明星成長-mirror-呂爵安](https://1283385405.rsc.cdn77.org/wp-content/uploads/2022/06/edan-1.jpg)